الموضوع: قواعد اختيار زيت الموتور.. إزاي تعرف الزيت المناسب؟؟؟

المشاركة الأصلية كتبت بواسطة eacho22

اخي العزيز
اعرف ان كفاءه التبريد للمحرك مرتبطه بحراره الجو ولكن دائما المحرك يعمل عند درجه حراره ثابته تقريبا حيث يتم التحكم في درجه حراره المحرك عن طريق منظومه كامله وهي الثرموستات المكانيكي والثرموستات الحراري ومروحه التبريد وهذه المنظومه تجعل درجه حراره المحرك تقريبا ثابته بغض النظر عن درجه حراره الجو لان في بلدنا لا يوجد جليد او ثلوج حتي يكون هناك تاثير مباشر علي درجه حراره المحرك وهذا يكون واضحا علي مؤشر درجه حراره المحرك بتابلوه السياره (تقريبا في نفس الينج) صيفا وشتاء
ارجو مزيدا من التوضيح ولكم جزيل الشكر,

سؤال حضرتك وجيه جدا... ويمكن أنا كمان سألت نفسي نفس السؤال وأن بكتب الموضوع

بس بالنسبة لمؤشر الحرارة .. أكيد حضرتك عارف إنه بيقيس درجة حرارة المية في الموتور، وفيه بعض الناس اللي الثرموستات الميكانيكي متشال من عربيتهم.. العربية ممكن تبرد وهية ماشية على الطرق السريعة (عن تجربة)


بس حضرتك إديتني فرصة إني أزود معلوماتي وأصحح جزء منها كمان لإني دورت في النت


وملخص اللي لقيته إن:

- الزيوت المعدنية متعددة اللزوجة هي بتديك أداء وكأن فيه خليط زيوت... إنما هي في الواقع زيت خفيف وعليه إضافات من البوليمرز بيسموها محسنات مؤشر اللزوجة (Viscosity Index Improvement) وهدفها إن الزيت يحتفظ بلزوجته ويخفش مع ارتفاع درجة الحرارة

- ميزة الزيت الـ15w-50 عن 15w-30 مثلا ... إن الزيت الأثقل (الـ50) حيديك حماية أكبر لأجزاء الموتور وبالتالي الموتور عمره حيبقى أطول... إنما الزيت الأخف (الـ30) حيديك توفير أعلى في البنزين

- الزيت الـ10w-40 على وجه الخصوص يفضل عدم استخدامه لإن نسبة البوليمرز اللي فيه عالية قوي، والبوليمرز ماهياش مواد تزييت.

- للأسف ما لقيتش حد اتكلم عن درجة حرارة التشغيل خالص، وكل الناس بتتكلم على درجة حرارة الجو..


لو قدرت توصل لحاجة ياريت تفيدنا بيها


...