الحمد لله اشتريت فيرنا 2011 .. ومحتاج النصيحة
بقالى فترة بدور على عربية .. والحمد لله اشتريت فيرنا 2011 عاملة 23000 الف كم
محتاج النصيحة من الفرناوية الجدعان اعمل ايه للعربية
1- بالنسبة للزيت صاحبها الاولانى قالى هو مغيره عند 20 الف ومحتاج يتغير عند30 الف
( زيت شل ) .. السؤال اغيره دلوقت ولا استنى ل 30 الف
2- اعمل ايه تانى بالنسبة للفلاتر والسيور والبوجيهات
3- الميه بتاعت الردياتير امتى بتتزود ؟ وهل ميه عاديه ولا مقطره ولا خضره ؟
4- عايز اعمل فرش للعربية عشان صاحبها الاولانى مكانش عامل ليها فرش
5- اروح اعمل صيانة فى التوكيل ولا ايه عشان هو ماكنش بيعمل صيانة فى التوكيل ؟
6- لو فى مراكز خدمة بره التوكيل محترمة اروح لمين علما باننى من سكان الهرم ؟
7 - عايز اعمل للعربية انذار ووحدات رفع اعملها فين ؟
برجاء الافادة من احلى رجالة ومعلش على الاطالة عشان وجزاك الله كل خير