أصحاب الأوبترا السودا .. أو أي عربية سودة ... إيه رأيكو في الكلاااااااااااااااااام ؟؟

انا من كلام الناس المحترمين بجد و اللي ردوا عليا و ساعدوني بكل المعلومات و خاصة و خاصة الأستاذ أحمد (aif) و air kareem .. أستخرت ربنا و نويت على الأوبترا إن شاء الله مع إقتناع تااام حتى لو فيه في سعرها أحسن منها .. بس أنا بحب أقتنع بحاجة و تبقى في عيني دايما كويسة
- معلش طولت عليكو بس أنا كنت النهاردة في معرض بشوفها و أتفق عليها .. أنا مختار اللون الأسود بس جاري معاه أوبترا فضي قالي الأسود بيأخر التكييف في إنو يسقع العربية علشان الأسود بيلم الشمس و بيخلي شكل العربية أصغر من حجمها عكس الفضي اللي بيطول العربية :confused:
أرجو الرد بسرعة كما تعودت منكو .. لو على الغسيل و التراب مش مشكلة

انا معايا سودا بص يا سيدى بالنسبة للتكييف ما تقلقش تكييف الاوبترا قوى جدا و مش هايفرق اللون هايسقعها بسرعة اما بالنسبة للحجم و الشكل طبعا اللون الاسود دا فى العربيات الكبيرة زى الاوبترا بيبقى فخم جدا على عكس الافيو مثلا بيصغر حجمها راى انالاسود عيبه الوحيد فى التراب و النضافة و فيه ميزة كمان لو لقدر الله فى اى حكه او خبطه مش بتبان و صعب ان حد يلاحظها

انا رايى بلاش الاسود و ماتستهونش بالتراب

الالوان الفاتحة بتدي ايحاء بكبر مساحة العربية
الالوان الغامقة العكس .. و لكن اي عربية كبيرة بيبان عليها انها كبيرة
موضوع اللون مش هيأثر اوي عالتكييف لدرجة انها تبقي حاجة ملحوظة و الا كانت الناس بطلت تشتري عربيات سودة

اللون الأسود صعب في النضافة و عايز متابعة اول بأول

اهم حاجة بقي انك تنسي كل ده و تجيب اللون اللي انت مستريحله و حابب العربية فيه ..و اؤكدلك انك هتحس معاه ان التكييف زي الفل و العربية كبيرة والجو حلو و الطريق واسع و كل حاجة

اقتباس:

---

المشاركة الأصلية كتبت بواسطة dehumanizer

الالوان الفاتحة بتدي ايحاء بكبر مساحة العربية
الالوان الغامقة العكس .. و لكن اي عربية كبيرة بيبان عليها انها كبيرة
موضوع اللون مش هيأثر اوي عالتكييف لدرجة انها تبقي حاجة ملحوظة و الا كانت الناس بطلت تشتري عربيات سودة

اللون الأسود صعب في النضافة و عايز متابعة اول بأول

اهم حاجة بقي انك تنسي كل ده و تجيب اللون اللي انت مستريحله و حابب العربية فيه ..و اؤكدلك انك هتحس معاه ان التكييف زي الفل و العربية كبيرة والجو حلو و الطريق واسع و كل حاجة

---

ناقص كمان تقول انه هيحس ان الطريق فاضي ههههههههههه
المهم يا باشا لازم تكون مرتاح للون اللي معاليك هتجيبو زي صديقنا ما قال بس للامانه متستهونش بالتراب في الالوان الغامقة سيبك من خروجك بالسيارة اول اليوم اما معاليك هتمسحها على متسخن مثلاً أو البواب هيروقها لك على ما تنزل الصبح أو السيايس في الجراج بيمسحها .
المهم لما توصل لآخر الشارع مين هيمسحها قولى في الاشارة هنزل اروقها يبقى محتاج تنزل في كل اشارة .
انا مجرب الكحلي انظر التوقيع السيارة دي كانت مغسولة صباح يوم التصوير .
اشكر معاليك وربنا يوفقك لحسن الاختيار و100000000000000مبروك مقدماً .
ملحوظة : اوعى من الشمس في الركنة لان السيارة سوداء تمتص جميع الاشعة المنبعثة من الشمس +الزجاج هيكون هناك احتباس حراري داخل السيارة مما سيؤثر على مكونات السيارة الداخلية من البلاستيك وهذا حال جميع الالوان والغامق على الاخص.

