البى ام 523 موديل 1998 حاله ممتازة او سيراتو هاى لاين

**Evo** · 09-09-2011 04:40 AM

نصيحة هات الجديد بغض النظر عن سيراتو أو غيرها
في طبعا فرق كبير بين bmw و كيا سيراتو لكن لو وقعت في bmw و خصوصا لو الفئة الخامسة وكانت تعبانة هتكرهك في العربيات كلها مش bmw وبس وخصوصا إنها موديل قديم جدا
أنا عن نفسي عموما بترعب من حاجة اسمها bmw مستعمل ومجربتهاش إلا مرة واحدة وكانت بتاع صاحبي وعارف إنها نضيفة ومع ذلك مكنتش مرتاح وتوبة بعدها رجعت للجديد تاني

**fahd_628** · 09-09-2011 10:19 AM

لو الفئة الخامسة بحالة ممتازة انا اشتريها بدل السيراتو

**amr3elrouby** · 09-09-2011 04:26 PM

ياجماعه ياريت بعض اسعار قطع الغيار الاستهلاكيه لموديل 523 _1998

**maskeen** · 09-09-2011 06:57 PM

المشاركة الأصلية كتبت بواسطة inspiron

في دي عندك حق بس الرك علي الحالة

مش متفق معاك إطلاقا مع إحترامي لرأي حضرتك..دي بي إم مش فيات..اللي معاهم العربيات اللي فيها العيوب اللي حضرتك ذكرتهم أكيد هاينين العربيات دي..وبعدين متنساش إن كل حاجة ليها عمر إفتراضي.لأن اللي صانعها مش إله يعني.
وقطع غيار بي إم مش إستهبال رسمي ولا حاجة..ركيب البي إم بيعرف يتعامل مع مين في المسألة دي وبكام.أنا تعاملاتي كلها في الحرفيين ومع مهندس صيانة شغال في التوكيل.وشايف إن الأسعار عادية..بس طبعا أغلي من عربيات تانية متتقارنش أصلا بيها مع إحترامي ليها.
الخلاصة إن قطع غيار العربية دي معمرة لأقصي درجة ممكن تتخيلها..
أبسط مثال..عربيتي المساعدين فيها متغيروش من سنة 2001 حضرتك عارف يعني إيه من سنة 2001؟؟؟يعني من تاريخ صنع العربية,يعني بتوع الفابريكة. مع ذلك لسه شغالين...ومفيش حاجة إسمها تحتاج مصاريف سنوية 6000 جنيه..ليه إن شاء الله.ده الشركة تغير نشاطها ومتنتجش عربيات تاني لو سمعت كده.
يا سيدي الفاضل..الخلاصة...الرك في الكلام ده كله علي حالة العربية.وطبيعة إستخدام اللي ركبوها.
بالنسبة للترخيص السنوي فأكيد اللي هيجيب عربية زي دي عارف إن ترخيصها عالي من قبل ما يشتريها..وأكيد برده مش هيفرق معاه 2000 جنيه ترخيص كل سنة في مقابل إنه راكب BMW Ultimate Driving Machine

واضح جدا إن حضرتك لسه جديد في البي إم وموفقتش في إختيارك لحالة عربيتك.وكرهتك في البي إم.

يافندم انا الحمد لله عربيتى لسه ماعملتش فيا حاجه وانا مش كاره البى ام ولا حاجه..انا بس قلت انى شفت عربيات كتير موديلات حديثه بتغير قطع مهمه..ممكن يكون كلامك مظبوط ان اصحابها مهملين..بس الاهمال يكون ازاى فى رادياتير اتخرم او طلمبة بنزين او طلمبة ميه ؟ انا افهم ان الاهمال ياثر على العفشه, الموتور, الفتيس ممكن..لكن الحاجات التانيه دى صعب..ولا انا غلطان؟

وبعدين انا باتكلم من منطق value for the money بس مش اكتر..يعنى انا كان معايا كورولا 2003 جبتها زيروب 90 الف (حوالى 18 الف دولار بسعر 2003) وعملت بيها 240 الف كيلو وبعتها من شهرين بحاله ممتازه ومغيرتش فيها غير مساعدين امامى بالف جنيه الجوز وكباس تكييف استيراد ب 2000...غير كده ولا الهوا طبعا الصيانه الدوريه والسيور والفلاتر والزيوت دى لا تحتسب ضمن الاصلاحات لانها اساسيات لازم تتعمل..وبعد كل السنين دى بعتها ب 66 الف (11الف دولار بسعر 2011) ...يعنى خسرت 40% بس بعد 8 سنين و240 الف كيلو.

ده منطقى فى الحوار بس...انا طبعا عارف ان البى ام بريستيج ومنظر وثبات وقوه وكل حاجه..بس التمن باهظ جدا جدا...انا مش فاهم اللى بيشتروها زيرو ب 550 الف ويبوعوها بعد 4-5 سنين ب 250 الف دول بيحسوا بأيه؟!

