انا كنت عايز اعرف مين احسن بالنسبة للثبات .. لانسر 99 ولا بيكانتو ؟
وانا معايا لانسر 99 بفكر ابيعها واشترى بيكانتو زيرو .. رأيكوا البيكانتو هتبقى احسن ولا اللانسر99 ؟
عرض للطباعة
انا كنت عايز اعرف مين احسن بالنسبة للثبات .. لانسر 99 ولا بيكانتو ؟
وانا معايا لانسر 99 بفكر ابيعها واشترى بيكانتو زيرو .. رأيكوا البيكانتو هتبقى احسن ولا اللانسر99 ؟
لانسر 99....
مساحة, ثبات, جودة, أداء (أنا بستمتع بقيادتها)....
بس بردوا بحب البيكانتو لكن دى فئة و دى فئة.
دى بصراحه أغرب مقارنة شفتها فى حياتى
ايه علاقة اللانسر بالبكانتو
دى عربية عائلية سيدان صغيرة
ودى عربية مينى هاتش باك
اما لو حضرتك بتتكلم عن موضوع الثبات فانا اعتقد ان ثبات الانسر أعلى بحكم حجمها
وشخصيا منصحكش بتغير الانسر بالبيكانتو خالص
هتحس بفرق رهيب بين الاتنين
مش علشان البيكانتو وحشة
لأ علشان دى فئة ودى فئة تانية خالص
أحمد مش زي الحاج أحمد
إنت جاي تعزي ولا جاي تهزر :)اقتباس:
دى بصراحه أغرب مقارنة شفتها فى حياتى
طبعا لو اللانسر جايبها زيرو وعارف كل مسمار فيها ومش تعاباك يبقي ايه مشكلتها
عربية ياباني وكبيرة وثابتة عالطريق وسحبها كويس
البيكانتو كوري وصغيرة اوي تنفع بنت او شاب يركبها لوحده او تكون معاه عربية تانية كبيرة خصوصا مع ارتفاع اسعار البنزين
انا بقكر قدام شوية اجيب بيكانتو او ماروتي او اي حاجة صغيرة كدة اركبها واسيب الياريس واللانسر للمشاوير المهمة فقط
أوعي تبيع الانسر عشان تركب بيكانتو....فيه فرق في الثبات و الموتور و الوسع وو الشنطة طبعا....
لو مديقاك اللانسر بيعها و هات حاجة في نفس حاجمها...ممكن نيسان صني 2002 أو لانوس 2006
لكن لو انت غاوي العربيات الصغيرة و معندكش مانع في عربية من غير سنطة يبقي اشطة...هاتنبصت بالبيكانتو
رأى خليك فى اللانسر أحسن من البيكانتو
يا راجل .... دي مقارنة غريبة جدا
اللانسر اللي معاك 1300 سي سي و عربية ثباتها أحسن من البيكانتو و مساحتها أكبر و تأخد ناس أكتر و هي مرتاحة
و فرق قوة الموتور برضة لصالح اللانسر و لو حضرتك بتفكر في موضوع توفير بنزين
طيب ما هي اللانسر بتوفر في البنزين برضة
إنما لو اللانسر تاعباك .... و فيها مشاكل
يبقى تبيع في الحالة دي و تجيب بيكانتو
و الكلام اللي أنا قلته لا يُقلل من البيكانتو بأي حال من الأحوال و لكن هناك فرق في الفئة و الحجم لصالح اللانسر
و شكرا
الف شكر يا رجالة
وانا كدة بقى هخلينى مع اللانسر
انا كنت عايز البيكانتو عشان بحب العربيات الهاتش الصغيرة ... بس انتوا نبهتونى لحوار مهم اوى وهو تغيير الفئة ... اكيد هحس بفرق لما اغير من لانسر لبيكانتو