ارجو المساعده من خبراء الزلموكه

**amr3elrouby** · 09-09-2011 04:37 PM

يل جماعه امامى زلمكه 200 موديل 1990 المانى فابريكه بالكامل بحاله رائعه وامامى بى ام 523 موديل 1998 كذلك بنفس الحاله وانا محتار فى الشراء مع العلم بأن سعر الاولى 125000 والثانيه 115000 وارجو افتائى بكل امانه ولكم جزيل الشكر

**MBhead** · 09-09-2011 10:37 PM

طاب هيا عاملة كام كيلو ؟؟؟؟
عموما المرسيدس-بنز مختلف عن البي ام
المرسيدس عربية شيك و فخمة اما البي ام رياضية عنها
دا غير ان الw124 2000 سي سي مصارفها اقل ترخصها اقل من الف جنيه فحتتباع بسهوله و المرسيدس دائما لها سوق ما ماهو واضح لسيادتك
اما البي ام اظن دي e39 عربية ممتازة اكيد بس سعر اعادة البيع حيقل لانها 6 سلندر و اعلي من 2000 سي سي مصاريفها اكتر شوية من الW124 البي ام قطع غيارها اغلي من المرسيدس البنزين مش فارق كتير لان البي ام انجكشن و تكنولوجيا محترمة مش حتبقي بتستهلك كتير
و لك حرية الاختيار

**WalidAdel** · 23-10-2011 04:14 AM

المشاركة الأصلية كتبت بواسطة mbhead

طاب هيا عاملة كام كيلو ؟؟؟؟
عموما المرسيدس-بنز مختلف عن البي ام
المرسيدس عربية شيك و فخمة اما البي ام رياضية عنها
دا غير ان الw124 2000 سي سي مصارفها اقل ترخصها اقل من الف جنيه فحتتباع بسهوله و المرسيدس دائما لها سوق ما ماهو واضح لسيادتك
اما البي ام اظن دي e39 عربية ممتازة اكيد بس سعر اعادة البيع حيقل لانها 6 سلندر و اعلي من 2000 سي سي مصاريفها اكتر شوية من الw124 البي ام قطع غيارها اغلي من المرسيدس البنزين مش فارق كتير لان البي ام انجكشن و تكنولوجيا محترمة مش حتبقي بتستهلك كتير
و لك حرية الاختيار

تصدق والله انا كنت محتار نفس الحيره بتاعة حضرتك دي و نفسيا مرتاح للمرسيدس بسبب صيانتها و مافيش التكنولجي الكتيره اللي في البي ام
انا حاليا معايا صني 2008 بس لظروف سفري الكتيييييييره اوي مش مرتاح في قعدتها فعايز عربيه تستحمل لاني بشيل فيها حاجات و تكون مريحه في السفر بردوا فكنت بقارن بينها و بين البي ام
ان شاء الله هاتوكل علي المرسيدس بس ليا سؤال معلش في السوق الزلموكه ال 86 دي سعرها حنين شويه عن ال 90 بيني و بينك بس ايه الفرق بينهم ياريت ميكانيكيا يعني و المكنه و سحب البنزين و قطع الغيار و كده

**WalidAdel** · 28-10-2011 04:09 PM

المشاركة الأصلية كتبت بواسطة MBhead

عادي انها تسافر و ممكن حضرتك تشيل فيها حاجات و حتبقي مريحة اكيد و تستحمل ..مش مشكلة
اما الفرق بين ال86 ال90 ميكانيكا لا يوجد فرق الشكل فقط شخصيا افضل الانجكشن اسمها 200e دي استهلاكها قليل لو مظبوطه اقل من 10 لتر لل100كم .. ال90 سعرها اعلي لان الناس بتفضل الموديل الاجدد لكن الw124 في العموم عربية فوق الممتازة

انا شاكر لرد حضرتك جدا
بس معلش ليا سؤال اخر ايه رايك في ال C180 موديل 99-2000 لانها في نفس الرينج السعر تقريبا لكن موديل اعلي و شكلها كويس و تنفع لشاب 27-28 يعني و بردوا نقطه مهمه اوي انها مش منتشره الاانتشار الفظيع للزلموكه و ال200 موديل 80-84
و بعدين من حيث القاعده و الكراسي مريحه بالذات ورا علشان الوالده ...... معلش استفسارات كتيره

لاني مختار اوي بينها و بين الزلموكه و في نفس الوقت في في دماغي حاجات جديده زي المازدا 3 و السيفيك بس هاتظبط في قطع الغيار و running cost بتاعهم مختلف تماما و فرق كمان

**WalidAdel** · 28-10-2011 09:08 PM

ياباشا شاكر جدا للافاده و فعلا ماشاء الله الدنيا وضحت قدامي حبه حلوين يعني
و ان شاء الله ربنا يعمل اللي فيه الخير يعني

**WalidAdel** · 28-10-2011 09:38 PM

المشاركة الأصلية كتبت بواسطة mbhead

الw124 ضيقة من ورا نسبيا (بالنسبة للمرسيدس ) ال c-class اوسع و فيها اوبشن اعلي و عربية ممتازة ..عموما اطمن سيادتك من موضوع الراحة صدقتي اي مرسيدس حالتها نضيفة لو موديل 60 حتي مريحة في الركوب
انا شخصيا انصحك بالزلمكة سهلة في صيانتها و قطع غيارها منتشرة و لما سيادتك تكون عايز تغيرها و حالتها محترمة حتتباع بسرعة
اما الw202 اجدد و ممتازة لكن صيانتها صعبة شوية و عايزه يا اما مركز صيانه محترم يا اما ميكانيكي فاهم و الصيانة اغلي من صيانه الزلمكة

الجمله اللي فوق دي اكيد حضرتك تقصد العكس ان الزلموكه w124 اوسع من ال c180 ولا انا فاهم غلط