الموضوع: تيجو 2000 الاوتو .... عايز نصيحة مالكيها

انا من المعترضين تماما على شراء صيني , و لكن لظروف كبر العيلة و عدم وجود سيارات معقولة في حدود الميزانية المحددة للسيارة لأنها العربية التانية في البيت و هيكون استخدامها الأساسي سفر فاتجهت الى الصيني .

عايز اعرف عيوب التيجو 2000 سي سي الاوتوماتيك
و الضريبة السنوية بتاعتها كام ؟
ثباتها على سرعات فوق ال 150 و في الملفات
الموديل اللي فيه فتحة سقف هل الفتحة بتعمل مشاكل ؟ زي تسريب مياه أو تعليق ؟
حجم الشنطة قد ايه بالمقارنة مع الكارينز ؟
سعر العربية كام و كمالياتها ايه ؟
قوة التكييف ؟ هل اللي قاعد ورا بيحس بالتكييف كويس و لا لأ ؟

المشاركة الأصلية كتبت بواسطة firstknight_eg

مدام حضرتك من المعارضين للصيني، يبقي بلاش منها احسن ، لو مش هتركب العربية وانت مقتنع بيها 100% يبقي هتلكك لها ، وفي اول مشكلة صغيرة هتقول ما انا قولت ما اشتريش صيني

ال 110 الف ممكن تجيبلك كارينز مانيوال، ولو وصلت ل 120 عندك الكارينز اتوماتيك وعندك برضه الكيا سول

العربية زي اي عربية ليها وعليها، لو حضرتك بصيت في المنتدي هتلاقي كلام كتير عنها وعيوبها ومميزتها.

وفي الاخر اختار اللي تبقي مستريح نفسيا معاه لان الـ 110 الف ممكن تجيبلك عربيات كتير وخصوصا لو بصيت للمستعمل

كارينز مش بالعها خالص . و هجيب قسط عشان كده انا محكوم بميزانية معينة و عربيات معينة

المشاركة الأصلية كتبت بواسطة tiggosaid

متفق تماماً مع رأى الاخوة بخصوص ضرورة الراحة النفسية علشان متحسش وانت راكب صينى ان على راسك بطحة،انا فاكر مرة كنت مع عمى وهو بيشترى عربية تويوتا وقعد يقول لصاحب المعرض على نوعية عربيات ولادة وولاد الجيران وانا قاعد جنبة مرضاش يقولة على نوع عربيى، واكتفى بانة يقولة انى ابن حلال.
وبخصوص استفسارك على العربية ففى أكتر من تقييم فوق ممتاز على العربية وعن تجربة حقيقة بقسم الاسبيرنزا، ضرورى ترجع ليهم.
............
بخصوص استفساراتك؟؟؟
عايز اعرف عيوب التيجو 2000 سي سي الاوتوماتيك ( راجع تقييمات الاعضاء)
و الضريبة السنوية بتاعتها كام ؟(1000جم بتزل 5% سنويا، وبتتكلف حوالى 1200جم عند اول ترخيص تقريباً)
ثباتها على سرعات فوق ال 150 و في الملفات ( فوق فوق فوق فوق فوق ..............الممتاز)
الموديل اللي فيه فتحة سقف هل الفتحة بتعمل مشاكل ؟ زي تسريب مياه أو تعليق ؟(مطلقاً)
حجم الشنطة قد ايه بالمقارنة مع الكارينز ؟ (حجم الشنطة كبير وبيزيد لما بتقدم الكراسى الخلفية، وبيزيد أوى لما بتطبق الكراسى الخلفية، وبيزيد أوى أوى لو شلتهم خالص - كل الاختيارات دى متاحة فى التيجو- معرفش بالنسبة للكارينز)
سعر العربية كام و كمالياتها ايه ؟ (110 الف جم - جميع الكماليات - وممكن تدخل على موقع الشركة وتعرف الالوان والكماليات وتعمل مقارنة بينها بين اى طراز تانى)
www.speranza egypt.com

قوة التكييف ؟ هل اللي قاعد ورا بيحس بالتكييف كويس و لا لأ ؟ ( معقول جداً كافى والورا بيحس)

طيب كل كده كلام يطمن الواحد من ناحية العربية شوية .
شكلها من بره معقول
هتفرج عليها في المعارض