السلام عليكم ، انا هاشترى سيارة فانتازيا ان شاء الله ، بس هى كسر زيرو و كنت عايزة اعرف اذا كان التوكيل ينفع انه يكشف على العربية و يدينا تقرير مفصل عن حالتها ، و اذا كان بيعمل كده فالموضوع يكلفنى كام ؟
عرض للطباعة
السلام عليكم ، انا هاشترى سيارة فانتازيا ان شاء الله ، بس هى كسر زيرو و كنت عايزة اعرف اذا كان التوكيل ينفع انه يكشف على العربية و يدينا تقرير مفصل عن حالتها ، و اذا كان بيعمل كده فالموضوع يكلفنى كام ؟
طبعا بيكشف وتقريبا ب500 بس لازم علشان العربية غالية وتطمنى
ومبروك مقدما
بيكشف عليه طبعا بيكلف 650 جنيه شامله الميكانيكا و الكهربا و الدهان و التكيف
الكشف فقط 605 جنيه (دير الملاك-غمرة)
لا أنصحك بالتوكيل,ذهبت اليهم يوم 23 فبراير 2011, و أخذت منهم تقرير يقول أن السيارة بها بعض الأجزاء راشة و أساسياتها سليمة (مهندسة الاستقبال -ليديا)
فقمت بشراء تلك السيارة, التي علمت بعد شراءها أن السيارة كانت عاملة حادثة جامدة و راشة بالكامل.
ألسيارة كانت a5 موديل 2007, اشتريتها ب125.000ج و بعتها بعد عذاب ب 100.000ج
كتبوا في التقرير انه يوجد تأخير فى عمل التكييف - طلع أن الكباس لابد من تغييره (غيرته في شارع دمشق ب 4 الاف جنه)
الاخ slavic 21
مفيش عربيه بترش بالكامل الا اذا كانت بارومه ف الصاج او العربيه كانت متبهدله اصلا....غير كده و كده انه لو راشش ف مكان محترم يعنى الالوان ثابته مع عمر العربيه و مش هتصدى و الدهان مش معوج فيها (سمكره نضيفه ف مكان محترم ) ف انت مفيش بالنسبالك اى مشكله تانى حاجه ال قالك انها راشه بالكامل ده عرف منين المفروض انها لو راشه بالكامل سماكة الدهان هتكون ف كل المناطق زى بعضها .... و دا اكبر دليل ان كلام الوكيل صح و ان كان محددش هى راشه بعض الاجزاء دى كام % من العربيه .... وبرضه مشكلة التكييف كل ده انت كان ممكن تعمله لو وقفت على دماغهم و خليتو يكتبلك بالتفصيل لان فيهم هناك ناس رخمه و يحسسك انه بيعمل فيك جميله مش انك راكب عربيه محترمه و رايح مكان محترم بفلوسك ..... بصراحه لازم تكون واقف جنب عربيتك و هم بيظببطوها و دى تيجى بكلمه حلوه بتاع عسان المهندس يرضى يدخلك لانه ممنوع .... لكن ككشف التزكيل او نور الدين شريف ال على اسكندريه الصحراوى الناس دى محترمه قوى قوى قوى و هم وكلاء ارتوك اوتو اساسا ف مجال الصيانه ...... و ربنا يعوض عليك خير فيها
برده انا شايف انه كده كده 125000 مع العيوب ال التوكيل قالك عليها ف موديل العربيه كتير قوى ..... و اعتقد سعرها الحقيقى 100 لان انا كان عندى واحد صاحبى معاه 2007 كانت فيها نفس العيوب بس التكيف شغال بس عايزه تيل فرامل و تغيير زيت و كانت عامله 90000 كيلو ..... ع العموم لو عاوز انا قدامى واحده نضيفه مشتغلتش كتير موديل 2007 و صيانتها كانت ف نور الدين شريف بانتظام ف تغير الزيوت و الفلاتر و كل شئ خليجى بمواصفات اعلى فئه ف مصر من غير فتحة سقف مش فاكر بالظبط عامله كام كيلو لكن من 10 م 20 الف كيلو (و دى حاجه ممتازه يعنى عمرك متشك ان العربيه يكون فيها فتيس او اى حاجه) راشه ف الشنطه حته ... مطلوب فيها 120000 و السعر قابل للتفاوض مع صاحبها ... لو حضرتك تحب تشوفها ممكن تبعتلى رساله عالخاص و انا اديك رقمى..... العربيه بتاعة استاذ ف كلية الطب يعنى مش متهانه
أشكرك يا أخ Tomaz
أنا اشتريت فانتازيا زيرو أول فئة وكيل و مبسوط بيها, الحاجة الوحيدة اللي مش عاجبني فيها بالنسبة للاوكتافيا A5 ان ليس بها نظام ESP (للحفاظ علي اتزان السيارة في السرعات العالية) , بها نظام ASR الذي ليس له قيمة في مصر (نظام ASR مفيد في الدول التي بها جليد, حيث انه يمنع انزلاق السيارة عندما تتحرك بالسيارة في الشتاء اثناء الجليد).
سلام عليكم
مش شرط ان العربيه الى عامله حادثه ترش جزء الحادثه فقط ..
مثلا انا كان معايا a5 عملت حادثه جابت كبوت و رفرفين و بابين ادام بالى وراهم مكنش فى حاجه سليمه غير المكنه (باعجوبه\) و الجنب الشمال كله كان ضايع ..والسقف كانت الخبطه مسمعه فيه و طبعا الشاسيه رحل يمين حوالى 40 سم
لما صلحتها رشيتها كلها ..وسمك الدهان مش واحد فى كل اجزاء العربيه ..لان فى حاجات اتسمكرت ..فخدت معجون كتير ..فى حاجات اتغيرت فخدت معجون قليل و مثلا الباب الى ورا يمين و الشنطه اترشو فقط عشان لونهم يبقى ماشى مع العربيه ...
طبعا حادثه عن حادثه تفرق انا بس بوضح ان مش شرط الى راشه بالكامل تبقى نضافه مثلا او برومه
احلى حاجة ان العربية الواحد يشتريها فاضية لان كل مازادت التكنولوجيا فيها كل مازادت عيوبها وفعلا عيب التكيييف ده لاحظته عند ناس كتير