هل تحب اضائة النور العالي ( المبهر ) الخاص بسيارتك باستمرار وبدون داعي
عرض للطباعة
هل تحب اضائة النور العالي ( المبهر ) الخاص بسيارتك باستمرار وبدون داعي
بصراحه في السفر باليل بس...فوبيا بقي بس انا ضد اني اركب زينون عشان انا واحد قربت اتعمي من الاختراع الفاشل ده الي بيبهدل الناس الي قاعده في عربياتها في امانه الله...و سمعت انهم بيسحبوا عليه الرخصه دلوقت و كمان بيعملوله اكمنه مخصوص
http://www.postimage.org/aV2n_hP0.jpg
انا بشغل النور الواطى اول ما اللشمس تغرب
النور العالى على الطرق المظلمة تماما و لما يبقى مجال الرؤيه محدود بالنور الواطى
الزينون اختراع ناجح جدا جدا بس المشكلة فى الناس اللى بتركبه على فوانيس بدون عدسات... الاختراع برىء من تاليف اصحاب العربيات
MMamdouh
النور الواطي باستخدمة في الطرق المظلمة فقط و العالي في الطرق السريعة المظلمة
أما الزينون بالطريقة اللي موجودة في الشوارع دي
حسبي الله و نعم الوكيل
انا مش بستخدم الا نور الشبوره تقريبا بس حتى لو مسافر
النور العالى بنوره لما بيكون طريق سريع وظلمة جدا وبطفيه لما بيكون فى حد امامى او على الطريق المقابل ومش بستمر عليه كتير
يعنى غالبا مش بنور نور خالص الا نور التابلوه والشبوره وعيش يا باشا
بس انا بستعمل الفلاشر كتير عشان 70% من الراكبين عربيات فى مصر مش فاهمين يعنى ايه سواقه اصلا
فيه نقطة مهمة و هى ان نور العربية بيساعد السائقين الاخرين انهم يشوفوك فا مش شرط ان الشارع يبقى ضلمة عشان تنور النور
MMamdouh
انا بحب النور الدرجة الثانية في الواطي لان نظري في الضياع و لو شغلت النور العالي رغم اني عامل كتاوت و بتاع و النور حلو بس انا عيني متجيبش البعيد حتي مع النور بس او زينون اوعد اني همشي بالعالي...:)
مش قصدى على النور الصغير... انا قصدى على النور الواطى
النور الواطى بيمتد قدامك مسافة 5 امتار مثلا و بالتالى لو عربية وراك فى المنطقة العمياء و انت مش شايفها فى مراية الجنب حتعرف انها موجودة من نورها اللى ضارب جنبك على الطريق... لو منور النور الصغير محدش حيشوفك لو انت فى المنطقه العمياء
و نفس القصة بتحصل لما تخش تقاطع...لو منور النور بيبقى باين للى داخل التقاطع معاك و بيعرف ان فيه عربية جاية و من اى اتجاه... على عكس الفهلوية اللى بيضربوا كلاكس قبل التقاطع و هما مش على قدر الذكاء الكافى انهم يفهموا ان الكلاكس مش حيحدد اتجاهم ولا يحدد موقعهم و بالتالى لا يعتبر وسيلة تحذير فى التقاطعات... دا غير ان الكل بيضرب كلاكس و بالتالى فقد قيمتة كاله تنبية
MMamdouh