الموضوع: الماروتى والنوفا

لفرق بين ال128 نوفا و الماروتى 1-الصاج2-اعادةالبيع3-الاعطال4-الاسعار بالنسبةلموديلات فوق 1995 5-ميكانيكى امين بمنطقة عين شمس :)

بصراحة الفرق كبير ال128 حجمها أكبر من الماروتى و أقوى.
عموما أنا كان معايا 128, و ممكن أقولك الأتى :
- ال128 أكثر قوة و أسرع, بل هى مميزة جدا من هذه الناحية, باختصار لو بتحب الجرى ال128 ممكن تساعدك بشكل كبير, انما الماروتى محركها صغير جدا (800 سى سى).
- ال128 أكثر ثباتا, سواء فى المنحنيات أو على الطرق السريعة, العربية دى و هى مضبوطة بتكلبش فى الأرض فعلا, و لحد 140 هتحس انك مطمن, بشرط طبعا تكون الزوايا مضبوطة و الكاوتش حالته كويسة.
- ال128 المساحة الداخلية فسيحة جدا, و أعتقد أكتر من الماروتى بمراحل.
- بالنسبة للمتانة, فبصراحة العربيتين يفتقدون للمتانة, ال128 على عكس ما يوحى شكلها ليست متينة كما تتوقع, خاصة من جهة الأمام, من الجناب و من الخلف أكثر متانة شوية, يعنى أى حادثة قدام بتبهدل العربية خصوصا انو الأسبيراتير لازق فى صدر العربية, و صدر العربية ضعيف جدا, لكن أعتقد انها أكثر متانة شوية من الماروتى, و عموما مش هتلاقى عربية متينة فى الفئة دى (الفئة الصغيرة), كل سيارات هذه الفئة تفتقد للمتانة لأن حجمها صغير و وزنها خفيف.
- بالنسبة للأعطال فال128 لو جديدة هتقعد معاك فترة من غير أعطال, لكن اطمئن هى عربية بسيطة عموما و تصليحها سهل, و أجمل ما فيها انك ممكن بعد كده تتعود على الأعطال و تبقى مستعد ليها تماما فى أى وقت, لو واظبت على الصيانة و اعتنيت بيها هتمشى معاك كويس.
الماروتى معرفش ايه أخبارها مع الأعطال, بس سمعت انو فيها مشاكل فى الكبالن.
عموما نصيحتى النوفا 128, على الأقل عربية, انما الماروتى دى علبة كبريت, على الأقل لو حبيت تسافر أو أى حاجة فال128 معقولة فى السفر جدا, انما الماروتى صعبة أوى.
و عموما ده اختبار كتبته عن ال128, ممكن يفيدك.
http://www.nilemotors.net/Nile/showthread.php?t=6657