الموضوع: اقتراحتكم لكوتشى اديداس فلات ؟؟

انا هديك خلاصه تجربتى مع الكوتشيات لانى بعد عناء من لبس الكوتشيات العاديه او الفلات مبقتش البس غير Running / Training
بصراحه انا دلوقتى مش بلبس غير اديداس Running وده اريح حاجه اصلا معموله للرجل لانه مصمم مخصوص للرياضه والجرى فما بالك انك خارج بيه تقضى يومك العادى ومشى عادى .. راحه فظيعه والله

كفايه انى والله العظيم هحكيلك موقف حصلى السنه دى والحمد لله
كنت لسه شارى كوتش adidas ignition 2 واتسرق بعدها ف فتره صغيره وطلعت من الجامع بالشبشب وده الموضوع كنت كاتبه ف المنتدى

http://www.nilemotors.net/Nile/227591-a.html

وبعدها روحت على توكيل اديداس اللى ف وسط البلد بالشبشب ودخلت جبت كوتش من هناك ب فلوس كانت معايه بتاعت كورس واجلت فلوس الكورس ساعتها لانى عارف مهما هلف وهدور هرجع اجييب كوتشى اديداس Running وعموما ده الموديل اللى اشتريته بعد ignition 2 اسمه ..Adidas Duramo 3m ودى صورته




بجد صدقنى الراحه بتاعت ال Running دى مش هتتعوض وانا مجرب معظم موديلات اديداس ال Running او Training وكلها زى بعض تقريبا

حاجه تانى برضه اشهدلها بالكفائه وهيه reebok dmx shear كوتشى فوق الفظيع فعلا ومريح بطريقه غبيه بس للاسف reebok مدامش معاى والشبك بتاعه مكانش قوى واتقطع منى بعدها ب حوالى 4 او 5 شهور من الجانبين ف زعلت منه وبعدها بدأت تجربتى مع الاديداس لان reebok ده كان من اول الكوتشيات ال Running اللى اجيبها
الغلطه الوحيده تقريبا انى ف مره قلت اجرب اجيب Nike وكان الموديل ده Nike Over Play IV .. وبجد من اسوأ الكوتشيات اللى لبستها ف حياتى ومستريحتش فيه خالص ! وده مركون دلوقتى والله ف البيت بحاله الفابريكه دواخل وخوارج مرشش قبل كده :D
انا عموما عندى كذا كوتشى اديداس لانى بحب اشيل حاجتى هبقى اصورهم ان شاء الله واحلطك صورهم لانهم تعبوا معاى جامد ف انا كرمتهم وشايلهم عندى :)

طيب يا مكسز باشا reebok dmx shear كان بكام وهو بيتلبس صيف وشتاء عادي مبيضايقش؟,والكوتشيهات الrunning\trainin رنج الاسعار من كام لكام والمحل فين في وسط البلد معلش الكوتشي اللي حيلتي خرب وعايز اجيب حاجة حلوة جزيت خيرا ياباشا ) ... ايهاب

المشاركة الأصلية كتبت بواسطة windsofchange

طيب يا مكسز باشا reebok dmx shear كان بكام وهو بيتلبس صيف وشتاء عادي مبيضايقش؟,والكوتشيهات الrunning\trainin رنج الاسعار من كام لكام والمحل فين في وسط البلد معلش الكوتشي اللي حيلتي خرب وعايز اجيب حاجة حلوة جزيت خيرا ياباشا ) ... ايهاب

السلام عليكم

الكوتش بيتلبس عادى جدا طبعا صيف او شتاء انا مش بلبس غير الكوتشيات اللى هيه زى ما وضحت نوعيات ال Training / Running سواء صيف او شتاء طالما هخرج لابس كوتش يبقى لازم منهم وهما معظمهم بيبقى فيه شبك كتير وده اللى بيدى الراحه الفظيعه اثناء لبسه
ال reebok dmx shear كان عليه Sale وكان ف اواخر الميتينات يعنى ممكن تقول حوالى300 بعد الخصم وكان بحوالى 400 قبل الخصم
رينج الكوتشيات دى عموما من اول 250 جنيه وقت ال Sale وفى العادى حوالى 350 جنيه وتوصل ل 500 جنيه للاسعار العاديه لموديلات ال Training / Running بيبقى فى حاجات اغلى من كده بتبقى اسعارها Over بصراحه مش بقرب منها

ده شبه اللى كان عندى جدا اللى هوه reebok dmx shear
وهو موجود عندى دلوقتى لكن الميمورى كارد بتاع الكاميرا اتحرق كان نفسى اصورهولك




المحل اللى فى وسط البلد اللى كنت بتكلم عليه ده Adidas وهو فى اخر شارع طلعت حرب " عكس ميدان التحرير " عند Mac .. و اديداس اللى هناك بيعمل خصومات حلوه انصحك تشوفه وربنا يكرمك
عموما اديداس من ريبوك مش فارقه كتير على فكره لانهم دلوقتى اصلا يعتبروا شركه واحده لان حسب ما عرفت اديداس اشتريت ريبوك عشان مره كنت بشوف كاب ريبوك لقيت مكتوب من جوه شركه اديداس العالميه وسألت ف عرفت الموضوع ده ...
ربنا يوفقك

انا بصراحة عندى واحد اديداس سمبا سويد ى بقالو بتاع 4 او 5 سنين مبيقولش لا وجامد جدا ومرييح اوى بغبااء يعنى
adidas Product Catalogue - SAMBA SUEDE
شوفوه كده هاتلقيه فى فرع طلعت حرب او سيتى ستارز

شكرا جداااااااا يامكسز وجزاكم الله كل خير يا رجالة ربنا يجمعنا علي خير....اول مااجيب الكوتشي هصوره :)