الموضوع: للاخوة الاعزاء اعضاء ال byd ارجو قرائة هذا الموضوع عن زيوت السيارات

باشمهندس حسام عجبنى جدا تعليقاتك والاستاذ باسم وتحت امر الاستاذ ايهاب فى العنوان ورقم التليفون وسوف اكمل تجربة الزيت اليوم فى عز حر المنيا والقيادة لمدة ساعتين داخل وخارج المنيا ومشغل التكييف ومعى صديقين من الاحجام الكبيرة
الزيت جربته فى الاول مساءا وكان موطى صوت الموتور على السيلانسية اليوم كانت السيارة ولاول مرة لا يتاثر سحبها مع تشغيل التكييف بل تسير بنفس السرعة والتسارع عندما شغلت التكييف صحيح الصوت يعلى عند الكيك داون وهذا طبيعة الاوتوماتيك ولكن ليس ببشاعة الصوت الاول مع شل الترا وقت الظهيرة وفى وسط المدينة الدوس على دواسة البنزين يجعل السيارة تستجيب بسرعة تشعرك ان قدمك يجب ان تكون جاهزة للفرامل من قوة السحبة والاستجابة الزيت محترم جدا جدا وغير من اداء السيارة الى الافضل بطريقة ملحوظة جدا شعرت اليوم ان الزيت يصلح لسيارات الاشغال الشاقة ولى تعليق على الزيت اذا عشت وعملت خمسة الاف كيلو وشكرا لحسن اهتمامكم

المشاركة الأصلية كتبت بواسطة ehabpopo

ممكن يا دكتور اسم الوكيل بتاع الزيت الالمانى ده ... او التليفون ... او تقولنا بيتباع فين ؟؟؟؟

العنوان ياباشا هو مساكن شيراتون مربع 1177 عمارة 3ج شقة 3 الدور االاول بجوار الاكاديمية البحرية الجديدة

ارقام التليفونات 0222698822

موبايل 0124961111

الانسة ريهام رافت انسانة مهذبة جدا ومتعاونة جدا وقلبها على الشركة سوف تسجيب لاى طلب او اسفسار وياريت لو احد اشترى الزيت ياخذ منهم البروشور بمنتاجاتهم لان عندهم منتاجات متنوعة مثل ال injection cleaner وقرات عليه تعليقا على منتدانا من احد الاعضاء انه فعال جدا وهناك منتجات عديدة

المشاركة الأصلية كتبت بواسطة kokyjoon

وإحنا مستنيين تعليق حضرتك يادكتور مناهرى
ويارب يكون كويس علشان نستخدمه
أنا عموما درجة الحرارة عندى مش عالية قوى والبلد مش كبيرة
يعنى ماعندناش حمل على السيارة وده اللى مخليبنا ماشيين بالموبيل لغاية دلوقت
وبنزله بعد 3000 كويس جدا

عزيزى الفاضل الزيت ال liqui moli high tech 4100 اصلا يستعمل فى اوربا لمدة ثلاثين الف كيلو ويسمونه زيت العام اى استخدام السنة كلها وعندما دخلت على الرابط ووضعت اسم موتور السيارة كتبوا لى ان ميعاد غيار الزيت بعد 15 الف كيلو يمكن على الجو عند سيادتك السيارة تعمل 20 الف او اكثر الزيت يستخدم حتى لسيارات التربو التى تحتاج الى زيت يتحمل الحرارة العالية للتربو

المشاركة الأصلية كتبت بواسطة topgun12

على فكرة الزيت اللى انت جايبة دة اى كلام لسبب ان اقصى درجة حرارة يعمل فيها 40 واقل درجة حرارة هى 5 ومكتوب على العلبة بتاعة الزيت لانى دخلت على الموقع ولو انا غلط صلحلى المعلومة مش عيب وسلملى على الفلاح الفصيح

اذا كان مكتوب على الزيت انه 5w-40 فليست هذه الارقام تعنى انه يعمل فى rang حرارة من 5 درجات مئوية الى 40 درجة مئوية هذه معلومة غلط بل 5w تعنى انك تستطيع تشغيل السيارة فى درجة حرارة 30 مئوية تحت الصفر ورقم 40 او 50 معناها احتفاظ الزيت بلزوجته تحت اعلى درجات الحرارة التى تصل الى المئات من درجات الحرارة بسبب احتراق البنزين وهذا يوضح مايسمى بمقدرة صانع الزيت التخليقى بما يسمى wide rang of viscosity واذا دخلت على الرابط الذى وضعته سوف تجد ان الزيت الذى اخترته صالح لسيارتى وعندما اخترت فيات برافو تربو 120 حصان اعطانى الموقع نفس نوع الزيت وكتبت فيات برافو تيربو 150 حصان اعطانى نفس نوع الزيت وهو liqui moli high TECH 4100 وهذا يعنى احتمال الزيت لاقصى ظروف التشغيل وهو السخونة والجهد الناتج من موتور تيربو
المهم هنا نوع الزيت ومدى جودته هناك زيت يتحمل الى فترة قصيرة ثم يحدث مايسمى it breaks down اى تلف الزيت بعد فترة قصيرة من التشغيل وهذا الزيت الذى ذكرته لو قرات عنه فعلا يستعمل فى اوربا لمدة 30 الف كيلو ويسمونه OIL OF THE YEAR اى الزيت التى تضعه فى السيارة وتنساه لمدة عام فكيف يكون انك قرات عنه وعرفت انه زيت اى كلام الزيت المانى وليس تعبئة اى دولة سوى المانيا ومكتوب على الجركن مصنوع فى المانيا وانت سيد العارفين ان الالمان لا يستخفون باى منتج لهم ثم ان هناك هيئات امريكية والمانية تختبر الزيوت المخلقة ولا تصرح بتداولها فى السوق الا بعد اختبارات عديدة وقاسية وهذا الزيت حاصل على كل علامات الاختبار وهو زيت معتمد لمرسيدس وبى ام والفولكس فاجن
اما عن الفلاح الفصيح مازال يعيش وصحته مثل الفل واشترى موبايل وطلبت منه مثل وحكمة فقال لى مثل صعب فهمه قال لى مايخربش الطاحونة غير ابو قدح

اسم الهيئتين التى تختبر وتجيز لزوجة الزيت وهما
The Society of Automotive Engineers (SAE)
The American Petroleum Institute (API)
وبالمناسبة كلمة 5W حرف W لايعنى WEIGHT اى وزن بل تعنى WINTER START

سلام عليكم
شرح وفى ورائع دكتور مناهرى الله ينور عليك