الموضوع: تعملها كام تقريباً ؟؟؟؟

المشاركة الأصلية كتبت بواسطة BRAZILI

انا معرفش و الله
بس بقولك
لو ليك خير فيها ربنا يجعلها من نصيبك
لوما لكش خير فيها ربنا يبعدها عنك

تحياتى

أمـيـن

المشاركة الأصلية كتبت بواسطة boshy911

السلام عليكم أيها الراقدون تحت التراب أعضاء منتدانا النايم في العسل
عملين إيه يا بيكرز ؟؟؟

بقولكم إيه ,,, شكلي كده ربنا حيفتح عليا وحركب المكنه الـ 1100 سي سي .
أصل قدامي واحده موديل 2002 سوداء اللون حالتها الخارجيه من حيث الشكل و الفيبر و النواكل و الفوانيس و الكاوتش ممتازه قوي ,,, وماشيه حوالي 30,000 كيلو متر ... وموتورها صوتو كويس , يعني مظبوط مش بيلخبط في السيلنسيه ... بس للأمانه أنا معرضتهاش علي ميكانيكي لسه ,,, قولت أسئلكم الأول ....

يا ترا تعملها كام تقريباً ؟؟؟ يعني في رينج كام ؟؟؟ أنا قولت أسئلكم الأول قبل لما أفتح مع صاحبها في موضوع الشراء عشان أعرف في حدود إمكانياتي ولا لأ .... ولو حصل أكيد حخدها علي ميكانيكي أقبل التنفيذ إن شاء الله ,,,

ولكم جزيل الشكر . . .

هيا ما شاء الله بايك جامد وسريع
بس للأمانة انا حاسس ان الاستيد اطول منها وشكلا الي حد ما احلي
لكن بالنسبة للماتور فالفرق كبير وبرده مش غالية قوي
لكن
لو السعر في حدود 27000 او 28000 او حتي 26000
يبقي خليك في الشادو 750 موديل اعتبارا من 1999
الشكل والحجم أكبر
ومش هايكون في فرق قوي في السرعة
ولكن الاختلاف بين ال 1100 و 750
ان بعض ال 1100 سي سي مش فاكر موديل كام بالظبط حوالي موديل 1999 الفرامل الخلفية ديسكات يعني فرامل زيت باكم وجنوط والموديل القديم منها ال 1996 مش جنوط سلك عادي

اما الشادو اللي في نفس الموديل لغاية اعتقد 2001 او 2003 الكاوتش سلك مش جنط

فهمت قصدي ايه ؟؟؟؟

لأ للأسف يا مصطفي مفهمتش منك ولا كلمه غير إن الشادو ال 750 أطول منها في الشكل ... وبس كده

وبرده أنا بحس إن مفيش فرق كبير بين ال 600 و ال 750 من ناحية قوة وعزم الموتور ...

برده مقولتليش لو مكنه بالأمكانيات و الحاله دي تعملها كلم ؟؟؟

إحنا راقدين تحت التراب

ومنتدانا نايم فى العسل

وبكده موش هاتلاقى عندنا إجابات لسؤالاتك

اعتقد لو كنت سألت بأسلوب مختلف كنت هاتلاقى إجابات كثيرة جدا على الأقل من عضو صغيييير جدا مثلى انا

ده غير بقى العمالقة الموجودين اللذين لا أساوى بجوارهم صفر عالشمال

لكن أنا قابلت بايكرز كتير زيك كدة خصوصا بتوع الـ 1100 المستعمل

العضو الفاضل : ben_thabet
أولاً طبعاً مفيش رد أفضل من رد برازيلي علي مشاركتك ...
ثانياً وهو الأهم ,,, أنا أسلوبي كده .... والله مش عجبك الأسلوب مكنتش دخلت الموضوع أصلاً ومكنتش سبت رد فيه .
وعموماً أنا لما قولت أيها الراقدون تحت التراب , فده بناء علي كذا مشاركه سابقه لي في القسم ... والأخوه الأعضاء الأقدم واللي بقلهم شهور و شهور في القسم وهم نفس العمالقه اللي حضرتك ذكرتهم ووصفت نفسك بأنك لا تساوى بجوارهم صفر عالشمال وهم عرفين إيه هي المشاركات دي كويس .. فكنت أتمني إن أسلوبك في التعليق يكون أفضل من كده وخصوصاً إنك لسه مشترك في المنتدي أول إمبارح بالليل ومتعرفش مضمون الحوار ولا طبيعة العلاقه اللي بيني وبين الأعضاء ..

وسلملي علي كل البايكرز الكتير اللي زيي كدة اللي إنت بتقابلهم خصوصا بتوع الـ 1100 المستعمل .

ههههههههههههههههههههههههه ههههههههههههههههههههههههه هههههههههههههههههههه

وطبعاً ألف شكر ليك يا برازليو علي تدخلك اللطيف لمحاولة توضيح مدي العلاقه و الصداقه اللي بتجمع كل الأعضاء ببعض للعضو الجديد ben_thabet .