حد حصل معاه الموضوع ده قبل كده ؟؟؟؟

**Ahmed Selim** · 08-09-2011 04:23 PM

السلام عليكم يا وحوش.....

النهاردة حصل معايا حاجة غريبة.

كان فيه واحد أبن حلال ريح على العربية و هى مركونة و واضح أنه كان 4x4 لأن الترييحة مش باينة فى الأكصدام و لكن خلت قاعدة من قواعد الردياتير تتكسر.

المهم رحت أصلحها علشان بتخلى المروحة صوتها عالى قوى لأن قميص المروحة مش ثابت بسبب القاعدة المكسورة.

الراجل رفع العربية و هى دايرة و أبتدينا نشوف مشكلة قاعدة الردياتير و بنرغى أنا و هو ( هو لبنانى بالمناسبة و رينو منتشرة عندهم ) المهم بتكلم معاه عن حساس السرعة و بيورينى حاجة ففصل الحساس و العربية بطلت.....طبيعى.

المهم علشان العربية كانت مرفوعة كمل شغل فى موضوع القاعدة و ثبتها و كله تمام.........نزل العربية و بيفتح الباب.......العربية طلعت عاملة lock :)

طبعاً معرفناش نفتحها خصوصاً أنى مش معايا غير كارت واحد :(((((

المهم هو قالى ليها حل طبعاً بس محتاج موافقة من حد معين فى التوكيل.......العربية طلع ليها master key بيفتح أى عربية........و المفتاح ده مع شخص واحد بس فى كل بلد و مش بيطلع غير بموافقة فرنسا تقريباً.....حاجة كده معقدة على حسب ما فهمت منه.

حد عربيته عملت لوك قبل كده و الكارت جوه ؟

**أحمد علاء** · 08-09-2011 04:34 PM

ربنا ييسر لك الخير يا أحمد باشا والموضوع يتحل
بس هل ممكن إستعمال اي طريقة بدائية في فتح الباب في الرينو؟؟
في حالة ان المفتاح صعب يتلاقى فأقل ضرر هو كسر الهواية الخلفية لو موجودة ورخيصة وفتح الأبواب

**Hany Saad** · 08-09-2011 04:57 PM

أحمد باشا....الحمد لله إن الموضوع خلص على خير...يا ريت أخونا اللبنانى ما يفتيش مرة تانية و يرفع العربية و هى دايرة و يفصل الحساس....جت سليمة الحمد لله...

**Ahmed Selim** · 08-09-2011 06:23 PM

المشاركة الأصلية كتبت بواسطة أحمد علاء

ربنا ييسر لك الخير يا أحمد باشا والموضوع يتحل
بس هل ممكن إستعمال اي طريقة بدائية في فتح الباب في الرينو؟؟
في حالة ان المفتاح صعب يتلاقى فأقل ضرر هو كسر الهواية الخلفية لو موجودة ورخيصة وفتح الأبواب

الله يكرمك يا بوحميد

هى الفكرة أن الميجان مفيهاش مسوجر فى الباب....و صعب فتحه.

المشاركة الأصلية كتبت بواسطة ecybrarian

لا يا رااااجل..المفروض مافيش حاجة اسمها ماستر كي ابدا..دا مرفوض دوليا في العربيات..ممكن يكونوا طفشوها الكترونيا بس قالوا كدا علشان (قال يعتي) ما فيش غلط بيعملوه

هما لسه مفتحوش العربية بس هو ده الكلام اللى أتقالى......مش عارف مدى صحته

المشاركة الأصلية كتبت بواسطة meggieboy

أحمد باشا....الحمد لله إن الموضوع خلص على خير...يا ريت أخونا اللبنانى ما يفتيش مرة تانية و يرفع العربية و هى دايرة و يفصل الحساس....جت سليمة الحمد لله...

هو الموضوع جه عفوى شوية..........يعنى كنا مدورين و رافعين علشان نعرف الصوت اللى بيطلع من المروحة أختفى و لا لسه.......و أحنا بندردش فصل الحساس علشان يورينى حاجة معينة.

المهم هى الفكرة أن هل حد حصل معاه كده فى ميجان ولا لأ ؟

أنا الميجان عمرها ما عملت معايا كده فى مصر.

**Ahmed Selim** · 08-09-2011 06:33 PM

المشاركة الأصلية كتبت بواسطة amr_elbazz

معلومة ال master key للعربية غير مؤكدة وان كنت اميل الى عدم وجودة ولو فعلا موجود اعتقد الخدمة دى هتاخد وقت فى الموافقة + تمن الخدمة و اعتقد ان التكلفة هتكون اغلى من تمن زجاج جانبى وعوضك على الله
.. وبالتوفيق ان شاء الله

هى مش مشكلتى هى مشكلتهم هما.......العربية قفلت و هى فى ورشة الصيانة :)

**midohits** · 08-09-2011 10:08 PM

مش عارف والله الموضوع داه اول مره اسمع عنه بس اظن اشتغاله ياعني زي اشتغالة زمان ان الميجان بتفتح بـ فيزا كارت :d

-

-

-

الموضوع: حد حصل معاه الموضوع ده قبل كده ؟؟؟؟

LinkBack

أدوات الموضوع

عرض

حد حصل معاه الموضوع ده قبل كده ؟؟؟؟ - انشر الموضوع فى :

-

-

-

-

-

المواضيع المتشابهه

استشاره لكل واحد معاه فليشيا بصو على الموضوع وفكرو فيه كويس جداااااااااا وردو

حد حصل معاه الموضوع ده يا جماعه؟؟

الموضوع ده لكل واحد معاه عربية معاقين

صاحبي معاه 40 ألف جنيه ومحتار في عربية مستعملة تشيل أحمال وتعيش معاه فترة حوالي 5 سن

أرجو أن كل اللي معاه رينو يشاركنا في الموضوع ده

الكلمات الدلالية لهذا الموضوع

المفضلات

المفضلات

ضوابط المشاركة