-
أفيدونا يا خبراء الـ Cvt
أرسلت لأحد اصدقائي بالسعودية لشراء زيت الجير لانسر 2009 والحمد لله أشتراه من العيسائي بجده بـ 120 ريال 5 لتر وأرسله وطبعا وهو بيشتريه قال للبياع بومة 2009 والجير أوتوماتيك cvt المهم ان فيه واحد صاحبي شاف الزيت وأكدلي أنه مش هوه الزيت وبصراحة لخبطني فممكن حد يفيدني من شكل العبوة لأن المسافة بيني وبين مراكز الصيانة بعيدة جدا وشكرا:rfds:
http://www.m5zn.com/uploads2/2011/9/...1l5froj80r.jpg
-
لو لونه أبيض يبقى هو بتاع ال cvt
لو لونه أحمر يبقى زيت اتوماتيك عادى
ممكن تتأكد من الكود اللى على العلبة ودليل الأسنخدام بتاع العربية
وعموما التوكيل هنا بيحط الزيت العادى ونادرا لما يكون فى زيت CVT
-
الزيت ده زيت الفتيس الCVT و على فكرة الزيت لونه احمر مش ابيض
و من فضلك يا أستاذ BlueBird ممكن تطلبلى من صاحبك يجيبلى 10 لتر و أقابلك و ادفعلك الفلوس قبل ما تطلب منه الزيت علشان انا قلبت مصر كلها و مش لاقي الزيت خالص لا فى التوكيل الجديد و لا حتى القديم و لو هاتبقى تقيلة عليك او على صاحبك يبقى خلاص مش لازم....و شكرااا
-
على فكرة الزيت لونه أحمر فاتح ( روز ) وبعدين أنت متأكد من كلامك يا أستاذ / Punisher أما بالنسبة لطلبك يا أستاذ / gta10 ممكن يتاخر شوية لأن صاحبي في جده بيعتمد على سيارات النقل اللي بتسافر من مصر ببضائع للسعودية لأن شركات الشحن بترفض شحن معظم السوائل وعموما أبعتلى تليفونك وفي أول فرصة بتيجي بكلمك إن شاء الله
-
خلاص عادى انا مسافر الكويت كمان شهرين و اشوفه هناك بس انا خايف مالاقيهوش بس على فكرة فتيس اللانسر بياخد 8.1 ليتر و انت جايب 5 بس و لازم التغيير يبقى عن طريق الشفط و هو فعلا لونه احمر فاتح
-
الميكانيكى اللى بتعامل معاه قالى ان لونه أبيض بس انى مشفتوش قبل كده ... بس بعد البحث على النت لقيت ان ليه لونين الأحمر و الأخضر ... أعذرنى لو اخطأت
-
يعني 5 لتر متكفيش يا أستاذ / gta10 أكيد؟؟؟ طيب لو صحيح الكلام ده أكمله أزاي ؟؟؟
-
يا ريت حد يأكد الفتيس بياخد كام لتر زيت ..
انا غيرته مرتين وفاكر انى اشتريت 5 لتر بس وتانى مرة كانت فى التوكيل ومعرفش كان كام لتر بس كان مكتوب 324 زيت cvt و 50 لغيار الزيت ...
-
صاحبك قصده على diaqueen j1 بس spiii شغال عادي مع الـcvt والشركة بتسمح بيه مفيهوش مشاكل
والعربية بتاخد 8 لتر وشوية مع شفط الزيت القديم
-
اللى مكتوب فى الكتالوج ان زيت ناقل الحركة المتغير بأستمرار cvt هو dia queen atf sp111 و بتاخد بالظبط 8 لتر و 100ملليلتر
-
الله يبارك فيكم علي المعلومات دي . والله الواحد من غيركم كان هيتبهدل
-
العربية ماشية 42000 كم . وانا غيرت الزيت عن طريق فتح الطبة عند ميكانيكي شكله فاهم والزيت اللي حطه 4.5 لتر وقلت له بالنسبة للفلتر قال غيره المره الجايه عند 80000 كم . بس يكون معاك 9 لتر . مش عارف كده مظبوط والله أيه ؟ بس أنا حاسس ان العربية تغيرت للأفضل .
-
الزيت الى انت اشتريته صح و لونه بيبقى احمر فاتح
و لازم تغيره فى التوكيل لان هم عندهم جهاز مخصوص لتغيير زيت الفتيس لانه بيطرد الزيت القديم الاول و بعدين بيدخل حوالى 3 لتر من الزيت الجديد لغسيل الدورة ويطردهم تانى و بعدين يبدا فى وضع الزيت الجديد (5 لتر تقريبا) علشان كدة انت فعلا محتاج اكثر من 8 لتر
انا عملت الموضوع دة فى التوكيل فى قليوب و طلبت من الراجل الى كان بيغير الزيت انه يزود كمية الزيت المستخدمه فى غسيل الدورة و يخليها 4 لتر بدل من 3 لتر علشان اكون مطمن وهو وافق على طول لانه كله على حساب الزبون
-
الفلتر مبيتغيرش لانه فى قلب الفتيس من جوة علشان يتفك لازم تفك الفتيس
علشان كدة مفيش تغيير لفلتر زيت الفتيس فى جدول صيانة العربية اصلا
-
اللى عايز الزيت موجود فى توكيل مصرية القديم فى قليوب انا لسه مغيره النهاردة سعر اللتر ب 55 جنيه بس لازم يتغير هناك و هما مش بيردوا يبيعو الزيت بيقولو لازم يتغير هناك
-
يعني لتر الزيت في السعودية ياباني ويعادل 35 جنيه وفي مصر بـ 55 جنيه أيه الظلم ده وبعدين المفروض يبيعو الزيت ومالهم اي دخل أغيره فين والله هو شغل جبروت !!! والله شيء يعصب والله المستعان .
-
عشان مصنعية تغيير الزيت فى التوكيل من سنة كانت 50 جنيه
فا مثلا 8 * 55 = 440 + 50 = 490 + 10% ضريبة = 540 جنيه
بالشفـــــــــــــــــــا
Content Relevant URLs by
vBSEO 3.6.0 PL2