عايز فيسبا ...ومش عارف اي حاجة عن سواقتها..هستخدمها جوة المدينة وممكن مشاوير عايز حاجة رخيصة ومش فاهم اي حاجة في انواعها او اسعارها وموديلاتها وامكانياتها.
عرض للطباعة
عايز فيسبا ...ومش عارف اي حاجة عن سواقتها..هستخدمها جوة المدينة وممكن مشاوير عايز حاجة رخيصة ومش فاهم اي حاجة في انواعها او اسعارها وموديلاتها وامكانياتها.
بلنسبه لسواقتها (الاتوماتيك طبعا) مفيش اسهل من كده اذا كنت بتسوق عجل و التوازن تمام هتفكر حضرتك بعربيات الملاهى من السهوله .. شد بكرة البنزين و فرامل و مع الوقت هتبقى متمكن أن شاء الله
الأنواع الصينى أعتقد أنضفهم ال أشتراها أستاذ عبد الرحمن
http://www.nilemotors.net/Nile/23785...to-jetmax.html
بعدها نوع أسموا برافا فيسبا أستيراد مجموعة الصياد و يتعهدوا بتوافر قطع الغيار
http://www.nilemotors.net/Nile/212753-a.html
و فيه عضو محترم لسه شارى ممكن حضرتك تساله
http://www.nilemotors.net/Nile/240374-a.html
فيه برضو الفيسبا الهندى صباب LML مش فاكر بالظبط سعرها كان 6000 او 6500
ده عرض للأنواع الدارجه فى القسم و الأفضل حضرتك تلف و تنتظر رأى الأعضاء فهم اكثر خبره .
الف شكر للأستاذ SaberMan.
انا اللي جبت الفسبا اللي في الموضوع ده http://www.nilemotors.net/Nile/240374-a.html
بص ياباشا انا جبتها ب 5600 جنيه 150CC اوتو . لو بتسوق عجل يبقى كويس اوي اخرك ربع ساعه و تسوق زي الفل.
بالنسبه للنقل بتلف البكرة تزود بنزين و بس كد :tumb: و الايد الشمال الفرامل الخلفيه و اليد اليمين الفرامل الاماميه بس كده.
تحياتي و لو في اي استفسار ابعت انا تحت امرك ياباشا.:B4_048:
السلام عليكم
زى ما كل الناس الافاضل قالوا, الفسبا مش عايزة علام سهله جداً بالذات لو بتعرف تسوق عجل بس الهندى LML حتكون صعبة شوية عشان النقلات (3 نقلات تقريباً و الدبرياش الدواسة الشمال و الفرامل الخلفية دواسة قدم)
فسبة برافا شخصياً عجبانى سعرها حوالى 5600 جنية و فى تخفيض 5% لنايل موتورز
ممكن تشوف facebook- الموضوع بتاع cross egypt challenge فيه مواضيع جامدة و موضوعات مهمة بخصوص الفسبا.
و ربنا يوفقك
لو اشتريت فعلاً الفسبا ابقى قلنا كده عشان نتعلم منك
شكراً و بالتوفيق ان شاء الله
اقتباس:
المشاركة الأصلية كتبت بواسطة mohssenrashed
</B>mohssenrashed الشكر لحضرتك انك شاركت القسم بموضوع كامل بالصور و نتقلت لنا تجربتك القيمه النافعه و أخوك عمل copy مش أكتر .
ربنا يباركلك فيها و يعطيك خيرها و يكفيك شرها , شكرا لذوق حضرتك .