لمبه الكشاف الامامي ضعيفه جدا لدرجه اني محسش اني مولع الكشاف علي العالي ؟
السبب ايه بقي ؟ وحله ايه ؟
عرض للطباعة
لمبه الكشاف الامامي ضعيفه جدا لدرجه اني محسش اني مولع الكشاف علي العالي ؟
السبب ايه بقي ؟ وحله ايه ؟
غير الكتاوت يا باشا بس متعليشى قوى علشان الضفيرة وكمان ممكن تعلى باللمبات بس خلى كهربائى نضيف يعملها يحسن تسيح الدنيا
انا لسه مركب كتاوت نور الاسبوع اللي فات وغيرت اللمبات ال55/60 اللي كانت راكبه باخري 200/260 الماني والدنيا اختلفت في الرؤية تماما
واتاكد ان المرايات بتاعه الفانوس حالتها كويسه مش مصديه لان دى مهمه جدا فى قوه الاضائه
http://up.x333x.com/uploads/1b7923b0a2.jpg
الارضى اخباره ايه
السلوك بتاعة الكهرباء ممكن تستبدل بسلوك اتخن و يظبطلك السلوك بتاعة الارضى فيعملك تقوية انوار.... لسه عامل الكلام ده فى عربيتى
الحكاية دى بتبان اوىىىى فى العربيات القديمة شوية. انا عربيتى 504
بص ياسيدى. السلوك اللى جايه بيها العربية بتبقا قدمت و نشفت و بتفوت
كمان يتبقا رفيعة فكل ده بيزود مقاومتها و النتيجة = توصيل ردىء
تروح للكهربائى و تطلب منه انه يشيل لك كل اسلاك الانارة و الكهرباء بتاعة الفوانيس و الكتاوت. هايبعتك تجيبله حبت حجات= تجيبله اد 10 12 متر اسلاك 3 ميللى ( النوع الى جبته كان مصرى و جيد و قضى الغرض) و بيكون لونهم ابيض و فيهم خط ازرق او خط احمر ( مافيش فرق بس انتا بتجيب من ده و من ده عشان الكهربائى ممكن يحب يميز وصلات بلون مختلف منعا لللخبطة) و هاتجيب حبة فيوزات علا حبت قفايز بغطيانهم ( حاجة كده معدن اد اللباية السوبر و لونها نحاسى بتركب فى السلوك زى الفيشة عشان توصلها بالكتاوت)
كل ده تمنه بتاع 30 جنيه
و يراجع السلوك الارضى و يزودها او يغيرها. و يغير الفيوزات
و يغيرلك اللمبات باخرى اقوى ( فيه ماركة اسمها تانجسرام المانى ممتازة)
و الفلم ده هياخدله كام ساعة فا ياريت ترتب معاه قبلها و تروح له بالنهار
و ممكت تفك الفوانيس ينضفهالك و اذا حبيت او كان ينفع ممكن تجيب و شوش جديدة للفوانيس ( انا ما اعرفش عربيتك ينفع فيها موضوع تغيير وش الفانوس ده ولا لأ)
كمان زاوية الفوانيس الامامية
الفانوس لو باصص لفوق شوية هاينور فى الهواء و يزعج اللى امامك لكن انتا مش هاتحس انه منور اصلا!!!! و ان الاسفلت امامك كحل مش شايف الطريك و كان الفانوس مطفى.
و الحكاية دى كابتبانش من شكل الفانوس و هو راكب بتبان بليل و الفانوس شغال تجد ان علا الطريق ولا كانه منور لكن لو وقفت امام حيطة تجد النور منعكس على منتصف الحيطة و هنا ياتى دور الكهربائى فى انه يخلى الفانوس يلف فى مكانه لتحت بتاع 1 سنتى و بعدين يثبته على الوضع ده
شكرا علي خبرتك ياباشا ؛ انا روحت للكهربائي ركبلي 2 كاتاوت واحد للنور الامامي العالي والواطي وواحد لنور كشافات الشبورة وجبت سللك 3 مللي الابيض بخط احمر وغير لي لمبه الكشاف بواحده زئبق فيها عدستها ؛وغسلت الكشافات من الداخل كان عليها تراب مغطي اللمعه والنور فعلا اشتد قوي عن الاول بكتيير قبل كده مكنتش شايف الا ضعيف ؛وفكرة لف الفانوس نفعت عندي لانه المسمار كان مش متركب الاول صح وغيرت نور العدادات لنور ازرق بلمبات مسح وكتر خيرك ياباشا
العفو يا باشا. واضح ان النصيحة جت بفائدة
بس ايه اللمبات الزيبق اللى فيها عدسة دى؟؟
و لمبات التابلوه الزرقاء المسح؟ ياريت تدينا فكرة و سعرهم و لو بالتقريب
و منك نستفيد..
لمبات التابلوه الزرقاء المسح؟
بحوالي سبعه جنيهات للاثنين مع بعض ؛ وتباع مغلفين في جراب بلاستيك ولونها ازرق صافي غيرت شكل العدادات وحطيت واحده تحت زجاج الفتيس الاوتماتيك غيرته شكله
اما اللمبه الزيبق لمبه كشاف مطاوله علي راس اللمبه عدسه صغيرة بس نورها شديد
وعموماحجيب لك الماركات بتاعتها انشاءلله
شكرا يا باشا و منتظرين الماركات