>>> مستشارك القانوني المجاني <<< - لاعضاء منتدى نايل موتورز

**emadalzouk** · 28-02-2018 11:17 AM

الاب متزوج اتنين

1- الزوجة الاولى لها اربع اولاد (2) صبيان(2) بنات
2- الزوجة الثانية لها (4) الولاد صبيان
الاب توفى من حوالى 33 سنة وكان المنزل عبارة عن دور ارضى و دور علوى
تم بناء ثلاث ادوار اخرى فاصبح المنزل اربع ادوار علوى و الدور الارضى
الدور الارضى يوجد به بالخارج ثلاث محلات صغيرة و شقة داخلية غرفة و صالة و مطبخ و حمام
**** مع العلم ان ما تم بناءه بعد وفاة الاب كلاُ بمجهوده يعنى اللى بناء شقة قعد فيها وبقت نصيبه و كله كان بالتراضى .
فاصبح تقسيم المنزل كالتالى :
نصيب الزوجة الاولى و ابناءها البنتين و الولدين محل واحد و الدور الارضى من الداخل الغرفة و الصالة و الدور الثانى و الدور الثالث علوى
نصيب الزوجة الثانية و ابناءها الاربع اولاد عدد 2 محل و الدور الاول و الرابع علوى
والان حدثت مشكلات كثيرة واراد احد ابناء الزوجة الثانية عمل عقد وبيع شقته فامتنع ابناء الزوجة الاولى عن الامضاء على العقد ويريدون شراء واخذ الشقة بدون عقود وشراءها بثمن بخس
فهل يمكن عمل عقد للشقة و توثيقها بدون الرجوع لابناء الزوجة الاولى
و يقومون باقى الورثة من الزوجة الثانية بالامضاء على العقد دون الرجوع لابناء الزوجة الاولى و يتم عن طريقه بيع الشقة سواء للاولاد الزوجة الاولى او احد الاطراف الخارجية ولكن بحقها و سعر اليوم
مع العلم عدادات النور و الغاز باسمى صاحب الشقة عداد النور بقاله اكتر 13 سنة
وعداد المياه فى المنزل باسم الوالد المتوفى حتى الان

**كريم كوجك** · 08-04-2018 05:59 AM

السلام عليكم

انا في مشكلة محيرة جدا

معروض عليا شقة للبيع بدون حصة في الارض بمساحة كويسة ومكان مميز بس طبعا المشكلة في انها بدون حصة والمشكلة الاخري ان انا معيش فلوس اكتر من كدا اقدر اجيب بيها حاجة كويسة زي المكان والمساحة دي

ممكن حضراتكم تقولولي ايه خطورة شراء شقة بدون حصة في الارض مع العلم العمارة مش قديمة اوي هي مباني اخر الثمانينات

**Hany Adel** · 08-04-2018 02:23 PM

المشاركة الأصلية كتبت بواسطة كريم كوجك

السلام عليكم

انا في مشكلة محيرة جدا

معروض عليا شقة للبيع بدون حصة في الارض بمساحة كويسة ومكان مميز بس طبعا المشكلة في انها بدون حصة والمشكلة الاخري ان انا معيش فلوس اكتر من كدا اقدر اجيب بيها حاجة كويسة زي المكان والمساحة دي

ممكن حضراتكم تقولولي ايه خطورة شراء شقة بدون حصة في الارض مع العلم العمارة مش قديمة اوي هي مباني اخر الثمانينات

أهلا بك .. الخطوره انه في حالة سقوط العقار لا قدر الله .. لن يكون لك حق في المبنى الجديد لانه ليس لك حق في الارض على المشاع
ولكن من الواضح ان هناك شئ في الخفاء .. او ربما صاحب الشقه يعطى نفسه او اولاده شئ في المستقبل
استخير واستعن معك بمحام تثق فيه لمراجعة الوضع بوضوح
بالتوفيق

**emadalzouk** · 10-04-2018 02:47 PM

يا ريت استاذ هانى ترد عليا

او على الاقل قولى الحل لمشكلة البيت على المشاع وكل واحد قاعد فى نصيبه لكن عايز نعمل عقود ولكن فى جزء من الورثة رافض يوقع على العقد

ياريت تقولى المخرج القانونى من هذا المووضوع ايه علشان لو حبيت ابيع بعد كدة يبقى العقد للمشترى صحيح

**Hany Adel** · 10-04-2018 02:51 PM

المشاركة الأصلية كتبت بواسطة emadalzouk

يا ريت استاذ هانى ترد عليا

او على الاقل قولى الحل لمشكلة البيت على المشاع وكل واحد قاعد فى نصيبه لكن عايز نعمل عقود ولكن فى جزء من الورثة رافض يوقع على العقد

