عرض للطباعة
واحد حكلى جمب العربية بعربية كارو
ادى الصور و عاوز رايكو ايه العمل
و التكلفة هتكون تقريبا قد ايه؟؟
http://i1095.photobucket.com/albums/...0110910132.jpg
اقرب شوية
http://i1095.photobucket.com/albums/...0110910133.jpg
http://i1095.photobucket.com/albums/...0110910134.jpg
اوكرة الباب الخلفى
http://i1095.photobucket.com/albums/...0110910135.jpg
اصعب حتة
http://i1095.photobucket.com/albums/...0110910136.jpg
ها
تقريبا التكلفة ف حدود كام
و ايه نصايحكو ف الموضوع ده
و شكرا للردود مقدما
اه نسيت اقول
زجاج الباب الامامى بيترج ( بيعمل صوت اهتزاز ) لما يترد الباب بس لما يكون الزجاج مفتوح عالاخر
انما لو الزجاج مغلق مبيترجش ( مبيعملش صوت )
المشكله إن الحكه محيره جدا
لأنها حصلت الباب الخلفي بحكه بسيطه جدا
حلها إنها تتعمل هي فقط مش الباب بالكامل يعني تترد و تتسمكر و بعدين تدهن الجزء ده أهم حاجه الصنايعي يبقي بيسمع الكلام و يعمل علي قدر الجزء المحكوك و ميوسعش
و مش هاتتكلف أكثر من 250_300 جنيه
قدر الله و ما شاء فعل
جيب كريم اسمه كومبوند هيلم الدنيا بس مش قوي لكن هيخلي شكل العربيه عدل ومش هتحتاج ترش دا لو الخدش مش غويط اوي
جرب
منفعش يبقي سمكر
(الصورة مش مبينة إذا كان الصاج متطبق ولا لأ, لكن لو متطبق هتحتاج تفك الفرش بتاع الباب وحسب بأه لو الخدش ده جاي ف العضم بتاع الباب نفسه يبقي ساعتها ممكن تحتاج نار)
أما لو السوكة بتاعة الباب سليمة وعدلة, دي بأه بتحتاج صنفرة ناعمة أوي ويفضل ينعم فيها وبعدين معجون علي قد الخدش وبعدين ترش, ده بالنسبة للباب الأمامي. وللخلفي جرب الكمبوند ده فعلا هيجيب معاك نتيجة إن شاء الله أكيد
والتكلفة متزيدش عن 200 - 250 جنيه بأمر الله
متشكر للردود
هو الباب الامامى فى تطبيقة لجوة بسيطة جدا
انما الخلفى مفهوش
هو ينفع انا اروح للصنايعى و اساله الاول و لو معجبنيش كلامه اروح لغيره
ولا الصنايعى بيشتغل و يفك و بعدها يقرر هيعملها ازاى؟؟
لأ الصنايعي بيعرف هو هايعمل أيه بمجرد النظر
و اللي هايعمله أي صنايعي في الدنيا إنه هايفك و يرد المكان المخبوط و هاتروح تمعجن و ترش
متقلقش
إن شاء الله بسيطه
لكن لما تيجي ترش هات بوهيه نضيفه و خلي العربيه في الكبينه أكبر فتره ممكنه و يا ريت يبقي بالليل علشان تطلع نضيفه
اقتباس:
المشاركة الأصلية كتبت بواسطة HOSSAM99
:M_yes[1]: :M_yes[1]: :M_yes[1]:
عربيتك 2011 خسارة رش جرب الكومبوند وهيلم الدنيا والسبرتو كمان انا الاكصدام عندي اتبهدل ولحقه بال2
حمد لله علي السلامه
سيبها شويه
انا فعلا بفكر اسيبها شوية لانى مش فاضى لمشاوير دلوقتى
ايه الاضرار ؟؟
البارومة و الكلام ده ممكن يحصل؟؟
خصوصا مع غسيل العربية او الشتا
و لو فى حاجة بسيطة ممكن تتعمل ببساطة كدة تغطى اللون لحد ما ربنا يسهل؟؟
بالنسبة للكومباوند
اجيبه منين و بكام و هل فى انواع ؟؟
و طريقة استخدامه بالظبط ايه؟؟ بالتفصيل يا ريت
يا باشا بارومة إيه؟ الخدش ده لا يمكن أن يسبب أي نوع من الصدأ أو البارومة وانا كان عندي زيه ف عربيتي القديمة وقعد معايا فترة كبيرة وكنت باغسل العربية مرتين ف الشهر تقريبا.