انا عندى فيرنا فيفا اللون اسود
جميل جدا ومن اشيك الألوان ومش مشكلة مع التكييف والحمد لله
اكتر عيب فى وجهة نظرى التراب بيبان بطريقة رخمة اوى اوى اوى حله الوحيد ان يبقى فى سايس بيمسحها كل يومين بحد أقصى + اى خرابيش من الاطفال فى الشوارع الله يسامحهم بتبان على طول ودى مشكلته
اللون الفضى ميزته ان التراب مش بيبان والخدوش كمان بس بصراحة كل العربيات انتشر منها الفضى جدا جدا وانا كرهته من كتر انتشاره
فى نقطة مهمة حضرتك فكر فيها
انا لما جبت اللون الأسود فى الفيفا لانها من جوا رمادى فاتح جدا مقارب للبيج فاللون الأسود نطقها اوى وعمل تباين مع اللون الداخلى وخلاه اكثر جمالا
فمممكن برضه تفكر ايه اللون اللى يظهر الداخل اجمل
وعموما كلها مسألة اذواق مش اكتر فشوف اكتر لون ترتاح له وخلاص وميزة الاوبترا ان نزل منها الوان كتير اوىىىىىىىىىىىى
انا مرة شفت اوبترا بيضاء تحفة

شكرا يا رجالة على الرد
بس برده أنا لسة محتار .. أنا أتنين أصحابي عندهم سبيرانزا و كورولا 2007 فضي بس العربية مع إن بقالها سنة إلا أن شكلها قديم أوي بسبب اللون .. و النبيتي مش عائلي قوي
أنا بقارن بين الأسود و النبيتي و السيلفر لأنهم أحسن الوان الأوبترا
فيييين رد أستاذ aif و kareem air ؟؟؟

يا رييت برده أصحاب الأوبترا السودا يحوطوا صورها علشان الصور في المواضيع التانية مش بتفتح

الأسود أشيك لون بس المشكله إنه بيبان عليه التراب بسرعه

اللون الأبيض و الأسود شيك أوي في الأوبترا يليهم الفضي.

الابيض جميل جدا في العربيه دي وبشوفه كتير

اقتباس:

---

المشاركة الأصلية كتبت بواسطة dehumanizer

اهم حاجة بقي انك تنسي كل ده و تجيب اللون اللي انت مستريحله و حابب العربية فيه ..و اؤكدلك انك هتحس معاه ان التكييف زي الفل و العربية كبيرة والجو حلو و الطريق واسع و كل حاجة

---

اتفق تمامامع الرأي ده .. و مادام العناية بالعربية متوفرة .. هات اللي نفسك فيه .
و ياريت تدخل في اعتبارك لون ( التركواز الداكن ) ..لون حلو جدا و فخم ..وفي الاخر كلها اذواق .. المهم تجيب العربية :)

اقتباس:

---

الابيض جميل جدا في العربيه دي وبشوفه كتير

---

اهو ده بالذات اللي مأظنش اني شوفته في الاوبترا خالص !!!!

يااااااااااااااااااه أخيرا حد رد عليا
بجد تسلم إيديكم يا رجالة
أنا إن شاء الله هجيبها سودا بعد ما شوفت أسود منها كتيير و عجبني أوي
أنا لما بنزل إسكندرية على فكرة بكون قاعد في ميامي جنب الأكاديمية .. أبقى أوريهالك بقى يا karimalaa

لا موجود منها ابيض بس حضرتك عارف ان اللون ده عمليه اذواق و كل شخص وله ذوقه وانا بحب اللون الاسود جدا في العربيات

أنا اللي معايا لونها أبيض و على فكرة مش مشكلة أوي
و علشان كدة الأسود إن شاء الله مش هيكون مشكلة

اقتباس:

---

المشاركة الأصلية كتبت بواسطة karimalaa

اللون الأبيض و الأسود شيك أوي في الأوبترا يليهم الفضي.

