المؤشر بتاع البنزين ملوش علاقه بمستوى البنزين فى العربيه "شغال مع نفسه" و العوامه سليمه .
هل ينفع يتغير فتتحل المشكله أم العداد كله بيتغير أم ممكن يكون فيوز مثلا ؟
عرض للطباعة
المؤشر بتاع البنزين ملوش علاقه بمستوى البنزين فى العربيه "شغال مع نفسه" و العوامه سليمه .
هل ينفع يتغير فتتحل المشكله أم العداد كله بيتغير أم ممكن يكون فيوز مثلا ؟
العربية موديل كام ؟
لو موديل قبل 2007 ممكن تعمل test للعداد ، والطريقة موجودة هنا في المنتدى .
لو بعد 2007 محتاجة تتعمل من جهاز كشف رينو .
النتيجة انك هتعرف إذا كان العيب فعلاً من المؤشر ولا لأ ، لو إشتغل كويس يبقى عيب عوامة أو سلك توصيل العوامة أو الفيشة بتاعته
حضرتك متأكد إن العوامة سليمة!!!
أنا مش فاكر بالظبط ، لكن دور في الموضوع بتاع "كل ما يهمك عن ميجان II " هتلاقي موضوع عن إختبار العداد .
العوامة بتبعت للكمبيوتر وهو بيشغل المؤشر حسب القراءة ، كدة إلي حضرتك عملته كأنك فصلت كابل النتورك من جهاز كمبيوتر أثناء ما إنت فاتح صفحة ويب ، متوقع حاجة تحصل ؟, هتفضل فاتحة على أخر حاجة كانت محملاها ، لازم عشان حاجة تحصل تعمل refresh ، نفس الحكاية في التجربة إلي حضرتك عملتها دي.،
الله ينور يا فرحات باشا
طريقة تست العدادات على ما أذكر....
1- تدوس على الفرامل و تفضل دايس
2- تدوس على الزرار اللى جنب دراع المساحات و تفضل دايس
3- تدوس ستارت و تفضل دايس عليهم كلهم مع بعض حوالى 5 ثوانى.
هتلاقى التست أشتغل.........و هيفضل شغال لحد ما أنت تدوس على ستارت تانى باين أو تدور العربية و هو هيبطل.
الموضوع ده فى الموديلات ما قبل الفيس لفت.