العربيه بتتزحلق على الطريق

**mrghost** · 08-09-2011 11:24 AM

السلام عليكم ورحمة الله وبركاته
ياجماعه انا عندى حاجه غريبه اوى
العربيه وانا ع الطريق الزراعى طبعا العربيات النقل مبوظاه وبيكون فيه ريجه لما بمشى عليها او وسطها بالعربيه العربيه بتتزحلق يمين وشمال وبحس انها هتتقلب بيا بس بشوف عربيات ماشيه عليها قدامى ومش ببتزحلق ولا بتميل زى عربيتى ياترى دى مشكله عندى فى العربيه ولا ده الطبيعى علشان الريجه اللى فى الطريق؟

**Ashraf_Ibrahim** · 08-09-2011 11:44 AM

الكاوتش عندك اخباره ايه!؟

**Elawany13** · 08-09-2011 11:50 AM

الطريق الزراعى فيه حتت مهببه فى البحيرة
تلاقى مرتفعات ومنخفضات كبيرة جدا
طبعا الحتت ديه الواحد بيمشى فيها بحذر وفعلا ممكن تتسبب فى كارثه لو مش واخد بالك
فى عيد الفطر كنت رايح اسكندرية
والطريق كان فاضى وجميل وكنت ماشى على الشمال وفجأة لاقيت الأسفلت باظ بالطريقه اللى بتقول عليه
وأنا بكسر يمين واحده واحده بقى فى وسط العربية بالظبط خط مرتفع
جدا من الاسفلت بالطول طبعا واتزنقت فى الحته ديه
والعربية كانت محملة على الآخر وفضلت تحك فى الاسفلت فترة
على ما عرفت اروح اقصى اليمين علشان اتفادى الأسفلت البايظ

أنا قلقان على العربية من ساعتها
اللى عاوز أعرفه الاحتكاكات اللى حصلت ديه فين ؟ وممكن تتسبب فى ايه ؟