استغلال سواقين ميكروباصات فيصل

**Osama_I** · 08-09-2011 06:13 AM

المشاركة الأصلية كتبت بواسطة masterzmind

مشكلة ومش لقلها حل واكلمت مع السواقين كتير فى الحوار دة بيرد عليا بيقولى عدد الركاب من اول فيصل للجيزة ب 7 جنية و نصف طيب انت طبعاا عارف ان لو الطريق واقف بياخد من اول فيصل للجيزة فى ساعة وسعات ساعة ونصف كمان عندك العريش والطالبية ... الخ طيب كل دة والعربية دايرة وفى بنزين وفى كل حاجة طيب الحكومة هى الى بتخلى الواحد يسرق غصب عنو بصراحة معرفتش ارد علية وكمان قالى العربية الفولكس دى فى الصيف بتقعود ساعتين ولازم تستريح عشام بتسخن بسرعة

السلام عليكم و رحمة الله و بركاته
يا باشا ماهو سبب الزحمه ان البيه كل 500 متر واقف بينزل دفعة و بيركب دفعة ثانيه
+ العربيات دى غاز مش بنزين
+ المشكلة الأساسية انه ما فيش رقابة على الناس دى
+ لو حضرتك رحت حته زى بورسعيد أو الاسماعيلية تركب انضف تاكسى و تلف بيه البلد كلها و تديله 2 جنيه
من الأسباب الرئيسية لشرائى سيارة سرقة سواقين الميكروباص

**Ahmod** · 08-09-2011 06:27 AM

المشاركة الأصلية كتبت بواسطة karim fathy

الجديد بقى النهاردة انى جى اركب ميكروبصات الفولكس اللى هى بتاعة شارع العشرين نفسة لقيتو بيقولى جنية الاجرة !!!!!!!!!!! جنية دة الشارع كله مافيهوش و كل المكروبصات على الحال دة يعنى مش السواق دة بس
بس مش عارف دة كدة النهاردة ولا هتبقى على طول

+11111111111

فعلا لسه واحد زميلي قايلي على المعلومة دي

+ انه كانو برضوا بيقسمو المسافة

من العشرين للملكة او لرسلان وبعدين لاخر الشارع وهكذا

**SYD** · 08-09-2011 01:47 PM

المشاركة الأصلية كتبت بواسطة nistelrooy

سواقيين فيصل والهرم كدا لازم ياخدو الطريق علي مرتيين تلاتة !!

علي فكرة مش فيصل وهرم بس
تقريبا بقوا في معظم القاهرة كدة واعتقد عملوا كدة في اسكندرية

والله المستعان
،
،

**SYD** · 08-09-2011 01:52 PM

المشاركة الأصلية كتبت بواسطة masterzmind

بص ياباشا كل واحد فى الدنيا دى بيبص لنفسة انت بتبص انت عندك اسرة وعندك التزمات ومش عاوز تدفع فلوس كتير ومش عاوز حد يستغلك وهوة كمان سواق الميكروباص دة مش ابن حرااام يعنى عندة اسرة بردوة وعندوة التزمات زيك وكمان دة بيبقى شغال عليها وطالع عين اهلوة فى عربية موديل 70 المشكلة مش انت وهوة المشكلة مشكلة حكومة .... زى موظف الحكومة الى بياخد 60 جنية فى الشهر يعنى من الاخر الحكومة بتقولو اسرق عشان تعيش

طب والحل
هنفضل ناكل في بعض ؟؟؟
يعني هو بيحل مشاكله من دم الغلابة الي راكبين معاه

طب وانا ؟؟؟
ارتشي ؟؟؟ ارتشي عشان احل مشاكلي المادية واشوف التزاماتي ؟؟؟؟؟؟

انا اسف مش مقتنع

والله المستعان
،
،

**SYD** · 08-09-2011 01:55 PM

المشاركة الأصلية كتبت بواسطة ahmod

بصراحة موضوعك على الجرح خاصا اني ساكن في شارع فيصل (العشرين)