البارومة والصدا ممكن لما تكون في مساحة كبيرة من الصاج مكشوفة أو بدون عزل أو دهان.
موضوع الكمبوند هو فعلا في منه أنواع, وهتلاقيه في أي بنزينة محترمة من اللي فيهم قسم لل Car Care جوه المحطة زي Mobil. بس انا مش خبير فيه ,ممكن تستني رد تاني من أحد الأعضاء.
انهاردة طرأت مشكلة جديدة
الخبطة حاصلة من يومين تلاتة بس المشكلة مظهرتش غير انهاردة الضهر
قفلت السنتر لوك و خلصت مشاويرى و رجعت لعربيتى فتحت السنتر لوك دخلت العربية و هطلع و كله تمام
و فجأة اكتشف ان اللى راكب جمبى بيقولى افتحلى السنتر!!
نعم؟!!
منا فاتحه اهو يا عم
قفلته من عندى و فتحته تانى
لسة برضه الاوكرة مش راضية تفتح
استنى يا عم بقى
نزلنا و ركزنا و شوفنا ايه اللى بيحصل..........
السنتر بيقفل تمام و المسوجر بينزل
لما نفتح بقى ، كل المسوجرات ترفع كويس ماعدا الباب المخبوط يرفع نص رفعة بس
و المقبض ميفتحش
و لو شديته انا بإيدى لفوق يطلع سنة
بس لو ماتفتح المقبض يروح ينزل نص السكة تانى و المقبض ما يفتحش
وبالتالى المقبض مش راضى يفتح خالص
الراجل اضطر يركب ورا
دلوقتى ايه العمل
بالمنظر ده انا كدة لازم اصلحه و مش هينفع استنى عالعربية كتير
ف ايه النصايح؟؟؟
اروح للتوكيل ف حوار السنتر ده ولا لأ؟؟
و لو هروح برة مين يعملهولى ؟؟!! كهربائى ولا سروجى ولا ايه؟؟
وبما ان الباب هيتفك هل تنصحو انى اصلح الخبطة بالمرة ولا مش لازم؟؟
ادونى اى نصيحة تيجى على بالككو
وقولولى ابتدى منين؟؟
الكهربائى ولا العفشجى ولا السمكرى ولا الدهان ولا التوكيل؟؟؟
بالمناسبة اول صيانة ليا الاسبوع الجاى
شكرا
كل الي هتعمله هو اصلاح الباب كــصاج بس مش أكتر ومشكلة الزجاج والسنتر هتتحل تباعا لإن الي حصل ان الحكة ضغطت على وحدة السنترلوك الي فالباب مش أكتر
روح لسمكري محترم يستعدل الباب وروح لبوهيجي نظيف وماتسترخصش فالبوية هات بوية نظيفة وقوله خد وقتك فالصنفرة ورجعهالي فابريكة هتتظبط انشاء الله ومافيش اي مشاكل اخرى ان شاء الله والتكلفة على حسب الصنايعي ومكانه بس الرينج من 250--350 والله أعلم
ها محدش رد عليا؟؟
اصلح الاول و بعدها اروح اعمل صيانة ال 5الاف؟؟
ولا اعمل صيانة ال5 الاف الاول و بعدها اظبط الخبطة؟؟
ردو عليا انا مش عجبانى العربية وانا شغال بيها زى السواق
كل اللى بيركب بيركب ورا وانا لوحدى قدام زى الشوفيير
لا اضبط الباب لاو وبعدين اعمل الصيانه
سمكره - تضبيط باب - صيانه
وشكرا
يا جماعه انا سقف العربيه عندي اطبق برضه
العيال طلعوا ع الكبوت وطبعا في مكان رجليهم خرابيش بس في البوهيه بس والسقف اطبق وعدلته من جوه