**inspiron** · 09-09-2011 09:47 PM

المشاركة الأصلية كتبت بواسطة maskeen

يافندم انا الحمد لله عربيتى لسه ماعملتش فيا حاجه وانا مش كاره البى ام ولا حاجه..انا بس قلت انى شفت عربيات كتير موديلات حديثه بتغير قطع مهمه..ممكن يكون كلامك مظبوط ان اصحابها مهملين..بس الاهمال يكون ازاى فى رادياتير اتخرم او طلمبة بنزين او طلمبة ميه ؟ انا افهم ان الاهمال ياثر على العفشه, الموتور, الفتيس ممكن..لكن الحاجات التانيه دى صعب..ولا انا غلطان؟

وبعدين انا باتكلم من منطق value for the money بس مش اكتر..يعنى انا كان معايا كورولا 2003 جبتها زيروب 90 الف (حوالى 18 الف دولار بسعر 2003) وعملت بيها 240 الف كيلو وبعتها من شهرين بحاله ممتازه ومغيرتش فيها غير مساعدين امامى بالف جنيه الجوز وكباس تكييف استيراد ب 2000...غير كده ولا الهوا طبعا الصيانه الدوريه والسيور والفلاتر والزيوت دى لا تحتسب ضمن الاصلاحات لانها اساسيات لازم تتعمل..وبعد كل السنين دى بعتها ب 66 الف (11الف دولار بسعر 2011) ...يعنى خسرت 40% بس بعد 8 سنين و240 الف كيلو.

ده منطقى فى الحوار بس...انا طبعا عارف ان البى ام بريستيج ومنظر وثبات وقوه وكل حاجه..بس التمن باهظ جدا جدا...انا مش فاهم اللى بيشتروها زيرو ب 550 الف ويبوعوها بعد 4-5 سنين ب 250 الف دول بيحسوا بأيه؟!

هقول لحضرتك حاجة..مسألة الريداتير والطلمبة دي مسألة نسبية..وليها أبعاد كتير أوي..يعني عربيتي مثلا e39 2001 مغيرتش طلمبة المية.وأنا غيرت طلمبة البنزين من حوالي 3 شهور عشان بدأت تضعف..مع الأخذ في الإعتبار رداءة البنزين المصري اللي سببت كده.ممكن جدا اللي حضرتك بتقول عليهم تكون عربياتهم مش ستوك.يكونوا نافخينها حرق وشد طول اليوم.ممكن عدم متابعة السوائل لفترة كبيرة.أي حاجة من دي.

أما بالنسبة للأسعار فأنا معاك إن ده إستهبال رسمي من التوكيل.وعلي الأقل.لازم كل عربية من دول تمنها ينزل 120 ألف جنيه مستريح..فيما عدا الإكسات والفئة السابعة

**maskeen** · 09-09-2011 09:56 PM

على فكره...ال 525 الزيرو فى امريكا ب 48 الف دولار...يعنى اقل من 300 الف جنيه! وده مع المرتبات اللى بياخدها العامل والمهندس الامريكى

اللهى لا يبارك للتوكيل

**MASERATI** · 10-09-2011 01:49 AM

المشاركة الأصلية كتبت بواسطة inspiron

تصحيح صغير..الموتور 2500 سي سي 172 حصان مش 2300 سي سي..مفيش 5 series بـ 2300 سي سي...الـ 523 والـ 525 العربيتين 2500 سي سي ..الفرق بين العربيتين فقط 20 حصان.

السلام عليكم و رحمة الله و بركاته

أيوه صح فعلا, أنا نسيت, الbmw 523 بتبقى 2500 cc مش 2300 cc, أنا اللى نسيت.

**ahmedsadek82** · 10-09-2011 12:57 PM

المشاركة الأصلية كتبت بواسطة maskeen

طيب يارب يجعلنا من بركاتك وتكون العربيه حالتها كويسه زى مالميكانيكى قاللى وخصوصأ ان صاحبها كان بياخدها للتوكيل بانتظام...دعواتك :)

بص خدها قاعدة , على قد ما بتدفع في العربية على قد ما بتاخد منها ,لان فلوسها دي ثمن تكنولوجيا و عوامل امان و خامات : العربية اللي ب 90000 ج مجرد 4 فرد كاوتش بتنقلك من مكان لمكان , اما سيارة ب300000 ج زي بي ام فهي اداة قيادة ممتعة امنة عليك و على اللي معاك و طبعا عشان تعمل كده يبفى لازم مكوناتها و قطع غيارها مناسبة للخدمة و الاداء بتاعها : يعني متستناش ان تيل فرامل بتاع 525 مصممة انها تمشي على 250 كم و تقف في ثواني يكون سعره زي سعر تيل كرولا بتقف بالعافية وانت ماشي بيها على 120 !!! , احب اقولك ان قطع بي ام الاصلية ة خلي بالك من الاصلية دي في امريكا و المانيا غالية مقارنة بالسوق هناك , زي الفرق هنا كده , سعر العربيات هناك كده عشان فرق الاقتصاد و الجمارك زي مانت عارف