ودي مشكلة فعلا تلاقي المكروباص مقسم الشارع لتلت واربع محطات

يعني تيجي تركب من الجيزة يقولك اول فيصل اخره العشرين وعشان تروح الطوابق لازم تدفعلك اجرتين كمان لانه عند العشرين هيقولك اخري المطبعة ! وياسلام لو رايح اخر فيصل يبقى ربنا معاك

لكن بصراحة انا بعذرهم اصل مش معقول هياخد من الجيزة لحد اخر فيصل باجمالي اجرة 7.5 جنيه صعب خاصا في اوقات الزحمة ممكن ياخد من الجيزة لاخر فيصل في ساعتين ! فلازم نعذرهم

دة انت حظك من السما

انا ايام الجامعة كنت بلعن اليوم الي سكنت فيه في اخر فيصل لأن زمايلي الي كانوا ساكنين في الطالبية وما قبلها كانوا بيركبوا ويسيبوني واانا افضل بالساعة علي ما اعرف اتشعبط في اي حاجة بتقول طوابق علي العلم اني ساكن في اخر فيصل (كانت لسة عربيات الجمعيات والعربيات الخضرا ماطلعتش وقتها ماكنش في غير عربيات بولاق او التحرير)

**SYD** · 08-09-2011 02:07 PM

المشاركة الأصلية كتبت بواسطة hossam99

الموضوع ده هايجمع ساكني الهرم
المطحونين من سواقين الميكروباص اللي لو يوم كنت فيه سعيد الحظ و مركبت معاه لازم يبقي فيه أي إحتكاك يا يخبط عربيتك يا يخبطك شخصيا و أنت بتعدي يا يوقف الطريق علشان بيتخانق أو يحمل يا .... يا ....
هو العربيات الفولكس دي شكلها غضب بسبب ندر كان علي سكان الهرم و متوفاش أو حد عاملنا عمل

والله انا كان نفسي نتجمع في موضوع احسن من كدة بس هنعمل ايه ؟

فرصة سعيدة جدا اني اتقابلت بيكوا
وانشاء الله تتكرر تاني وتالت

والله المستعان
،
،

**SYD** · 08-09-2011 02:10 PM

المشاركة الأصلية كتبت بواسطة masterzmind

والله لو على الفلوكس دى ماشى المشكلة فى المينى باص الى اسموة الوهاب دوول بقى حسبى الله وانعم الوكيل فيهم

فعلا هما شركات كتيرة اوي وسواقينهم اعوذ بالله
ولا العيال الي بتلم الأجرة

والمشكلة انهم مش حكومة لا قطاع خاص ومستثمرين

الله ييجازي الي كان السبب

هما فيهم ميزة واحدة بس انهم مش بيقطعوا الطريق زي الفولكس

والله المستعان
،
،

**SYD** · 08-09-2011 02:10 PM

المشاركة الأصلية كتبت بواسطة hossam99

دووول ممعاهمش فراااااااااااامل :b4_048::b4_048:

مامعاهمش فرامل ولا رخص ولا سيرفيس ولا اي حاجة خالص

-

الموضوع: استغلال سواقين ميكروباصات فيصل

LinkBack

أدوات الموضوع

عرض

-

-

-

-

-

-

-

المواضيع المتشابهه

سواقين مش عارفين قيمة العربيات إلى معاهم (سواقين الميكروباص فى الفلاحين)

عبقرية سواقين ميكروباصات المقطم

شقة فاخرة للبيع باول شارع فيصل ترى كوبرى فيصل

بلد ميكروباصات

خد وهات ايه رايك؟ ايه هيه اكتر محافظة فيها اسوء سواقين واحسن سواقين

الكلمات الدلالية لهذا الموضوع

المفضلات

المفضلات

ضوابط المشاركة