رشيت العربيه ب 1150

طبعا السعر لا يصدق بعد ما لفيت ورحت و جيت و سمعت اسعار خياليه اللى يقولى 3000 و اللى يقول 2500 عشان ايه مش فاهم ؟؟؟؟؟ المهم اتفقت مع صنايعى من ورشه شغلو عجبنى و الناس بتشكر فيه قاتلو تاخد منى كام مصنعيه فى العربيه دى قالى 500 جنيه شغل ايدو قلتلو تمام و هتصرف كام يا ابنى بويا و معجون و خلافه قالى من 500 ل 600 و الفرن 80 جنيه و هو دة اللى حصل خليت الواد ياخد اجازة من الورشه 4 ايام جهزلى العربيه فيهم و سبناها 3 ايام بعدها و يوم الجمعه طلعنا على الفرن ورشينا طبعا السعر دة سعر بويا وسط مش غاليه اوى و لا رخيصه اوى اللى هى كابسى و بيقولو عليها اوميجا و الكلام دة فى المنصورة و تحديدا السنبلاوين


المقادير :
كيلو و نصف بويا 150 ج
كيلو و نصف ورنيش150 ج
مصلب و جرايد و قطن و شويه رفايع 50 ج
200 جنيه 3 علب معجون و تنر و علبه معجون فيبر للاكصدامات

و الحمد لله النتيجه مقبوله يعنى اقدر اقول 93 فى الميه نتيجه مش وحشه مقابل الثمن

طبعا السعر كويس جدا لو العربية سيدان مش هاتش باك يبقا تمام جدا ومبروك عليك

الف مبروك

اللسعر فعلا لقطة

والله المستعان
،
،

طيب ماتحطلنا صور . والف مبروك وربنا يبارك فيها

اه ياريت صوره فعلا ده بعد اذنك طبعا

ححاول ارفع الصور العربيه نبيتى ميتالك