قدامى تويوتا كورولا 1996 1600 امريكى . ما هى مميزاتها وعيوبها وهل قطع غيارها متوفرة أم لا .
عرض للطباعة
قدامى تويوتا كورولا 1996 1600 امريكى . ما هى مميزاتها وعيوبها وهل قطع غيارها متوفرة أم لا .
العربية ما فيش فيها مشاكل بالعكس بتبقا مزودة بتجهيزات احسن و اكتر من نظيرتها من اليابانى زى الايرباج للسواق و الراكب الامامى و احزمة امان خلفية و الامامية منها متحركة و الكنبة الخلفية ممكن تتنىو طارة متحركة و طبعا باور و تكييف و مسند امامى و خلفى و ساعات مخادع خلفية و زجاج و مرايات كهربا و سنترال لوك المصنع و كراسى امامية مختلفى و اريح و فيها بكرة تعديل للشلتة بتاعت السواق و ساعات العجل بتاعها مقاس 14 مش 13 و فيها علبة بيئة فى نظام العادم و لو رايقة قوى يبقا فيها كمان فتحة سقف و بتختلف شوية فى شكلها الخارجى اكصداماتها اكبر و بيبقا تحتها فوم و دعامة امان للاكصدامات امامية و خلفية يعنى حاجة ممتازة و حلوة فى الشوارع بتاعتنا و كشافاتها مختلفة شوية عن اليابانى و كمان الشبكة بتاعتها و فوانيس اشارة الاكصدام كل الحاجات ديه ممكن لو اتخبطت لا قدر الله تشيلها و تركب بتاعت الجيل بتاعها اليابانى بتركب بنفس المقاسات بالظبط بس عربية ممتازة جدا و المحرك ال 1600 حاجته موجودة و كل عفشتها و فراملها و صياناتها زى العربية اختها اليابانى سواء ال 1300 الكربراتير او ال 1500 المعوقين المستوردة لو العربية ديه نضيفة و فيها حتى نص الاوبشنز اللى انا قلتهالك توكل على الله و هاتها فورا تعتبر بجد الملكة الامريكى لقطة
فعلا الملكه الامريكي ممتازه وكمان الشاسيه بتاعها اقوي من الياباني بس هي مش مفضله وسعر الياباني اعلي منها