في البداية أنا معرفش إذا كان موضوع مكرر و لا لأ ..
أنا حبيت بس أعمل الموضوع دة علشان أعرف أرائكم في وضوح إعلانات السيارات في الجرائد و المجلات بالنسبة للمعارض و الشركات المتخصصة في بيع السيارات ..
هل هي غير واضحة بالمرة .. هل فيها المعلومات التي تحتاج إلى معرفتها فقط .. هل بها جميع المعلومات و بوضوح شديد .. ؟!
:confused::confused:
اكبر نصب في العالم
و ساعات كمان الصور ملهاش دعوة بالعربيات المباعة.
نصب في نصب في نصب في نصب في نصب في نصب
تروح المعرض تسأل عن اللي قرأته يقولك دي الفاضية دي من غير كذا وكذا وكذا
أو يقولك ده سعر الحجز لو عايز استلام فوري هتزيد كذا
من هذا الكثير و الكثير
دى مش اعلان ده هبل ...
يعنى ايه اعلان منشور ومدفوع فيه الشئ الفلانى وتخش تسأل تلاقى المسئول بيقولك
معديش خلفية بالاعلان - دة كلام جرايد - دة سعر حجز - اصل الموضوع مش كدة
اصلك فهمت غلط - الاعلان فيه غلطه ... الخ
كل دة معناه ان أنا فى شركة نصابة وهمهم انه يدخل زبون وعلى رجل المبيعات انه يخلص عليه ما دام دخل ... برجليه ...
المشكلة أن الإعلان سيبك لايص هايص متعرفش المقدم اللي هما بيقولوا عليه دة مع قسط كام .. كله كلام مبهم ..
و أنا فاكر كان فيه فترة من الفترات كانت المصرية للسيارات كانت بتعمل إعلان بتقول إدفع كذا و إستلم و مكتوب جنب كل عربيةى المبلغ اللي تدفعه علشان تستلم يقوم البيه اللي عايز يشتري يفتكر إن دة سعر الكاش بس كانوا بيكتبوا في آخر الإعلان بخط صغير جداَ جداَ و الباقي على 12 شهر ..
و بمناسبة المصرية مرة كان واحد صاحبي راح يسأل على عربية اللي هي في الحدود من ال 115 ل 150 اللي الحاجات الميجان و الفوكاس و الحاجات دي بس مش فاكر بالضبط أي واحدة .. المهم هة رايح على أساس إن في الإعلان السعر للمانيوال 117 اللي هي أول فئة .. راح يسأل عليها قالوا له لأ مش عندنا إحنا اللي عندنا أم 130 ..
المصرية مش بتبيع كاش بتبيع قسط والعربيات اللي موجودة هناك كلها بتاعت سيتي بنك
بس الميزة عندهم انك لو طلبت عربية وعملت اجرائتها هتستلمها على طول
المصرية اسعاره اغلى من التوكيل لو كاش
بس كان عندهمعربية فيات لينيا مش راضيين يبيعوها الا كاش
ليه مش عارف
انا سألت اكتر من مرة عندهم على العربيات الكاش قالولي مش بنبيع كاش
كله قسط وعن طريق سيتي بنك
اقتباس:
المشاركة الأصلية كتبت بواسطة Powert
حاليا بيبيعوا كاش, عربيات معينة
لكن طبعا بسعر اعلى من السوق
غير انهم بيتعاملوا حاليا مع بنوك تانية, لكن الاكثرية مع سيتى بنك
للأسف هي ثقافة شعب
لأن النصب في اعلانات الجديد و المستعمل
اقتباس:
المشاركة الأصلية كتبت بواسطة معاذ الشرباصى
شكراً على المعلومة
مش حازود عن اللى قولتوه
نصب نصب نصب
حتي اعلانات التوكيلات عن سياراتهم
تفتقد المعلومات و التناسق و احيانا بتكون في وادي و العربيه في وادي اخر
يا راجل انا شوفت اعلان عن بيع سيارات بالتقسيط وبدون مقدم وبدون حظر وبدون وبدون اتصلت بيهم
وقالى دى مش كدة وبس كمان موبايل هدية على العربية قولت اية الحلاوة دى الكلام دى 29/3/2008 واقسم بالله العظيم لحد انهارده انا ما استلمت العربية !!!!!!!!!!!!!!!!!!!!
معلش نسيت اضيف الجريده الوهمية اللى اسمها الوسيط الواحد يعمل فيها اعلان عن شقة ويكتب مثلا انها فى سموحة واتصل بية واروح اشوغها تطلع مرة عزبة سعد ومره يقول امام جرين بلازا وتلاقيها فى الحوارى بتاعت شارع النصر يعنى من الاخر ضرب على الافه .
طبعا كله كلام اونطه في أونطه وعلشان تبقى عارف العربيات اللي مبتعملش اعلانات في الجرايد و أخبار السيارات هي دي العربيات الكويسه ومش محتاجه تعمل شغل الأونطه ده لكن أي عربيه تلاقيها عامله اعلان اعرف انها مضروبه و سوقها واقف :eek: و بتسجد الزبون بكام اعلان مضروب
ليه ؟؟؟؟؟؟؟
دا في ناس عربياتها بتبقى تحفة
و مالهومش في التجار و اللف و كده
ف بيلجأوا للوسيط
انا شوفت حاجات جامدة ومابتقعدش
انا قاريت عن اعلان عربيه جيتا ب 1300 جنيه في الشهر و على 7 سنين
قلت مقدم بسيط و قسط بسيط توكل على الله و ادوس و ابقى راكب عربيه جديده
الحج قراء الاعلان قال اشطه توكل على الله رحت قالي لا معدش فيه سبع سنين بقوا خمسه
يا عم الحج ده انا لسه قارييه في الجرنان
يقولي ده كلام و الحقيقه حاجه تانيه بس انا نويت خلاص و مش هرجع في كلامي
طب يا سيدي احسب قالي اكتر حاجه 5 سنين ب فايده 7 في الميه يبقى قسط حوالي 2300 جنيه و مقدم حوالي 90 الف جنيه
قلتله سلام عليكم و مشيبت و خلاص مستني فلوس علشان اغيرها كاش
يا راجل .. طيب ال GEN 2 حلوة و زي الفل و التوكيل بيعملها إعلانات ..اقتباس:
المشاركة الأصلية كتبت بواسطة Hondawy_2008
بس أنا معاك بس مش في كل العربيات ..
:):)
ببساطة شديده ما تخدش معلوماتك من الأعلانات و ما تصدقش كل اللي بتقراه .....مش بس في مصر :)
بصراحة اغلبيتها اعلانات مضللة و هدفها بس جر رجل الزبون
fake&freak
bemo,ire