---

ذوق جميل و بسيط just like pink floyd :)

الابيض و الاسود و النبيتى رائعيين على الاوبترا الصراحة

إن شاء الله حتجبها و على فكرة اللي عندي سودا برضو و أنا ساكن في اسكندر ابراهيم:)بس ياريت بعد امتحانات الثانوية العامة. يا خطاب

thx v.much dehumanizer pink floyd always rocks:)

وعلى فكرة الألوان الكلاسيك هي أشيك ألوان في العربيات الكبيرة

اووووووووووف السوودااا دى بشع

اناا مش طايقااااااااااااااااااااا ه و لسه جايبة العربية و بجد مش طايقاها من التراب و

اقل حاجة بتبان و ماشية على طول بالفوطة !!!!!!! اوووووووووووووف

لكن بالنسبة ااتكييف لا كان حلو اوى بامانة محستش باختلاف بالعكس انا عندى سقف

العربية لما بلمسه و بكون مثلا سايبه العربية فى عز الشسمس بالساعات بلاقيه عادى

جدااا و مش سخن او حتى دافي شوية ..مش عارفة هو فى عزل بأة و لا ايه بس بجد

التكييف مية مية

حلو النبيتي جدااا بتاع الاوبتراا و الفضي كمان بحبه والله

بقولك مبينزلش منها الازرق اللى هو ELECTRIC BLUE زى بتاع الافيو؟؟

بجد اللون دة بعشقه!

اللي أعرفه ان في Denim Blue,Imperial Blue و على فكرة في لون جديد نزل في موديلات 08 مدي على كحلي شوية شكله حلو ممكن يكون هو اللي قصدك عليه

يا جماعة اللون ده مسألة زوق وكل واحد زوقه بيبقي مختلف عن غيره .... عشان كده انا لم اقول اي رأي في الموضوع
انا مثلا عجبني اللون البيج .... شايف انه مش بيلم تراب ومش تقليدي زي السيلفر
...
وبيبقي لايق علي لون الشراب بتاعي :)

اقتباس:

---

المشاركة الأصلية كتبت بواسطة aif

يا جماعة اللون ده مسألة زوق وكل واحد زوقه بيبقي مختلف عن غيره .... عشان كده انا لم اقول اي رأي في الموضوع
انا مثلا عجبني اللون البيج .... شايف انه مش بيلم تراب ومش تقليدي زي السيلفر
...
وبيبقي لايق علي لون الشراب بتاعي :)

---

هههههههههههههههههههههههههههههه هههههههه

يا عم الاناقة:embarrassed2:

مطقم العربية على الشراب زي شعبولا كد
ة الجاكنه لون الانتريه :oops:

اقتباس:

---

المشاركة الأصلية كتبت بواسطة onna

هههههههههههههههههههههههههههههه هههههههه

يا عم الاناقة:embarrassed2:

مطقم العربية على الشراب زي شعبولا كد
ة الجاكنه لون الانتريه :oops:

---

إحم إحم ....
عدم اللامؤاخذة .......
دي اقل حاجة عندي .....:v_SPIN:

اللون الاسود فى العربيات الكبيرة تحفة فعلا وشكلها بيكون فخم جدا ومع الاوبترا الاسود فيها تحفة وشيك اوى
بس للأمانة انا مجرب اللون الاسود فى الكورولا وباختصار مؤرف جداااااا بيلم تراب بطريقة مش طبيعيه واقل حاجة بتبان عليه يعنى محتاج عناية خاصة فى نضافته
عايز رأيى الشخصى انا لو مكانك هجيبها سودة http://www.nilemotors.net/Nile/images/icons/icon10.gif لأن فعلا الاسود فيها جميل لو مايهمكش موضوع التراب دا يبقا اتكل على الله والف مبروك مقدما وبالتوفيق

