تفاصيل تغيير الكاتينة و طرمبة المياة

**MITSUKERO** · 08-09-2011 09:49 PM

السلام عليكم

بعد حيرة شديدة جدا في اختيار نوع الكاتينة و السيور قررت اني اشتريهم من توكيل شيفورليه للاحتياط فقط عشان ابقي ضامن علي الاقل انه مش جايب حاجات مستعملة و حاطط ليها كرتونه جديدة

المهم المكونات كانت كالتالي :

سير كاتينة كوري جي ام اصلي

شداد كاتينة كندي جي ام اصلي

سير دينامو كوري جي ام اصلي

سير تكييف كوري جي ام اصلي

بكرة تكييف كوري جي ام اصلي

طرمبة مياه كوري جي ام اصلي

اويل سيل طرمبة مياه

فلتر بنزين كوري جي ام اصلي

فلتر هواء كوري جي ام اصلي

بوجيهات ngk في علبة جي ام و محفور عليها انها كوري و دي انا مستغرب منها لاني اعرف ان المفروض انها ياباني

فلتر زيت كوري جي ام اصلي

عديت بالمرة جبت منظرف انجكشن من محل اكسسوار

مجموع سعر قطع الغيار 920 جنية بالضريبة و منظف انجكشن ب 35 جنية و زيت باور موبيل ب 45 جنية لان الميكانيكي فك طرمبة الباور عشان يعرف يوصل لطرمبة المياه و دي برضة مستغرب منها جدا هل هو غلطان ولا ده تعقيد في تركيب العربية ؟

المشكلة اني نسيت اجيب سلوك بوجيهات لاني بصراحة كنت فاكر ان تغيرها مش ضروري بس الميكانيكي قالي لازم تغيرها عشان دي كربون و ممكن تقطع مش زي بتاعة الانسر مش بتتغير فهل كلامه صح ؟

عندي شوية ملاحظات احب اضيفها للاعضاء هنا لتبادل الاراء و المعرفة

اول حاجة : العربية كان راكب فيها سيور جيتس سير الكاتينة كان مرخي جدا جدا اول مره في حياتي اطلع سير كاتينة من عربية بالمنظر الفضيع ده بالظبط زي ما يكون مفيش شداد !!! الميكانيكي قالي ربنا ستر انه مقطعشي

تاني حاجة سير الدينامو كان جيتس برضة بس مصنوع في تايلاند و كان سيء جدا برضة

شداد الكاتينة اللي كان راكب كان بتاع اوبل و ده استفزني جدا علي الرغم من اني عارف انه مش بيفرق بس الصح صح يعني كل عربية يجي ليها حاجتها و الشداد كان طالع خشن بس مش اوي

طرمبة المياه طلعت مخرومه خرم كبير جدا جسم الطرمبة نفسة مخروم !!! و فعلا المياه كانت بتنقص في الايام الاخيرة جدا و الميكانيكي زي ما قولت فك طرمبة الباور الاول و جبنا سرنجة كبيرة الاول فضينا زيت الباور من القربة بتاعته قبل ما نفك عشان علي الاقل الزيت ميقعشي علي الارض كتير انا معايا صورتها بس مش عارف ارفهعا عشان حجمها كبير و ضغطتها وبرضة كبيرة اوي

شوية ملحوظات علي الميكانيكا بتاعة العربية :

اول حاجة تركيب الكاتينة رخم جدا بالمقارنة بالانسر

تاني حاجة فعلا زي ما الاعضاء هنا قالوا لازم تغير طرمبة المياة مع كل تغيير للكاتينة او مرة و مرة انت و طريقتك لانها بتبوظ كتير و الميكانيكي اكد ليا المعلومة دي و قالي بغيرها كتير اوي

موضوع انه يفك طرمبة الباور ده سخيف جدا جدا ده غير ان طرمبة المياة مزنوقة جدا جدا
طبعا الحاجات من التوكيل غالية شوية بس زي ما قولت علي الاقل ببقي شاري دماغي لو الفرق في المجموع 300 جنية انا اشتريت دماغي بيهم و ركبت حاجات مضمونه

