الحمد لله نصيب (الفيات الاونو تتحول الي نصر فلوريدا)
الموضوع بإختصار ان انا مش معايا عربيه شخصيه احنا في البيت معانا عربيه اسبرانزا a620 وانا كنت عملت حادث اخر 2007 من بعدها مش بسوق خالص حتي رخصتي خلصت ومجددتهاش
ومن اكتر من سنه بدور علي عربيه مستعمل للمدام لاني مش بحب اسوق خالص قلت اجيبهالها تتعلم فيها ولما ربنا يفرجها بمبلغ محترم اجيبلها حاجه جديده
من كام يوم واحد عرض عليا اونو موديل 2003 بـ25 الف
اخدت ميعاد ولما قابلته لقيتها نصر فلوريدا (وانا معرفش يعني ايه فوريدا)
العربيه حلوه والسمكري شكرلي فيها وقالي ميكانيكيتها متوفره ماعادا الشكل الخرجي متوفر في القاهره
جيت عملت سيرش اتضح انها مش عربيه دي كارثه ملهاش فانوس ملهاش مرايه ملهاش اي قطع غيار(طبعا الشكل الخارجي انما ميكانيكا هيا ريجاتا علي 128)
انا الصراحه اخدت قرار اني اتصل بيه والغي البيعه مع اننا وصلنا 21 الف بعد الفصال (طبعا ده قبل مااعرف حالتها الحقيقيه)
بس عمال اقول طيب لو لغيت اجيب ايه ولو اخدتها المدام اكيد هتخبطها طيب اعمل ايه؟
