للاخوة الاعزاء اعضاء ال byd ارجو قرائة هذا الموضوع عن زيوت السيارات

**KHGGK74** · 10-10-2011 02:12 PM

هل العربية تخرج من الضمان فى تغير الزيت خارج التوكيل

**KHGGK74** · 12-10-2011 11:30 AM

محدش رد بخصوص تغير الزيت مع التوكيل والخروج من الضمان او ان يقوم التوكيل بتغير نوع اخر من الزيت حسب رغبت العميل

فى الناس بتوع التوكيل

**Emad Habib** · 12-10-2011 02:39 PM

من حق كل عميل ان يفعل ما يريد وان يستعمل الزيت المناسب لسيارته ويختار افضل نوعيه او النوعيه التى تلائم ظروف عمله او سفره او البيئه المحيطه ومن حق التوكيل النصح باستخدام الزيت المناسب للسياره نظرا لوجود دراسات وقياسات متعارف عليها ومن شركات كبرى عالميه واسماء معروفه منذ سنوات عديده

اما بالنسبه لتغيير الزيت فى الضمان او خارج الضمان هذا الاجراء للتاكد من نوعيه ومصدر الزيت وعدم استخدام زيوت غير مطابقه للمواصفات وللعميل كامل الحريه فى اختيار الزيت المناسب لسيارته

وللتوكيل الحق فى عدم اعطاء ضمان للموتور او اى قطعه بالسياره كالفتيس او الباور عند استخدام زيت غير مطابق للمواصفات ولكن يمكن ان يقوم بتغيير الزيت الذى قام باحضاره ويوقع على مسئوليته التغيير بزيت من خارج التوكيل

**topgun12** · 12-10-2011 04:57 PM

انتوا اساسا فى التوكيل بتهربوا من مسئولية اصلاح السيارة لو فيها عيب فملوش لازمة الاقرار لانة حتى لو العيب من عندكوا حيكون العميل هو المخطىء فكلتا الحالتين لا يتم اصلاح السيارة التوكيل ماشى بحكمة الاعتماد على النفس بعد شراء السيارة حتى يكون العميل اكثر رجولة وتحمل للمسئولية والاعتماد على النفس ..................ادينى الصبر من عندك

**elmanahry** · 14-10-2011 08:59 PM

الى الحبيب الاستاذ عماد حبيب ارجو قراءة هذا الرابط
http://www.nilemotors.net/Nile/251248-a.html#post3873869232
وسوف استعير لسيادتك هذه العبارة لكاتب الموضوع
لأن الخيارات كانت الأول ياموبيل 1 أو شيل ألترا والأثنين أنيل من بعض
اذا كان هذا راى احد ملاك الجميلة BYD وهذا الاخ اتفق على زيت الفالفولين فكيف يشترى احد ملاك ال BYD F3 زيت LIQUI MOLI ويذهب الى مركز صيانة تبعكم فى القاهرة لغيار الزيت ولكن مركز الصيانة يرفض غيار الزيت ويصر المهندس المسؤل على الموجود فيضطر الرجل ان يرجع بالزيت للتوكيل لارجاعه هل هى قلة ثقافة ومعرفة بالزيوت الحديثة الا تحترم رغبة العميل فى شراء زيت يرى انه الافضل وفى نفس الوقت يتسع افق ومعلومات مهندس الصيانة الى ان يغير الزيت للعميل حسب رغبته ارجو التنويه فى مراكز الصيانة على هذه النقطة

**islamelesswi** · 14-10-2011 11:34 PM

الأستاذ elmanahry بعد التحية أشكر حضرتك على أقتباسك بعض العبارات من موضوعى عن أستهلاك البنزين الزائد بسيارتى فأنا أعتز بذلك كثيرا لأنك من أكثر الشخصيات أحتراما بالمنتدى و بالذات بالجزء الخاص بنا كملاك byd ولعلم حضرتك أنا متابع جميع مشاركتك وقد أستفدت منها كثيرا وهذا ماذكرته فى مداخلتى وبالذات موضوع الزيوت وقد أثر ذلك كثيرا فى أتخاذى القرار بتغيير نوع الزيت الذى أستخدمه الى نوع أحدث وأكثر تطور وتكنولوجيا من الأنواع المفروضة علينا