بالنسبة لموضوع التكييف
الكلام دا مش صح اطلاقا اللون مش هيأثر فى قوة واداء التكييف بالشكل الملحوظ
هو فعلا اللون الاسود واى لون غامق بيسحب حرارة اكتر دى حقيقة علمية لكن مش بالشكل الملحوظ يعنى اللى يخليك تشتكى منها
اللى لاحظته انك لو سبت العربية اللى لونها اسود فى الشمس لفترة فعلا حرارة الصاج المعرض للشمس بتكون عالية وبتحسها او لو حطيت ايدك عليه اكتر منها فى نفس العربية اللى لونها فاتح

راى الشخصى اللون النبيتى احلى ما فى الأوبترا يجى بعدة الأسود على فكرة عندى اللون الأسود اوبترا

انا اكتشفت ميزة جامدة جدا فى اللون الاسود النهارده و انا باغسل العبية فى المشحمة لو مشيت فى طريق بيتسفلت الزفت الاسود اللى هيطرتش على العربية مش هايبان لانى فوجئت ببلاوى الاعتاب و الفجاوى شايلاها و انا ماكنتش واخد بالى عشان عربيتى سودا الاخ اللى كان بيغسلها قاللى ده لوكان لون تانى كان هايبقى شكله بشع

بعد السلام عليكم ورحمة الله وبركاتة
الاخ الفاضل انا عندي الاسود استلمتها من قريب اللون تحفة على العربية بجد ماشاء الله توكل على الله وهات اللون اللى انت عاوزة كلها فوطة زفرة الصبح البواب بتاع البيت يطوقها بيها والموضوع يبقى زي الفل
وعلى فكرة اللون الاسود بيعطي بريستيج للعربيات وخاصاً العربيات الكبيرة زي الاوبترا والف مبروك مقدما

الاسود حلو وهو مغسول وبيلمع

نبيتي يبقى ظريف

برغم شياكة الاسود ... لكن انا رأيي ان العربية السوداء .... عبارة عن سبورة ... اللي عاوز يكتب ويشخبط ... شخبطته ح تبان بمنتهى الوضوح

دي بصراحة اول مشاركة لي و انا عندي سيارة optra 2006
الون اسود صحيح انة فخم و انا في الاجنس كان في الوان كتير حسيت ان اجمد لون هوا الاسود و حسيت بالفخامة فية بس بصراحة اللون النبيتي جامد فحت و يبقي جامع بين فخامة الغوامق و اناقة الفواتح
و يسيدي مبرووووووووك علي الاختيار و نصيحة خليك في النبيتي و ابعد عن السيلفر

ياجماعة السلام عليكم انا زهقت من صوت الموتور فعلا صوت الموتور مش زى السيارات اليابانى فى حاجة فى صوت الموتور عند بداية التدوير الصبح وخاصة بيبان اوى فى الجراج فيه صوت تكتكة بسيطة بتزول لما الموتور بيسخن حد يكون عنده جراج ويرد عليه علشان خاطرى

اقتباس:

---

المشاركة الأصلية كتبت بواسطة aif

برغم شياكة الاسود ... لكن انا رأيي ان العربية السوداء .... عبارة عن سبورة ... اللي عاوز يكتب ويشخبط ... شخبطته ح تبان بمنتهى الوضوح

---

عندك حق و الله :no:

حاجة تقرف .. انا خايفة باة لما يبهت و يجرب كمان من الشمس و بيبقي مش باينله اسود دة ولا رمادى غامق

اوف يعني

في لون جامد في الأوبترا اسمه فيروزي
لون جامد جداً

الدهبى شييك جدا فى الاوبترا

اية يا جماعة الكلام دة لون اية الى بيكبر العربية ويصغرة

توكل على الله وهات النبيتي
ولو عايز شياكة اكتر هات طقم نواكل بتاع الاوبترا بيكون تحفة على النبيتي بالذات
وده عن تجربة ... واسال حتى بتوع الكماليات زى على رضا
عنده طقم الاكر النيكل ركبته على عربيتي وبسم الله ما شاء الله