ياريت تقولى المخرج القانونى من هذا المووضوع ايه علشان لو حبيت ابيع بعد كدة يبقى العقد للمشترى صحيح

أهلا بيك ..
محتاج اشوف العقود وتوزيعه الانصبه .. وعموما تقدر تبيع براحتك ولكن عشان المشتري ما يبقاش قلقان محتاج شويه اجراءات بسيطه
كلمني على الايميل في التوقيع
تحياتي

**emadalzouk** · 11-04-2018 09:57 AM

المشاركة الأصلية كتبت بواسطة Hany Adel

أهلا بيك ..
محتاج اشوف العقود وتوزيعه الانصبه .. وعموما تقدر تبيع براحتك ولكن عشان المشتري ما يبقاش قلقان محتاج شويه اجراءات بسيطه
كلمني على الايميل في التوقيع
تحياتي

حضرتك هو مفيش عقود البيت على المشاع هو بس عداد الكهرباء و الغاز فقط باسمى لكن مفيش عقود رسمية للشقق فى المنزل كله

**Hany Adel** · 15-04-2018 04:00 PM

المشاركة الأصلية كتبت بواسطة emadalzouk

حضرتك هو مفيش عقود البيت على المشاع هو بس عداد الكهرباء و الغاز فقط باسمى لكن مفيش عقود رسمية للشقق فى المنزل كله

من خلال محاميك يتم تحرير العقد .. ثم اتخاذ االاجراءات القانونية تجاه الشركاء على الشيوع لوضع حالة استقرار للمشتري ... المسألة ليست معقده

**كريم كوجك** · 20-04-2018 11:00 PM

اسكن في شقة ايجار قديم وعقد الايجار كان باسم الجد ولكن ليس مباشرتا فالعقد كان باسم شخص اخر غير الجد وفي الجانب الاسفل من العقد هناك تنازل من هذا الشخص لصالح جدي .. ولما ذهبت للضرائب العقارية التابع لها العقار وجدت انها لازالت تحت اسم الشخص السابق قبل جدي ... السوال = ازاي اغير اسم الشخص اللي في دفاتر الضرائب واخليه باسم جدي علما بان الاشخاص دي متوفيه منذ سنة 75 وظل ابي بالشقة بعد وفاة جدي وتوفي والدي من سنة وانا حاليا مقيم بالشقة واريد تامين نفسي لان المالك يريد اخراجنا من الشقة خصوصا ان مفيش اي حاجة باسم والدي ولا كهربا ولا غاز ولا مياه

**Hany Adel** · 21-04-2018 03:01 AM

المشاركة الأصلية كتبت بواسطة كريم كوجك

اسكن في شقة ايجار قديم وعقد الايجار كان باسم الجد ولكن ليس مباشرتا فالعقد كان باسم شخص اخر غير الجد وفي الجانب الاسفل من العقد هناك تنازل من هذا الشخص لصالح جدي .. ولما ذهبت للضرائب العقارية التابع لها العقار وجدت انها لازالت تحت اسم الشخص السابق قبل جدي ... السوال = ازاي اغير اسم الشخص اللي في دفاتر الضرائب واخليه باسم جدي علما بان الاشخاص دي متوفيه منذ سنة 75 وظل ابي بالشقة بعد وفاة جدي وتوفي والدي من سنة وانا حاليا مقيم بالشقة واريد تامين نفسي لان المالك يريد اخراجنا من الشقة خصوصا ان مفيش اي حاجة باسم والدي ولا كهربا ولا غاز ولا مياه

اقامتك الطويله ولوالدك قد تكون عامل مساعد .. ولكن من انهيار معظم قوانين الايجار الاستثنائيه على يد المحكمة الدستوريه العليا .. اصبحت الامور تهديديه للايجار القديم الثابت بعقد أصلا .. اثبات وجودك وعلاقتك بالشقه يمثل مشكلة .. ويجب الاستعانه بمحام في اقرب وقت لتقديم المساعده مبكرا على ارض الواقع .. تحياتي

**كريم كوجك** · 21-04-2018 03:07 AM

يعني العقد القديم اللي فيه اسم الشخص المتنازل لجدي مش دليل ؟؟؟؟ برغم ان اسم الشخص دا مقيد في الدفاتر ؟

طب والايصالات اللي بناخدها من المالك من فترة مش اثبات ؟؟؟؟؟؟؟؟؟؟؟؟؟؟؟؟؟؟؟؟؟