بس لسه في اثار تمويجات في السقف قولولي اعمل فيها ايه والخرابيش بتاع مكان جزمهم دي هتروح بالكامباوند ولا ايه
نصيحه الي عنده خدوش خفيفه مش يغسل العربيه بعد جده بكمبوند علشان لو اتغسلت كتير اللون مش هيرجع بالكومبوند
طبعاً ينفع ونص وتلتربع مش بمزاجه لازم يقولك هيعمل ايه قبل اى حاجه والتكلفه كاماقتباس:
المشاركة الأصلية كتبت بواسطة dr_ahmedrady
ورأيي انها تتعمل سمكره على البارد وتترم بويه ب قطنه مبرومه زى سن الدبوس باللون بالرقم على الكمبيوتر 100 جرام 150جرام بالكتير من غير معجون ومش هتتكلف 100 ج بالكتير اوى ومش لازم ترش حرااااااام ومش لازم 100 100 كفايه 80% وربنا يعوض عليك ومتزعلش الحمد لله على اد كده
يا اخواني انا روحت للكهرباءي امبارح
فك الباب و بص لقي السيخ بتاع المسوجر مترحل عن مكانه حبه
ظبطهولي و رجع الباب تمام يفتح و يقفل كويس
الراجل قالي انا معملتش حاجه و مرضاش ياخد مني فلوس خالص
انهاردة بقى روحت للسمكرى
شاف الدنيا ايه و قالى ياباشا دى لازم تدخل الفرن و تتسمكر و بعدها تترش
ليه يا عم?
قالى لان الحتة دى وراها كمرة و مش هنعرف نشتغل فيها عالبارد لو تحت شويه كنا خلصناها ف ساعتها
طب والشخطة اللىف الباب لللى ورا؟
لا دى بسيطة و نازلة تخت هعملهالك غالبارد ا ش ا
طب كام يا عم الحج؟
قالى حسب الشغل مقدرش اقولك
قولتله مبدايا؟
قالى
٢٥٠
ظب و الدهان قالى هوديهالك لواحد صاحبى و هيظبطك كويس
قولتلع بكام قالى اقل من كدة بشوية
فانا مش عارف
اخد الخطوة بتاعة الرش دى ولا بلاش
هل اسيبها كدة مدام الباب شغال كويس
ولا لا اصلحها و ارش وامرى لله
و ايه رايكو ف السعر
شكرا مقدما
اسمه ايه الكومبوند ده وبيتباع فيناقتباس:
المشاركة الأصلية كتبت بواسطة hpxp
نصيحة أخوية لوجه الله تعالى
حضرتك حاول تتأقلم مع شكل العربية على الوضع الحالي (عارف و متأكد إنه نفسيا صعب) ، لكن رجاء خاص حاول .
لو مفيش فايدة ..... المفترض في الجزء ده من الباب الأمامي مفيش دعامة حديدية ، و إن كان في جزء السمكري
مش حيطوله من جوه يبقى - و لله الأمر - خليه يشده ب"النحاس" (طبعا حيسخن)
قبل الرش يفور أوكرة الباب و الباكتة السوداء الموجودة أعلى الباب بتاعة الشباك و كمان باكتة الباب (الجريدة) و المراية بقاعدتها .... أثناء الرش "يعفر" الباب من الداخل
بعد تنظيف مكان الحموات .
بعد إنتهاء الرش تماما و سحق و تلميع الباب يركب الحاجة تاني .
إجمالي المصنعيات و الخامات في حدود 400 : 500 جنيه تقريبا و الله أعلى و أعلم .
رأيي الشخصي الصيانة غير مرتبطة بأعمال السمكرة و الدهان أيهما أسبق (الصيانة / إصلاح الباب) .
إن شاء الله بالتوفيق .