هل انت من هواة النور العالي

**Chicco** · 13-05-2008 08:23 PM

المشاركة الأصلية كتبت بواسطة عزيز محمد

أنا واحد من القلة القليلة المندسة اللى بتنور النور الواطى من قبل المغرب لو ما عملتش كده حتى لو الشارع منور بحس إنى مش شايف كويس،

ورغم إنى ضابط النور الواطى على أقل مستوى ليه عشان ما يضايقش اللى فى الاتجاه المعاكس إلا إنهم دايما يدونى فلاشات عشان أطفيه وأمشى زيهم على نور التابلوة ولما ما يلاقوش استجابة يقوموا ضاربين العالى، بس أنا وجهة نظرى إنى أكون شايف طريقى واللى امامى منزعج أحسن من إنى أمشى على هواه وأنا مش شايف

سعادتك صح :)
في الدول اللي بتاكل طحينة مع الكباب لازم العربية تبقى ماشية منورة الكشافات الأمامية حتى بالنهار و لو مش فاتح النور تبقى مخالفة بعد المغرب لازم النور "الواطي" يبقى مفتوح
النور مش بس عشان السائق يشوف لكن كمان عشان يتشاف
حكاية الزينون ديه إفتكاسة مصرية زاي اللي حاطت كشاف على الأكصدام الوراني.... أذية و خلاص

**knightmido** · 13-05-2008 08:29 PM

اعتقد ان عندنا مش محتاجين فى بلدنا مع الإضاءة فى كل شوارع القاهرة اكتر من النور الواطى .. عفوا الدرجة التانية اقصد ... وده لكافة الأغراض خاصة ان العالى بالليل اذا الشارع مكنش مظلم تماما ومحتاج لها ده بيضايق المقابل وبيعوق مستوى الرؤية عنده

**sherif_84** · 13-05-2008 11:20 PM

أنا بشغل النور الصغير مع الشبورة لو الطريق منور وزحمة
لو الطريق فاضى بامشى عالنور الواطى
انما النور العالى لما اكون ماشى فى طريق ضلمة او مسافر انما جوه البلد مابستعملوش الا للتنيبه بس

**ASD peugeot** · 13-05-2008 11:33 PM

تقريبا كل الطرق عندنا مفيش اناره ظلام حالك فبيكون ضروري استعماله

**nasr-eldeen** · 13-05-2008 11:58 PM

لا أستطيع القيادة بدون الإضاءة في شتى الظروف
لا أستخدم الإضاءة العالية إلا عند الحاجة

**Karim_Monir** · 14-05-2008 01:00 AM

معلش عشان الناس اللي بتقول على اللي مركبين زينون اذية وخلاص وبتعمي الناس
مع ان في ناس مركبة لمبات 200 على 260 عاللي والبؤرةو مش مظبوطة تعمي اي شخص فعلا
دي صورة لسه مصورها من نص ساعة تقريبا لحادثة
لو خدت بالكم ان الواطي بتاع الزينون بتاعى اخرة عن ركبة البني ادام اللي واقف ده
يعني اقل من مستوي السواق اللي قاعد جوة العربية
يعني عمر بؤرة النور بتاعي ماهاتضرب في عينة ابدا الا لو قرب مني اكتر من 5 متر
وبيتهيالي لو ماشيين على سرعة 20 كم في الساعة عمر ما هاتلحق البؤرة تطول عينة ابدا
ونفس الحال للي ماشي قدامي طول عربيتة من المارية الداخلية لشنطتة 3 متر وكمان مترين بيني وبينة يبقي عمري ماضايق حد ابدا
عشان بس ما يبقاش كلام على العايم وخلاص حبيتة يكون بالصور
ملحوظة:انا واقف بجنب عشان كدة العربية طول النور مش مظبوط في الناحيتين

**Ahmed Samy** · 14-05-2008 01:07 AM

المشاركة الأصلية كتبت بواسطة ramyayash

اسمحلي اقولك
ده زينون صيني
ههههههه

هوا لازم نعليه و نكشف الدنيا و نعمي خلق الله علشان يبقى الماني :)

**nasr-eldeen** · 14-05-2008 01:20 AM

الناس مش بدور على زينون أو غيره والله فيه ناس لو مولع شمعة وماشي بيها هترعشك علشان تطفيها.
أنا والله غالباً بكون منور نور الشبورة اللي في اللانسر أو اي سيارة ولما بتقابلني سيارة أخرى بطفيه بس الدنيا تخرب لو نسيت هاتك يا نور وتقليب وغيرة وفي الاخر حرام عليك عمتنا .
علماً بأن النور مداه كان في البترا حسب الكتالوج :
الشبورة / 15متر .
المنخفض / 30متر .
العالي /اعتقد 300متر .
وأكون منور الشبورة فقط وبيني وبين السيارة الاخرى 500متر ويديني في نور لغاية ما اركن السيارة واطفي الموتور وانزل استنى لغاية مايعدي، دي طبيعة في الناس .
سؤال لأصحاب 128 هيه السيارة مفيهاش غير النور العالي ؟؟
كل السيارات ال 128 اللي بقابلها دايماً ( متعودا ديماً ) نورها عالي .

**Chicco** · 14-05-2008 02:49 AM

المشاركة الأصلية كتبت بواسطة karim_monir

معلش عشان الناس اللي بتقول على اللي مركبين زينون اذية وخلاص وبتعمي الناس
مع ان في ناس مركبة لمبات 200 على 260 عاللي والبؤرةو مش مظبوطة تعمي اي شخص فعلا
دي صورة لسه مصورها من نص ساعة تقريبا لحادثة
لو خدت بالكم ان الواطي بتاع الزينون بتاعى اخرة عن ركبة البني ادام اللي واقف ده
يعني اقل من مستوي السواق اللي قاعد جوة العربية
يعني عمر بؤرة النور بتاعي ماهاتضرب في عينة ابدا الا لو قرب مني اكتر من 5 متر
وبيتهيالي لو ماشيين على سرعة 20 كم في الساعة عمر ما هاتلحق البؤرة تطول عينة ابدا
ونفس الحال للي ماشي قدامي طول عربيتة من المارية الداخلية لشنطتة 3 متر وكمان مترين بيني وبينة يبقي عمري ماضايق حد ابدا
عشان بس ما يبقاش كلام على العايم وخلاص حبيتة يكون بالصور
ملحوظة:انا واقف بجنب عشان كدة العربية طول النور مش مظبوط في الناحيتين

يا ريت يا كريم باشا كل الناس اللي بتركب زينون تعمل زيك..بجد أنت بني أدم محترم ..لكن أغلب اللي مركب زينون قصده الأستعراض و الأذية
و كله كوم و اللي بيركب كشاف زيبق على ألاكصدام الوراني مع الفرامل

مشاهدة نتائج الإستطلاع: هل انت من هواتة الاضائة المبهرة

الموضوع: هل انت من هواة النور العالي

LinkBack

أدوات الموضوع

عرض

-

-

-

-

-

-

المواضيع المتشابهه

النور العالي

هل النور الواطي ينور مع النور العالي؟

النور العالي مكان الواطي والواطي مكان العالي

مشكلة في النور العالي

النور العالي مش شغال

الكلمات الدلالية لهذا الموضوع

المفضلات

المفضلات

ضوابط المشاركة