هل تتخيل أن الـjaguar xf 2009 نفس سعر الكيا سيراتو !؟

**MaNoLa** · 17-09-2011 12:16 AM

المشاركة الأصلية كتبت بواسطة حماده المصري

انا عمري ما هنسى اليوم ده في 2004 دخلت معرض بي ام دبليو في الامارات 3 ادوار انضف من التوكيل
عنده كل العربيات الي بي ام دبليو نزلتها بكل المواصفات مواصفات الماني امريكي ياباني عنده عربيات من كل حته في العالم كله يوزد بجد بقى تتفرع على عربيات غريبه بمعنى الكلمه عملنا فيها بقى السناتيح روحنا سالين على الغول 740 كانت موديل 1997 قالك 60 الف درهم يعني 90 الف جنيه

يا باشمهندس دبى دى أكتر دولة فى العالم فيها رفاهيات و ربنا يزيدهم و يباركلهم
بس يا رب نبقى نصهم فى الرفاهيات دى أحنا شعب مش بتاع أنتخه والله العظيم
و لو المواطن المصرى حس أنه مرتاح هيدى أكتر و أكتر طلاما فيه جهات رقابية هتبقى موجوده فى الشغل
و أنا راضية ذمتك بص الصور دى من دبى

بص على تشكيله العربيات المطلية دهب دى

من الواضح أن كمان فيه صور كتيرة جدا لدبى بالطريقة دى
يعنى مفيش مثلا طبقة حاكمة نقول دى قليلة
لأ دا الشعب كله و الحمد لله مبسوط
تحبوا أعقدكم أكتر ولا كفاية كدة ؟
و دعواتكم لمصر يا مصريين و يا أماراتيين و ربنا مايولى عليكم حكام مصر

**MaNoLa** · 17-09-2011 12:23 AM

شوية شلل أماراتى

والله ماهسيبكم غير لما تتحمسوا عشان ننتج سيارة مصريه 100% يا أما أجيبلكم أحباط تااااااام و محدش يسوق عربيته و أنا عن نفسى فكرت أولع فى الجين تو و الباجيرو

**elewey** · 17-09-2011 04:50 AM

والله يا جماعة انتو عندكم حق فى موضوع الجمارك دة بس فى نقطة حتبقى مشكله عندنا فى مصر لو العربيات دى نزلت من غير جمارك بالاسعار دى تقريبآ كل بيت فى مصر حيكون عندة على الاقل عربية و اكتر كمان المشكله التانيه احنا مش بنتخلص من القديم يعنى عربيات السبعينات لسه ماشية و زى الفل لغايه دلوقتى و دة طبعآ مش موجود فى الخليج و لا حتى فى اى دوله اوروبيه فاقنعوا الناس بقى فى مصر تتخلص من العربيات القديمه عشان كمان تعرف نمشى بالعربيات فى الشارع اصلا

**tutankhamoun** · 17-09-2011 07:04 AM

العربية مستعملة يا جماعة و دي أول نقطة
النقطة التانية الضرائب هناك غالية قوي على العربية اللي بمواتير كبيرة و بالتالي سعر المستعمل قليل عشلان محدش بيحب يشتريها إلا إذا كان قادر على ثمن الضرائب السنوية
التأمين هناك مع شركة تأمين أجباري ...... و التأمين بيتحدد بكذا عامل

سن السائق
تاريخ السائق في الحوادث
ثمن العربية و ثمن قطع غيارها

بالاضافة طبعا إلى ثمن البنزين اللي هناك غالي جدا
و كمان حاجة تانية أسعار العربيات المستعملة أصلا هناك بتقل كتير .

أسعار العربيات هناك جديدة زي هنا بالظبط أو أغلى كمان

هو بس سوق المستعمل هنا ................... مهلبية

أنتو عارفين ان هناك كل الطرق بفلوس .......... لو عايز تدخل لندن تدفع فلوس علشان تدخل
و مفيش هناك حاجة أسمها تركن في الشارع .......... كله في جراجات و بفلوس .

فأصلا هناك تكلفة أقتناء سيارة أغلى من ثمن السيارة نفسه

**tutankhamoun** · 17-09-2011 07:07 AM

يا جماعة هناك برضه فيه جمارك غلى العربيات و فيه ضرائب
يعني برضه مش أحنا بس

و بصراحة أحسن ان العربيات ثمنها غالي
لما أحنا دلوقتي بنعاني
أمال لو كل تيت من الشعب عنده عربية هانعمل أيه في بعض و هانركن فين أصلا