الميكانيكي و هو شغال فضل يتكلم يتكلم و يقولي الفيرنا اسهل من كده و اللانوس معقدة و عمر ما طرمبة المياة ما بتبوظ في الفيرنا عمرها ما عدت عليا و نرفزني بصراحة لاني مش بحب الفيرنا دي نهائي لله في لله

حبيت بس اشارك معاكم اللي حصل و شكرا ليكم

**tananybasha** · 09-09-2011 12:56 AM

الف مبروك
ده اولاً
انا هاعلق على حاجة واحده بعد اذنك
شداد الكاتينه بتاع الأوبل و بتاع الدايو واحد و مكتوب على الأتنين دايو / اوبل

**aam113** · 09-09-2011 02:44 AM

المشاركة الأصلية كتبت بواسطة mitsukero

موضوع انه يفك طرمبة الباور ده سخيف جدا جدا ده غير ان طرمبة المياة مزنوقة جدا جدا

الميكانيكي و هو شغال فضل يتكلم يتكلم و يقولي الفيرنا اسهل من كده و اللانوس معقدة و عمر ما طرمبة المياة ما بتبوظ في الفيرنا عمرها ما عدت عليا و نرفزني بصراحة لاني مش بحب الفيرنا دي نهائي لله في لله

حبيت بس اشارك معاكم اللي حصل و شكرا ليكم

فعلا نفس اللى حصل معايا ، هى فعلا الطرمبة مكانها مزنوق قوى مش عارف ليه

**elpasha1** · 09-09-2011 02:48 AM

عادى يا جماعة مش محتاجة يتفك طرمبة الباور

**A.samy** · 09-09-2011 03:03 AM

الميكانيكى اللى غيرت عندة الحجات دى اكيد ميكانيكىى اى كلام لان الانوس من اسهل العربيات فى الصيانة وبعدين طلمبة المياة بتبوظ بسرعة عشان الناس بتستخدم مية من الحنفية

**newcar2011** · 09-09-2011 03:41 AM

مش بتتفك طلمبه البور

**Lion_Heart** · 09-09-2011 03:51 AM

غريبة حكاية فك طلمبة الباور دى

**MITSUKERO** · 09-09-2011 10:22 AM

المشاركة الأصلية كتبت بواسطة tananybasha

الف مبروك
ده اولاً
انا هاعلق على حاجة واحده بعد اذنك
شداد الكاتينه بتاع الأوبل و بتاع الدايو واحد و مكتوب على الأتنين دايو / اوبل

الله يبارك فيك ياباشا

بالنسبة للشداد اللي طلع مكتوب عليه اوبل بس انا اللي استفزني ان الراجل اللي قبلي كان بيعمل الصيانات في ابوالفتوح العباسية كل 5000 كيلو يعني ابو الفتوح مركب سيور من السوق و مركب شداد من السوق و كان بيشتغله حضرتك متتخيلشي سير الكاتينه كان مرخي ازاي انا اول ما جيت اضغط عليه اترعبت

**MITSUKERO** · 09-09-2011 10:28 AM

المشاركة الأصلية كتبت بواسطة mm_youssef

اولا الف مبروك على الصيانة من كلامك عربيتك مستعملة دة كلام صح ولا لأ
ثانيا مش لازم علشان تغير طرمبة مياة تفك طرمبة باور حاجة غريبة فعلا
ثالثا اللانوس لا معقدة ولاحاجة بالعكس كل الميكانيكية يشتغلو فيها عادى "دة بردو كلام غريب"
رابعا نرجو من أ\ ممدوح التعليق

اه انا جايب العربية مستعملة مباقاليش 3 شهور

موضوع طرمبة الباور ده انا مش عارف بصراحة ايه الصح فيه بس انا كنت واقف فوق دماغ الميكانيكي و طرمبة المياة تقريبا فيه مسمار من ال 3 مسامير اللي رابطينها تحت طرمبة الباور ده غير انه عشان يطلعها تقريبا محتاج المساحة اللي راكب فيها طرمبة الباور

ياريت لو استاذ محمد ممدوح يفيدنا عشان لو الميكانيكي كان فكرة ضيق و خلاني اجيب زيت باور ب 45 جنية باقي الاعضاء تستفيد و لو بتغير طرمبة المياة تأكد علي الميكانيكي انه مايفكش طرمبة الباور