Nokia X6 16 Giga

**mmharoun** · 08-09-2011 03:09 AM

السلام عليكم انا اشتريت جهاز نوكيا اكس 6 وعملت تحديث للخرائط ونزلت الخرائط الكاملة لمصر بس مش عارف استخدمها فممكن المساعدة اذا امكن

**رزق** · 08-09-2011 09:30 AM

ياريت لو توضح عشان أعرف اساعدك
يعني إيه مش عارف تستخدمها
إيه المشكلة

و ألف مبروك عليك

**mmharoun** · 08-09-2011 02:14 PM

اولا ً : شكرا على اهتمامك بالموضوع يا أ / رزق وكل عام وانت بخير
ثانياً ندخل فى الموضوع اننى حقاً مش عارف استخدم الخرائط اريد ان اعرف كيف استخدمها عند قيادة السيارة وعند السير على الارجل وايضاً لاحظت اننى ممكن اكتب العنوان الذى اريد الذهاب الية والخرائط وتوضحلى الطرق التى اذهب اليها ممكن تشرحالى اذا امكن

**رزق** · 08-09-2011 02:29 PM

المشاركة الأصلية كتبت بواسطة mmharoun

اولا ً : شكرا على اهتمامك بالموضوع يا أ / رزق وكل عام وانت بخير
ثانياً ندخل فى الموضوع اننى حقاً مش عارف استخدم الخرائط اريد ان اعرف كيف استخدمها عند قيادة السيارة وعند السير على الارجل وايضاً لاحظت اننى ممكن اكتب العنوان الذى اريد الذهاب الية والخرائط وتوضحلى الطرق التى اذهب اليها ممكن تشرحالى اذا امكن

وإنت طيب يا أستاذ هارون

استخدامها سهل قوي
بعد متفتح ovi maps حتلاقي زرار drive دوس عليه
بعدين set destination
قوله from map غير لو حاجة مشهورة وحتلاقيها في السيرش أو حتة روحتها قبل كده بالmaps حتلاقيها في ال history
دوس from map
قلب في خريطة المديينة و شوف عايز تروح فين
لما تستقر على مكان كليك عليه أو على البار اللي فوق و قوله select
حيبدأ هو بقى ويحاول يلقط اشارة gps
عشان تشغل ال نافيجتيون الصوتي كل اللي مطلوب إنك تنزل لغة من نفس اللي مكان اللي نزلت منه خريطة مصر
بعدين في options البرنامج تختار اللغة دي

وفي كمان حاجة ممتازة تسهلك اختيار مكان ما أنت رايح - عشان على شاشة الموبيل بتاخد وقت شوية
login ب اكونتك في Nokia Maps - City and Country Maps - Driving Directions - Satellite Views - Routes من الكمبيوتر
دوس باليمين على المكان اللي عاجبك و add to favourites
بس كده تدخل من المحمول ovi maps -> favourites -> synchronize

لعلمك nokia maps من أحلى برامج الخرايط اللي ممكن تتعامل معاها - ودي كلمة حق لصالح نوكيا بالرغم من إني دلوقتي ماشي ب اندرويد