-
إخذروا من توكيل سكودا
عندى عربية فابيا تعطلت مؤخراً بسبب إرتفاع فى الحراره و ذهبت إلى مركز عقل بطريق المحله طتطا 3 مرات لتصليح نفس العيب فى خلال اسبوعين .
اول مره تم تغيير الكوع بمبلغ 100 ج بالتركيب والمروحه كانت تتعطل فتم تصليحها بعد اسبوع كنت على الطريق السريع توقفت بى السياره وارتفعت حرارتها وبعد ما جبت عربية كساحه لنقلها لمركز عقل طلبت منهم ان يغيرو المروحه إذا كانت هى السبب .
وبالفعل غيرت المروحه ب 1400 ج وبعد يوم سافرت الى الاسكندريه تعطلت السياره عند مدخل الاسكندريه لنفس السبب ولكن المفاجأة ان المروحه الجديده تعطلت , وبعد ان ذهبت لميكانيكى فى الطريق وجدت ان شدة الحراره ادت إلى انفجار الكوع الجديد ايضاً.
غيرت الكوع وبعض الخراطيم ولكن المروحه كانت فى الضمان.
بعد ان كلمت توكيل المحله قاولولى هاتها واحنا هنتصرف ,فأقترحت ان اذهب لتوكيل الإسكندريه فى اول الصحراوى فوافقو ولكن توكيل الاسكندريه رفض , وبعد ما جبت واسطه توكيل اسكندريه وافق ,
فى توكيل اسكندريه بعد ما نقلت السياره بكساحه إليهم قالولى ان معندهمش المروحه والحل انى اسافر المحله بس مشغلش تكييف وبعد ان قمت بذلك تعطلت السياره فى إيتاى البارود وطبعا كلمت الكساحه اللى بقت انتيمتى خلاص عشان اوديها المحله
المصيبه انى اكتشفت ان الكوع الاول اللى ركبته فى التوكيل كان مضروب و الثيرموستات بتاعه بايظ , والمروحه الميكانيكى بيقولى مش أصلى والأصلى ب 1100 مش 1400
قولولى فى معامله أوحش من كده
-
سكودا ملهاش مركز صيانه ف اى حته غير غمره دير الملاك 4شارع ترعة الجبل ........ اما باقى الموجودين ف هم مجرد وكلاء لسكودا مش ارتوك اوتو زات نفسها انا من طنطا و مش بتعامل غير مع التوكيل ال فدير الملاك
-
اتا ياما حذرت من عقل
لو من الاول روحت اسكندريه كان كلو بقى زى الفل
Content Relevant URLs by
vBSEO 3.6.0 PL2