نوبيرا ولا ليجانزا

**scorpion_15108** · 10-09-2011 03:30 AM

استفسار بسيط ادامى نوبيرا 2001 و ليجانزا 2001 بنفس السعر والاتنين مانويل
انهى مميزاته اكتر ولا ايه عيوب اليجانزا

**ramyhekal** · 10-09-2011 03:46 AM

الصراحه الاتنين ميتركبوش إلا موديل عالى وبس
والارجح نوبيرا من وجهة نظرى

**elpasha1** · 10-09-2011 03:48 AM

اللجانزا ويطلق عليها bmw الدايو
بمعنى تابلو طيارة- كراسى جلد - كراسى كهرباء- كل حاجة فيها بالكهرباء ثبات
يعيبها صعوبة اعادة البيع - قطع الغيار غالية شوية- استهلاك بنزين عالى نسبيا

النوبيرا
يعبها العفشة غير كدة عربية ممتازة

ومن وجهه نظرى اركب نوبيرا افضل

**mailo** · 10-09-2011 03:54 AM

لجانزا أحسن طبعا
بس صعب تلاقي حالتها نضيفة
صعب تلاقي حد مقدرها
قطع غيارها يقال مش متوفرة قوي

بس هي أحسن بكتير في كل حاجة

**محمد الشامي** · 10-09-2011 04:15 AM

الليجانزا عربيه بمعنى الكلمه بجد , ومن رأيي العربيه دي فخر صناعه شركة دايو
لكن المشكله انها 2000 سي سي وقطع غيارها مش منتشره زي النوبيرا سواء قطع غيار جديده او استيراد
وكمان صيانتها بتكون اصعب حبتين من النوبيرا , وبصراحه ده يعتبر عيب بلدنا اكتر من انه يكون عيب العربيه نفسها

لكن بالنسبه للنوبيرا عربيه حلوه وفخمه وفايقه على الطريق وتعتبر اقتصاديه كمان وقطع غيارها متوفره وصيانتها سهله وموتور 1600 سي سي مناسب جدا لحجمها و وزنها

لو انا مكانك وبفكر بشكل اقتصادي وعملي هختار النوبيرا , ولو بفكر في الرفاهيه والاستايل هختار الليجانزا

بالتوفيق ومبروك مقدماً ان شاء الله

**eldmrane** · 10-09-2011 05:03 AM

انا انصح حضرتك بليجانزا في حالة واحدة لو حالتها تمام تمام يمكن غير كدة لا الليجانزا لو سليمة فعلا وحالة كويسة مش هتحس انك راكب كوري هتحس انك راكب مرسيدس زلموكة بجد وقطع غيارها بردو مش غالية للدرجة كانت مع واحد صحبي مش كان زعلا ن اوي البنزين استهلكها عالي بس عربية ماشاء الله

**M.Alaa92** · 10-09-2011 10:18 AM

و الله القلب يقول الليجانزا احسن من النوبيرا كعفشة و اقوى شكل كمان ( اذاوق) لكن قطع الغيار و اسعارها و انك تلاقى حالة نضيفة منها يخلى العقل يقول النوبيرا لانها منتشرة و قطع الغيار عند البقال و حتبيعها اسرع من الليجانزا