الموضوع: لكل ملاك لانسر بومة 2010 و 2011

انا كان معايا 2007 cvt 1600 بصراحة احلي حاجة فيه انه كان سايلنتتتتتتتتت مافيش احساس النقلة ده خالص فلما بتدوس بتحس بالجري بالنسبة ل 2010 لسه ماكملتش معايا كتير بصراحة ماجربتش سحبتها وجريها بس في الطلعة والكلام ده مافيش فرق بصراحة ملحوظ في حاجة بس يمكن اوقات احساس النقلة ونزول مؤشر الار بي ام وطلعو ممكن يكون بيحسسني انها ابطا في التجميع بس جربت اكبس مرة كانت حلوة بصراحة مافيش فرق وجربت الاستربترونيك كان جميل بصراحة مع العلم انها مش جديدة اللانسر فيه لانها بتنزلو تقريبا من 2006 في بومة 2000 سي سي

شكرا لكل الناس اللي ردت عموما انا بالنسبه ليا :
من ناحية السحب في الوضع العادي (بدون كبس) الفتيس القديم أحسن
لكن من ناحية الكبس شايف ان الفتيس الجديد اسرع في الاستجابة
بالنسبة للعيوب _>
1-التكييف ضعيف او متوسط لكن مش قوي (زيو زي الموديلات التانية)
2-طبقة البويا ضعيفة جدا
3-قفل الابواب مش باللمس زي الموديلات السابقة (لازم تقفل جامد شوية)
4-الفرامل مش قوية اوي

فعلا انا حاسس ان التكيف ضعيف بس هل ممكن تكون العربية جديدة ويكون التكيف عاوز يتضبط غاز او كدا

ياريت كمان حضرتك تفيدني لو انت معاك لانسر اتوماتيك من 2010 او 2011 لما بتكون سرعتك عند 130 تقريبا بيكون مؤشر الموتور على كام عشان انا سالت السؤال ده ومحدش بيرد ممكن يكون خايفين من الحسد ولا حاجة

المشاركة الأصلية كتبت بواسطة samooh_2003

فعلا انا حاسس ان التكيف ضعيف بس هل ممكن تكون العربية جديدة ويكون التكيف عاوز يتضبط غاز او كدا
شوف يا باشا مشكلة التكييف دي مشكلة عامة في اللانسر وده بسبب الفلتر (الفلتر الياباني الاصلي تقيل) وفي واحد اعرفو لما غير الفلتر الاصلي وجاب فلتر تايواني حس بفرق كبير (عشان الفلتر التيواني خفيف) وعشان اثبت لحضرتك الكلام دا شوف الفيرنا التكييف بتعاها عامل ازاي (تكييف الفرنا تلاجة ودا عشان مافيش فيها فلتر) .

ياريت كمان حضرتك تفيدني لو انت معاك لانسر اتوماتيك من 2010 او 2011 لما بتكون سرعتك عند 130 تقريبا بيكون مؤشر الموتور على كام عشان انا سالت السؤال ده ومحدش بيرد ممكن يكون خايفين من الحسد ولا حاجة

انا معايا لانسر اوتو 2010 كلاسيك وانا لما بجيب 130 المؤشر بيعدي 3 بشوية بس مش فاكر كام بالظبط بس ممكن اجرب واقول لحضرتك النتيجة.

ياريت هاتعبك معايا لو تاخد بالك منها كام بالضبط عشان انا لما كان معايا 2007 كانت 134 على 3 في الا ر بي ام بس دلوقتي في 2010 اعلي ياريت لو تقلي عشان اكون مطمن ان ده الطبيعي وشكرا ليك

خلاص يا باشا انا ان شاء الله مسافر بكره دمياط هجرب واقول لحضرتك كام بالظبط (ولو خرجت قبل كده هاقولك بردو)
بس ادعيلي مايكونش فيه رادار

تروح وتيجي بالسلامة انشالله ويستر الطريق من الرادار و من كل الشرور انشالله انت والمسافرين كلهم يارب