مشكلة غريبة في الفرامل

**fimos** · 07-09-2011 11:08 PM

عندي لانوس 2 موديل 2000 وفيها حاجة مش عارف طبيعية ولا لأ
المشكلة اني لما بدوس فرامل عادي برجلي اليمين بتبقى ضعيفة ووحشة وعمري ما كنت راضي عن مستواها وعملت فيها كل حاجة لدرجة اني غيرت الماستر نفسه 3 مرات في سنتين
الغريب اني لما بدوس فرامل برجلي الشمال بتبقى ممتازة وعالشعرة ولا احسن فرامل عربية زيرو!!!
هل في طريقة تعكس الحكاية دي وتخليها حلوة برجلي اليمين. أرجو الإفادة واعذروني لو في أي خطأ في طريقة العرض عشان انا لسة جديد في المنتدى

**ahmedhawas** · 07-09-2011 11:49 PM

تصدق فعلا .. وده عيب مشهور في لانوس 2 موديل 2000
قصدي في الرجل اليمين بتاعة اللي بيسوقوها ، والتوكيل بيستعبط ومش عاوز يغيرها.

يا راجل حرام عليك - أول مشاركة ليك في المنتدى وتبقى بالجمال ده.

**zein_2009** · 07-09-2011 11:58 PM

ممكن لو رجلك الشمال اطول سنه من اليمين

**zein_2009** · 08-09-2011 12:00 AM

ممكن لو رجلك الشمال اطول سنه من اليمين
البس جزمه بكعب عالي شويه في رجلك اليمين

**khaled_bibo** · 08-09-2011 12:04 AM

ﻷ هو عامة الرجل الشمال بتكون اقوى من اليمين يعني لو جربت تسوق اوتوماتيك استحاله تعرف تسوقها بالشمال و ده الحال في المانيوال في اي عربيه لو دوست بالشمال هتلاقي العربيه كلبشت في الارض

**fimos** · 08-09-2011 01:13 AM

المشاركة الأصلية كتبت بواسطة ahmedhawas

تصدق فعلا .. وده عيب مشهور في لانوس 2 موديل 2000
قصدي في الرجل اليمين بتاعة اللي بيسوقوها ، والتوكيل بيستعبط ومش عاوز يغيرها.

يا راجل حرام عليك - أول مشاركة ليك في المنتدى وتبقى بالجمال ده.

على فكرة والله العظيم ما بهزر وانا خليت واحد صاحبي يجربها ولقى نفس النتيجة يعني العيب مش في رجلي ولا حاجة
لو ده العادي في أي عربية قولولي وخلاص انه طبيعي انا معرفش قد كده في العربيات

**fimos** · 08-09-2011 01:16 AM

والعربية مانيوال بالمناسبة

**phone** · 08-09-2011 01:42 AM

ياباشا فيه مأخذ واحد بس هو البنزين يمين و الفرامل شمال صح ولا ايه؟

**fimos** · 08-09-2011 01:58 AM

يا جماعة انا معترف اني جاهل في العربيات. لو في معلومة انا مش عارفها وكل الناس عارفاها لو سمحتو قولوهالي الأول وبعدين كملو تريقة براحتكم

**khater87** · 08-09-2011 03:28 AM

بص ياباااشا .. هو الموضوع ده ممكن تكون بتحس بيه ..
بص كل الي بيحصل
ان رجلك اليمين حصلها تكيف علي دوسه الفرامل والبنزين ..فتيجي لما تدوووس فرامل تحس ان الفرامل مش في مستواها او ناشفه شويه ..
انما لما بتدووس برجلك الشمال الي هي مش متعوده اصلا انها تدوس ع الفرامل ..فبتحس ان الفرامل في اعلي مستواياتها ..
لان الرجل الشمال مش حاصلها التكييف الي حاصل لرجلك اليمين
زيها زي لما تبقي قاعد في فرح مثلا وفيه صوت موسيقي عالي جدا جدا ..وفجأه تخرج بره المكان الي فيه الصوت العالي ده ..وييجي حد يكلمك بنبره الصوت العاديه ..ساعتها مش هتسمعه ..لان ودنك في الوقت ده اتكييفت علي صوت الموسيقي العالي ساعه الفرح ..وسرعان لما بترجع لطبيعتك
الموضوع ده اسمه physiological organ adaptation