سؤال في صيانه الماروتي الزيرو بعد 20 الف كيلو

عربيتي سوزوكي ماروتي كنت شاريها زيرو وعملت 20 الف كيلو .... لغاية دلوقتي مفيش مكانيكي بص فيها لانها مشتكتش من حاجه خالص ......
السؤال هو .....
ايه الاجزاء اللي لازم اغيرها ....
و أروح للميكانيكي اقوله ايه ..
يعني مثلا اقوله اعملي صيانه شامله وخلاص ... ولا اقوله غير كذا وكذا ... اصلي بصراحه خايف من استغلال الصنايعيه عشان دي اول مره اروح لميكانيكي و كمان خايف من عدم خبره الميكانيكيه في المروتي في محافظتي لانها مش منتشره ... ويا ترى اشتري الحاجه قبل ما اروح له ولا هوه اللي يقولي اشتري ايه ومنين خصوصا ان قطع الغيار مش موجده في محافظه البحيره واقرب مكان الاسكندريه ‏
وجزاكم الله كل خير

غير زيت الموتور و فلتر الزيت ( ديه اي حد بيغير زيت او حتي في البنزينة بس اهم حاجة الجيركن تشوفه متبرشم و يتفتح قدامك )

بص ع زيت الفرامل لو محتاج يتزود

خلي الميكانيكي يبص ع تيل الفرامل ( الميكانيكي بيفك و يبص عليه لو متأكل و محتاج يتغير لو كويس خلاص )

تربيط للعفشة ( عفشجي )

ترصيص و ظبط زوايا ( عند بتاع الكاوتش )

نضف فلتر الهوا ( اثناء تغيير الزيت او عند بتاع الكاوتش لأنه بيطلعه ينضفه بالهوا و يحطه تاني )

غير البوجيهات ( كهربائي سيارات )

و بالتوفيق ان شاء الله

يا باشا ربنا ما يحرمنيش منك ومن ردودك السريعه الوافيه .....
بس يا ترى لازم اغير سير الكاتينه ولا اسيبه شويه
وشكرا

اقتباس:

---

المشاركة الأصلية كتبت بواسطة goharynet

يا باشا ربنا ما يحرمنيش منك ومن ردودك السريعه الوافيه .....
بس يا ترى لازم اغير سير الكاتينه ولا اسيبه شويه
وشكرا

---

سير الكاتينة اساسا في الكالتوج كاتبيين بيتغير ع 100 الف كيلو بس طبعا نظرا لأن سير الكاتينة مش معدن فيفضل تغييره ع 50-60 الف كيلو تجنبا لأي مشاكل
الوقاية خيرا من العلاج :tumb:

و معلش نسيت اقولك متنساش صيانة للبطارية يعني تزويد السائل ( عند كهربائي سيارات )
و يبصلك ع سير الدينامو

http://www.nilemotors.net/Nile/240680-a.html

ده دليلك في الصيانه

تحياتي