يوميات مواطن من سكان فيصل
على فكرة يا جماعة أنا عيشت 28 سنة من عمري في دوران شبرا ولما إتجوزت سكنت في فيصل من عشرة سنوات وكانت الأمور معقولة إلى حد ما و مختلفة كتير عن دلوقت ولكني كنت مصدوم لأني علشان أنزل أذهب إلى الشغل أو أروح مشوار كنت بتبهدل وآخذ في المشوار حسب شارع فيصل من ساعة ونصف إلى ساعتين وأحياناً أكتر والحقيقة إنى فكرت من سنتين أن أترك فيصل بسبب الزحام وسواقين الميكروباصات والتكاتك ولكن إتصدمت من أسعار الشقق في المدن الجديدة ، لكن ربنا أكرمنى وجبت عربية ومقلكوش على المسخرة إللى بشوفها وأنا سايق ، آخر حاجة كنت ماشي في شارع الهرم متجه إلى الجيزة والدنيا زحمة وأنا ماشي في اليميين وقام داخل سواق الميكروباص حاشر نفسه من اليميين لحد ماجابلي الرفرف اليميين والباب الخلفي ولما نزلت بقوله ليه كده قالي إنت اللى خبطنى ورميت عليه ، حسبي الله ونعم الوكيل !!!