**MaNoLa** · 17-09-2011 01:01 PM

ميرسى على ردودكم جدا بس أنتوا أجمتعوا على حاجة واحدة بس وهيا المعاناه فى الشوارع
دة مش ذنبى ولا ذنب الناس كلها
دى غلطة الحكومة من عشرات السنين إلى كان تخطيطها العمرانى كله غلط فى غلط
يعنى سايبين الصحرا كلها و جايين على فتله لونها أزرق فى الخريطة بس
يا جماعة بدل ماكان يبقى فيه فيضان ماكانوا يعملوا توسعات فى النيل و خطوط تانيه على الأقل لو مش خطوط زراعة تبقى خطوط مياة صالحه للشرب و تبقى مصر متوسعة عن كدة و بالتالى الزحمه تخف و عدد الأبراج إلى بتقع يوميا يقل و لو العربيات زادت هتمشى فى حارتها مرتاحه و مش هيبقى فيه زحمه و أنت ركنت غلط و انت راكن صف تانى و أنت مدتش أشارة و الكلام البيئة دة

**حماده المصري** · 17-09-2011 10:36 PM

المشاركة الأصلية كتبت بواسطة tutankhamoun

يا جماعة هناك برضه فيه جمارك غلى العربيات و فيه ضرائب
يعني برضه مش أحنا بس

و بصراحة أحسن ان العربيات ثمنها غالي
لما أحنا دلوقتي بنعاني
أمال لو كل تيت من الشعب عنده عربية هانعمل أيه في بعض و هانركن فين أصلا

باشا مش كل دول اوروبا ضرايبها غاليه ثانيا مستوى المعيشه مختلف ثالثا اعتقد الموضوع مفتوح على الدول العربيه

بالنسبه لموضوع التامين التامين فعلا اجباري بس ده يحللك مشاكل كتيير انك تتخبط ويتنصب عليك او تعمل محضر ومتاخدش لا حق ولا باطل لان هناك في قانون والقانون هناك صارم وصحيح

في الامارات الي يتجاوز بدون اشاره ممكن ميسوقش تاني اساسا

في السعوديه صحبي شغال بيقولي انت لو عملت حادثه بعربيه متامن عليها وخصوصا الايجار كل الي بتعمله تدفع 500 ريال وتروح والتامين يجيب وحده تانيه علطول والامارات كذالك كنت انا فيها نظام تامين مريح جدا جدا جدا

البنزين في الدول العربيه رخيص جدا جدا جدا ده ارخص من اللبان

في اوروبا متنساش الديزل هناك شغال الله ينور ورخيص جدا جدا برضو وكل العربيات هناك متوفره ديزل

لا ياباشا متتكلمش على فرق عربيات بس ولا فرق ضرايب اتكلم على فرق دوله متحضره بالكامل بتعامل الانسان باحترام

انا في حد من قرايب صحابي والله مافاكر كان في فرنسا ولا كندا
كان على طريق زي الدائري كده وعدى نزله ب 10 متر وكان الطريق فاضي اساسا يادوب فكر يدي الريفرس كانت الدوريه واقفاله وانت مجنون ولا ايه وعايز ترجع بضهرك والواد مش مصدق نفسه ياجماعه دول 10 متر في ايه ده في مصر ممكن تلاقي واحد واخد صلاح سالم كله عكس
المهم البيه اتقبض عليه واتعملتله محكمه وبتاع ودفع غرامه كام الف والاحلى من كده انهم دخلوه مصحه نفسيه 3 شهور نفسهم يعرفوا هوه عمل كده

هما بالنسبالهم ياما ده مجنون يا اما مريض وهوه بالنسباله عادي جدا

**ashouhdy** · 17-09-2011 10:51 PM

المشاركة الأصلية كتبت بواسطة MaNoLa

فيه زحمه و أنت ركنت غلط و انت راكن صف تانى و أنت مدتش أشارة و الكلام البيئة دة

بيئة اذاى يعنى

**HOSAMSAMSOON** · 19-09-2011 11:20 PM

[frame="9 10"]انا فى السعودية
و منكرش ان اسعار العربيات المستعملة رخيصة جدا جدا و الجديد فى حدود المعقول جدا
بسسسسسسسسسسسسسسسسسسس
قطع الغيار نار و المصنعيات نار النااااااار و مش كلهم بيفهمو
فية كتير بيفتو
و اسهل حاجة غير
مش زى مصر ممكن يفك قطعة الغيار 100 حتة و يصلحها و بمصنعية معقولة او بمعنى اصح رخيصة جدا بالمقارنة بهنا[/frame]

-

الموضوع: هل تتخيل أن الـjaguar xf 2009 نفس سعر الكيا سيراتو !؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

أصدقائى ملاك الكيا سيراتو - شوية استفسارات من مالك لكيا سيراتو - ارجوكم

ياجماعه محتار بين الكيا سيراتو العاديه الهاي لاين وكيل - والكيا سيراتو كوبيه خليجي

سؤال عن عفشة الكيا سيراتو 2009 مع الجنوط 17

مقارنة بين الكيا نيو سيراتو 2009 sx ولا الدايهاتسو ماتيريا 2009 اوتوماتيك كاملة

الكلمات الدلالية لهذا الموضوع

المفضلات

المفضلات

ضوابط المشاركة