هل يوجد hill support (اللى بيخلى العربية ماترجعش ورا لو طالع مطلع) ؟
شكراً و فعلاً المازدا احلى و دلوقتي سعرها منافس بالنسبة للإلانترا
مقارنه واقعيه جدا جدا
وفعلا المازدا 3 هي من افضل السيارات في الفئه دي وبالنسبه لي عشان هي مع 3 صحابي انا بعتبر العربيه دي فعلا تحفه فنيه بكل المقاييس
عفشه من ال الاف ل الياء فورد فوكس كل مساعدين وسوست مقصات وفرامل والمالتي لينك كله فوكس(فورد انعم عربيات في العالم اساسا تركبها متحسش بحاجه) بالاضافه الى التصميم الممتاز وفعلا قيادتها ممتعه ورياضيه بكل معنى الكلمه
انا شايفر اكتر عيب موجود في المازدا اسعار قطع الغيار بهدله
بالنسبه للالنترا ف انا شايف ان الكوري الجديد عموما افضل في الشكل من القديم بس في العفشات والراحه والثبات فشل مش عارف ليه
1- الكرسي مريح جدا
من اريح الكراسي اللي قعدت عليها
2-كتجميع من الثبات اقوي من الالنترا
تحس انه بيخلي العربيه تنط من الارض
دي برضو واحد زميلي لاحظها بيقولي موتورها شديد في الطلعه
3- بالنسبه للصوت لو انت فاتح الشباك هتسمعه
العزل ممتاز تحس انك في اوضه مقفوله
صوت الموتور غير مسموع الا لو قرصت
4-يوجد غيار (+) (-)
للقياده الرياضيه
5-فعلا الازاز فيه وحدات رفع
ممكن تنزل الاربعه او ترفعهم من الريموت
6-مساعدين الشنطه مش موجودين في الالنترا
ولا اغلي مثلا فلوينس ولا سيراتو ولا بومه
معرفش السيفيك فيها ولا لأ
7-العربيه مبترجعش خالص علي اي مطلع بالعكس بتزحف لفوق
الا لو مطلع كوبري جامد منحدر قوي بتقف متتحركش عليه
اي خدمه :)
فعلا انت استاذ ياباشا
كنت لسه هكتب عن موضوع العفشه والثبات
كان معايا النترا الشكل القديم 2008
عفشتها افضل
نفس قوة الموتور تقريا
الشكل جوه وبره الجديده احسن والوسع طبعا
معرفش هيونداي وكيا اغبياء في صنع انظمة التعليق ليه كده
التريلينج اللي كان في الالنترا القديمه كان كويس يحسنوه مش ينيلوها
انا معترض على نقطة صغيرة
الفرامل
المقارنة مستحيلة لأن واحدة بدون انظمة فرامل والتانية كاملة !! المفروض لما اقارن بين الاتنين يكونوا متساويين فى كل حاجة صح ولا انا غلطان
المازدا احلى من الكورولا والسيفيك دة رأيى .... بس يارب منضربش :)))))
المازدا بجد عربية متكلفة الالنترا سعرها مبالغ فية جدا ... المفروض لا تزيد بأى حال من الأحوال عن 125الف كاملة بكل حاجة
المازدا احترمها على سعرها وفيها كل حاجة ... ومش مهم الموتور