الموضوع: مرحبا بكم ياهونداوية

المشاركة الأصلية كتبت بواسطة semsem kane

طبعا اكيد كلكوا عارفين سبب انقطاعى عن ابداء اى مشاركات فى القسم وذلك بسبب حالة الركود الموجودة بالقسم بالرغم من تواجد الاعضاء ودة طبعا شىء مخلى مستوى القسم نايم جدا ومافيش اى جديد وشكلنا بقى وحش اوى قدام بقية الاقسام يعنى على الاقل لازم نحط فى اعتبارنا ان دة مش مجرد منتدى ندخل ناخد المعلومة وخلاص شكرا على كدة , لأ المنتدى عرفنا حاجات كتير ولية فضل علينا وكفاية انة عرفنا بشخصيات بجد الواحد يعتز بيهم وعمرة ماكان يتوقع انة يتعامل معاهم بس المنتدى حقق دة

* طبعا مش هتكلم عن محاولات الاخ الفاضل yones , والاخ الفاضل omar fekry فى احياء هذا القسم مرة اخرى بعد نوم عميق جدا وحاولوا جاهدين ولكن التغير مش هيجى منهم لوحدهم , والحمد لله قدروا يقدموا افكار اعتقد انها جديدة جدا فى المنتدى دة فياريت بقى نستغل الفرصة فى اننا نحسن من القسم دة ونبطل ناخد معلومات من غير حتى ماندى جزء بسيط جدا

* انا طبعا كنت منقطع عن القسم وفعلا ماكنتش ناوى ادخلة تانى واكتفى فقط بمساعدة الاعضاء بقدر استطاعتى عن طريق رقم التليفون وطبعا اصدقائى واخوانى اللى احنا بنينا معاهم القسم دة من خمس سنوات

* كل دة انا فكرت فية كويس ولقيت انى مش هينفع استمر كدة وماينفعش مادخلش لقسم الهوندا وطبعا بعد كلام كتير من اخوانى انى لازم ارجع وايد على ايد تساعد وبردة مش هينفع اسيب الناس الحلوة دية وماكلمهاش وحاجة كمان ان صعبان عليا يبقى عندى افكار ومواضيع تفيد الاعضاء وماكتبهاش

* عموما ياشباب انا ان شاء الله وطبعا بمساعدتكم نبتدى صفحة جديدة وياريت نبقى كلنا قد المسئولية , وندى المنتدى دة حقة زى ماخدنا حقنا واكيد كل واحد استفاد كتير اوى وفهم حاجات كانت هتاخد منة وقت طويل جدا جدا عشان يفهمها ويحلها

* انا نويت بإذن الله كل ما هلاقى القسم بقى نشيط هيبقى ليكوا منى مواضيع مفيدة تفيدكوا عشان انا نفسى يبقى القسم دة بالناس الحلوة دية ودماغهم الجامدة دية افكارهم تبان للكل

اسف انى طولت عليكوا

نورت المنتدى ياسمسم باشا بجد كنا مفتقدينك وكنت زعلان انك مش موجود كل الفترة دى
وايد على ايد المنتدى هيعلى اكتر ان شاء الله ولاشكر على واجب

المشاركة الأصلية كتبت بواسطة omar_fekry

يااااااااااااه اخيرا حمد الله على السلامه يا سمسم :)) ليك وحشه والله

و على فكره القسم لو فضل بالطريقه اللى احنا ماشيين بيها دلوقتى دى هيبقى احسن و انشط قسم فى المنتدى كله بجد
العصابه بدات ترجع عصابه زى ما كانت :))
و اخيرا متشكر جدا ليك على الكلمتيين الحلوين اللى اتقالوا فى حقى دول .. لانى فعلا ماكنتش اتوقع الكلام الحلو ده .. و مجهود جمب مجهودك او مجهود yones لا يذكر !

اذا كنت فعلا هتشكر حد يبقى مفيش غير younes لان بافكاره رجع المنتدى تانى له طعم مختلف و مش احنا بس اللى بنقول كده ... اعضاء من اقسام تانيه
و شكرا لكل عضو شارك أو حاول انه يرجع القسم تانى :)

شكراااااااااااااااااااااا ااا شكرا شكرا شكرااااااااااا :)))

لاشكر على واجب ياعمر باشا ربنا يكرمك ورجوع سمسم اكبر مكسب للمنتدى

المشاركة الأصلية كتبت بواسطة tarekzein

ولكم باك سمسم

كنت متأكد ان القسم مش هيهون عليك

إحنا كلنا مهمين

ووجودنا مهم

ومشاركاتنا مهمه

حتى لو كانت مشاركه غير فنيه

بس إسمها مشاركه (يعنى بنشارك بعض معنويا)

عقبال باقى كبارات العصابه

كلامك مظبوط 100 % ياطارق باشا وان شاء الله نبقى عند حسن الظن

المشاركة الأصلية كتبت بواسطة ahmod

نورت القسم مرة تانية والله

وانا داخل الموضوع عشان اقولك ماتضايقش من قلة الردود والتفاعل الموجودة في قسم الهوندا ابدا بالعكس

بالرغم من انه سعات بيبقى نايم وفيه حالة من الركود بس والله احسن من اقسام تانية كتير اوي ولو تدخل تاخدلك فرة في الاقسام هتعرف ان قسم الهوندا تحسه فيه روح تانية مختلفة عن بقية الاقسام

صحيح ان فيه اقسام تانية فيها مشاركات بشكل خرافي وعليها اقبال جامد جدا زي قسم الكيا مثلا وهيونداي بس ده مش عشان حاجة ده بس لمجرد ان العربيات دي مبيعاتها كتير اوي وبالتالي منتشرة وملكها كتار

انما قسم هوندا غير

انا اهو مش معايا هوندا ومع ذلك بدخل قسم الهوندا بشكل مستمر بسبب الروح الموجودة فيه




>>>> عمر باشا اخبارك ؟

قولي رايح الجامعة بكرة ان شاء الله عشان التسجيل ؟ لو رايح قولي عشان اقابلك هناك انا هبقى في الجامعة على حدود الساعة 9 ان شاء الله

احنا بنعتز جدا ياأحمد باشا بوجودك معانا وانت منورنا بجد ودى شهادة كبيرة نفتخر بيها جدا

الله الله ده حصل امتى ده ياسمسم ونويت تسيب المنتدى

ومن امتى بتاخد قرارات كده مع نفسك من غير ماترجع للشعب

احب اقولك ياسمسم ان انت شخصية عامة دلوقتى يعنى مش حر ف نفسك تمشى وقت ماتمشى وترجع

وقت ماترجع ويكفى انى اقولك ان الشعب يريد سمسم... شكلك كنت شايل جامد .. ياعم يلاش قفش

علعموم عين العقل رجوعك واهلا وسهلا ودايما منور القسم ياسمسم ...

ولكم باك بوص

welcome back boss