ياريت استاذ/ عماد او الاستاذة / داليا يفيدونا فى الموضوع ده ... لانة مهم جدا
شكرا لأهتمامك يا استاذ ايهاب و ان شاء الله اى سؤال تحب تسأله انا هاكون معاك و هارد عليه
بالنسبه للزيت اللى الدكتور استعمله ده مناسب للسيارات الحديثه و بيستحمل درجات الحراره المرتفعه و دى ميزه فيه فى الزيت و اللى هايستحمل درجات الحراره فى المنيا و يكون اداءه جيد و معدله ثابت اكيد هايكون افضل فى جو القاهره و الميزه كمان فى الزيوت انه بيطلق عليه زيت العام يعنى معدل اداءه ثابت و لا يتغير بتغير درجات الحراره و اعتقد ان ده هو اللى بندور عليه فى اداء السيارات
ايهاب باشا اذا كان الزيت نفع فى المنيا فبالاولى فى القاهرة طوال النهار اشارات وتوقف فى الاشارة فى درجة حرارة عالية وتشغيل التكييف الموضوع حمل على الموتور والزيت بالاولى واذا كان الزيت يستعمل فى اوربا فهو ايضا يستعمل فى درجة حرارة تحت الصفر بل الزيت ال top tech تقدر تشغله فى 30 درجة تحت الصفر ولكن الرائع هنا فى الزيت انك ايضا تقدر تسير به فى درجة حرارة 50 فوق الصفر مع تشغييل التكييف والاجمل ان يسير بك الزيت ما يقارب ال 15 الف كيلو
اشكرك جدا على اهتمامك وردك يا استاذة / ريهام بس احب اعرف حضرتك ان فية مشاركة اخرى ... فى منتدى اخر للسيارات مشهور ايضا ... فية زميل كان بيعمل صيانة لل byd .. ورفضوا يغيرولة الموبيل بالزيت الالمانى دة " high tech 4100 " وهو اشتراة بناء على ثقتة قى موضوع دكتور المناهرى .. واستاذ / احمد ... ورجع من غير ما يغيرة ...
لية حضراتكم مش بتسوقو الزيت ده وتعرضوه على التوكيلات .. لعل وعسى يفهمو ويقبلوة ... ويبقى موجود اكتر من نوع زيت ... باكتر من سعر ... والعميل هو اللى يقرر
انا متأكد من رأى حضرتك يا دكتور ... وعارف انك بتدرس الحاجة كويس جدا ... وان شاء الله هاغير للزيت الالمانى ده ..
بس السؤال هو هايتغير بعد كدة ب كام كيلو ... ؟؟؟ 15000 زى ما مكتوب فى الموقع ولا اية ؟؟؟
وخد بالك انا زى حضرتك استخدامى للسيارة قليل ... يعنى ممكن اعمل ال 15000 كيلو فى سنة او اكتر كمان ...
ولا لسة موضوع ال 15000 كيلو تحت الاختبار العملى
مستنى رد استاذ/ عماد او الاستاذة / داليا بخصوص تغير نوع الزيت
لانه خطوه كويس جدا لو سمح بها
بالرغم ان اعتقد ( وده مش معلومه اكيده ) ان الشركة بتكون متعاقده مع نوع معين ومينفعش تغبر
بس ده على حساب العميل .
بس لازم يكون فى اخيار لاكثر من منتج وخصوصا اذا كانت جميعا تصلح ولا تضر بالتالى لى حركة الاختيار كعميل .
يا جماعة على ما أعتقد أنه مش من حق التوكيل فرض نوع معين من الزيوت .. وإن كان بيغير نوع معين أثناء الصيانات فده بيكون على أساس اتفاق بين التوكيل والشركة الموردة للزيوت .. بس في نفس الوقت لو الزيت اللي جايبه العميل في نفس الكفاءة أو أحسن يبقى هو حر في أختياره .. على الرغم من التهديدات للعميل بأنه ممكن يضر العربية .. والكلام ده طبعاً لا أساس له من الصحة من الناحية العملية إلا اللهم أن التوكيل عاوز يبيع تارجت معين من هذه النوعية من الزيوت علشان عقد الاتفاق ونسبة أعلى في الربح .
زى ما بقول يا باسم ... ادخل الموقع التانى ... ها تتأكد انهم رفضوا الزيت الالمانى ...
وانا متأكد انى لو روحت الصيانة ها غيرة ... حتى لو هاكتب اقرار على نفسى انى مسئول عن تغير نوع الزيت ... بس مش معقول كل حاجة ها نعملها ها تكون بالخناق والزعيق والبلطجة ...
تفتكر لو روحت مركز الاسكندرية ... ها يكون الحال افضل ... بالنسبة لموضوع الزيت بالتحديد ... وانا عارف انهم ناس محترمة جدا