الموضوع: ش محي الدين ابو العز (مصر الجديده) من صلاح سالم

المشاركة الأصلية كتبت بواسطة aif

طالما انتي مش من المنطقة دي انا ممكن اوصفلك وصفة اسهل شوية بس ممكن تكون اطول حاجة بسيطة
كملي في صلاح سالم طوالي بعد القلعة زي ما زميلنا محمد سليم قال بالظبط ..... ح تلاقي كوبري الفردوس اللي عند مسجد الشرطة ... تطلعي من فوق الكوبري طوالي .... وبعدين ح تلاقي كوبري العباسية اللي قبل ارض المعارض ... برضه تطلعي وطوالي
بعد شوية ح تلاقي عمارات العبور علي شمالك وبانوراما حرب اكتوبر على يمينك ..... برضه طوالي
لغاية ما تلاقي نفق العروبة اللي عند بيت المخلوع مبارك ..... تقرأي الفاتحة على روح ضحاياه وتنزلي النفق ...
بعد النفق بحوالي 300 متر ح تلاقي مخرج يمين مكتوب عليه طريق السويس أو ش الثورة ( هو اول مخرج بعد النفق ).... تدخلي يمين وتمشي طوالي ولا يمين ولا شمال
ح تلاقي فيه كباري بالعرض معدية فوق الطريق مالكيش دعوة بيها .... طوالي
بعد تاني كوبري من الكباري اللي قولتلك عليهم دول ح تلاقي سفارة الامارات علي يمينك ولها قبة زي ما تكون جامع وعليها علم الامارات ..... وجنبها عربية فول بتاعت واحد اسمه حسن عزوز .... اوعي تاكلي من عنده ..... الفول بتاعة مش قد كدة
يعني ببساطة ح تمشي طوالي ف صلاح سالم وتاخدي يمين من طريق السويس اللي بعد نفق العروبة وتمشي حوالي 2000 متر طوالي تبقي هناك ... وهناك تسألي بقى عن الشارع ده لأن محي الدين ابو الوز ده انا اعرف انه ف المهندسين .... لكن مش عارف اللي ف مصر الجديدة بصراحة

الحمد لله على السلامة

الله يسلمك يا فندم
الحاج احمد مشرف موضوعي
الف شكر على المشاركه الجميله والوصف السلس ده
انا كده بعد ما اعدي النفق عند بيت المخلوع هاكمل وانزل عند بتاع الفول
وأسأل على الشارع من هناك
بس ازاي بتاع الفول يقف عند سفارة الإمارات
انا كمان عارفه محي الدين في المهندسين وكمان في شارع الثوره في المهندسين حاجه تلخبط
حتى سواق التاكسي افتكر العنوان في المهندسين لما سألته
الف شكر لحضرتك مره اخرى ونورت موضوعي