الموضوع: >>> مستشارك القانوني المجاني <<< - لاعضاء منتدى نايل موتورز

المشاركة الأصلية كتبت بواسطة swimmer25

طيب دلوقتي أنا إشتريت شقة بإحدي المدن الجديدة اللي تبع هيئة المجتمعات العمرانية بس الشقة في عمارة على أرض إسكان عائلي والرخص سليمة
عملت عقد وكان موجود محامي من طرفي راجع العقد ودفعت الفلوس ومالك العمارة والأرض عملى توكيل بالبيع والتعامل مع الجهاز والكهرباء ومعملتش أي حاجة تاني بعد كده والمحامي مقالش إن فيه خطوات تانية غير إني أستلم الشقة وأقفلها وقفلتها فعلا بقفل وانا خارج مصر فلسه مبدأتش تشطيب
إيه الإجراءات بعد كده بالنسبة للمدن الجديدة وإيه موضوع التسجيل ده وبيتعمل فين وإيه الأوراق المطلوبة والرسوم

اذا كان الحظر انتهى الخاص بالمالك الاصلي المتعلق بالتصرف
فيمكنك البدء في اتخاذ الاجراءات مع محاميك

وحاول ترسل بين حين واخر تتاكد ان الشقة لم تفتح او يغتصب حيازتها احد


بالتوفيق

المشاركة الأصلية كتبت بواسطة hany adel

اعمل شركة مسئولية محدوده
ووزع الاسهم حسب الانصبه على الشركاء
وتقدر تحدد الشروط اللي انت عايزيها كلها في العقد
من الادارة وخلافه

تحياتي

شكرا لرد حضرتك

هل إنشاء شركة لمشروع صغير كده هيعلي شريحة المحاسبة الضريبية او طريقة تقديرها؟؟؟

المشاركة الأصلية كتبت بواسطة abohend

شكرا لرد حضرتك

هل إنشاء شركة لمشروع صغير كده هيعلي شريحة المحاسبة الضريبية او طريقة تقديرها؟؟؟

بالعكس
مهم جدا ان المسألة تبقى واضحه وقانونية تماما
ومسالة الضرائب مطبقة سواء منشأة فردية او شركة او ايا كان النشاط

ولازم تعرف ان المشاكل بتحصل دايما خصوصا لما ان شاء الله المشروع ينجح
وكله يطمع في حته اكبر ..

النفوس تتغير
والورق ثابت ....

وخلي محامي بيفهم وتثق فيه يحضر العقود عشان ما يبقاش فيه اختلاف بعد كده ..
او مشاكل تهد النشاط

بالتوفيق ان شاء الله

من الافضل لك التعامل مع محامي قريب لك ,.. او تعرفه
لانهاء الاجراءات..
والمسألة كلها صورة البطاقة .. ولو شركة ام منشأة فردية
الشركة يكون هناك عقد بين الاطراف .. سواء توصيه بسيطه او تضامن مثلا
ثم الضرائب .. وتسجيل العقد في الشهر العقاري .. وشهره بالمخكمة
وتختلف المسألة حسب طبيعة العقد
اذا كان عقد اموال ام اشخاص
من اجل هذا من الافضل ان يتابع معك محاميك

بالتوفيق