ما هي اوراق العربية الزيرو

**momo_h** · 08-09-2011 03:17 AM

عايز اعرف ممن لديه خبرة في شراء العربيات الزيرو

ما هي الاوراق اللي بستلمها مع العربية من المعرض اللي بشتري منه العربية الزيرو ؟ عايز اعرف ايه هي الاوراق دي بالتفصيل

وبالنسبة لدفع الفلوس : هل انا بدفعله الفلوس كلها عند استلام العربية واوراقها كاملة ولا بأجل جزء من الفلوس الي بعد الترخيص

يا ريت الافادة من اصحاب الخبرة

**Memo7070** · 08-09-2011 10:02 AM

متابع بإهتمام

**protech** · 08-09-2011 12:47 PM

متابع

**mido1512h** · 09-09-2011 01:31 AM

نفس السؤال

**momo_h** · 11-09-2011 09:16 AM

مفيش اي رودود

منتظر رد السادة الاعضاء

**mohamed_rhem** · 11-09-2011 07:00 PM

اولا الف مبروك وان شاء الله ربنا يكرمك وترخصها بسهوله

بتاخد منهم الاتي

1-صورة الافراج الجمركي وده بيكون فيه عدد معين من العربيات فيهم العربية اللي اشترتها وبيقي متعلم عليها

وده الافراج بأسمهم وبتعرف منه اماكن المرور وارقام الملفات اللي حتجيب منها شهادة بيانات

وفي الغالب بيبقي 3 اماكن مرور مدينة نصر والدراسة اشهرهم

2-جواب الي المرور بأسمك للترخيص

3- تروح المرور وتاخد شهاده بيانات بالعربية الجديدة وانت واقف من مرور رابعة مدينة نصر مثلا

يبقي كده كله تمام مفيش مشاكل تروح المرور اللي تبعه وتكون شاري طفاية 1 كم وترخص عادي جدا بتاخد بصمة من الموتور والشاسية ولما تخلص تعلق اللوحات

وكل عربية جديدة وانت طيب

وانت في المعرض تاخد منهم الكتالوج والضمان ويتكتب التاريخ لان ده بداية ضمانك

وتاخد اي ضمان تاني سواء مركبين كاسيت مش نازلة العربية بيه مثلا والكتالوج بتاعه

وتعاين كويس قبل ما تمضي علي محضر الاستلام لان في عيوب في الاستلام الضمان مبيرضاش يصلحها

ارجو ان اكون افدتك

**SYD** · 22-09-2011 04:05 AM

انا لما استلمت عربيتي القديمة (لما كانت زيرو) استلمت جواب من الصالة بيفيد ان العربية دي متباعة من الصالة الفلانية للشخص الفلاني ودة كان مجرد زي تصريح امشي بيه

والصراحة العربية كانت مصري (لادا) وبالتالي ما خدتش لا أفراج جمركي ولا اي حاجة من السابق ذكرها

كل الي انا فاكره كان مجرد جواب والكتالوجات وضمان العربية والكاسيت والأنذار ونسختين مفاتيح

وبعد يومين روحت الصالة تاني خدت واحد من هناك ونزل معايا المرور وخلصلي كل حاجة علي ماشربت الشاي وعلقلي النمر وجابلي طفاية وسلمني العربية ورزعته 150 جنيه علي ما اتذكر

والله المستعان
،
،