**ليكوي مولي** · 15-10-2011 02:41 PM

اعتقد ان مش من حق التوكيل انه يرفض تغيير الزيت بنوع اخر غير المرشح من الشركه المصنعه المفروض يحصل كالاتى :
ان عند تصنيع اى نوع من السيارات بيرشح زيت معين من كل شركة تصنيع زيوت او بمعنى اخر الزيوت المكافئه لبعضها من كل شركة زيوت مثلا mobil one = 5w40 top tec و هكذا و العميل حر فى استخدام النوع المناسب ليه .

ولمزيد من الاستفسارات برجاء الاتصال على الرقم التالى 01224961111

**elmanahry** · 15-10-2011 03:02 PM

المشاركة الأصلية كتبت بواسطة SuperReham2011

اعتقد ان مش من حق التوكيل انه يرفض تغيير الزيت بنوع اخر غير المرشح من الشركه المصنعه المفروض يحصل كالاتى :
ان عند تصنيع اى نوع من السيارات بيرشح زيت معين من كل شركة تصنيع زيوت او بمعنى اخر الزيوت المكافئه لبعضها من كل شركة زيوت مثلا mobil one = 5w40 top tec و هكذا و العميل حر فى استخدام النوع المناسب ليه .

ولمزيد من الاستفسارات برجاء الاتصال على الرقم التالى 01224961111

سوف اؤيد كلام سيادتك بان اقتبس خلاصة القول فى هذا الموضوع الذى وضعه استاذنا الاستاذ كريم منيروهو كالاتى

لاخوة الاعضاء
خلال قرائتي لمشاركاتكم وجدت اننا وانا اولكم نعاني من نقص ثقافة الزيوت
يعني واحد يقول انا مش بمشي كتير والتوكيل قاللي حط زيت ال 5 الالاف كم
طب الزيت ده معدني ؟؟
هل معقول نحط في عربية زيرو زيت معدني
والموتور الزيرو معروف ان فروق خلاصاته ضيقة جدا وعايز زيت تخليقي عالي اللزوجة خاصة عند بداية الدوران صباحا
يبقي احطله زيت معدني تقيل يزود الاحتكاك ويقلل كفائة موتور عربيتي
(للاسف في توكيلات كتير معندهمش ضمير بيعملو كدة)
انت قرأت مواصفات الزيت لموتور عربيتك من الكتالوج
للاسف بعض التوكيلات بهدف الربح ممكن تتعامل مع ماركة زيوت وتغيرها تاني سنة
واكبر دليل لما كان غبور بيتعامل مع موبيل من كام سنة وغير لشل
وتويوتا ايجبت بتقول موبيل رغم اني واثق تماما اني لو حد تاني راحلهم بعقد اخر هايغيروة
وانا شخصيا رفم ان عربيتي جايبها زيرو عمري ما حطيت موبيل ولا سمعت كلام التوكيل لاني مش واثق فيه ولا في اي منتج معبأ في مصر مع احترامي
يبقي انا شايف انه من الافضل اننا نحاول نركز اننا نفهم ثقافة الزيوت وارقامها
عشان نعرف الزيت الملائم لموتور عربياتنا وسواء بقي حطينا فالفولين او غيرة نبقي فاهمين كويس ثقافة الزيوت عموما ودي رسالتنا في نايل موتورز
والرابط
http://www.nilemotors.net/Nile/245367-valvoline-5.html

**ehabpopo** · 15-10-2011 11:08 PM

المشاركة الأصلية كتبت بواسطة superreham2011

اعتقد ان مش من حق التوكيل انه يرفض تغيير الزيت بنوع اخر غير المرشح من الشركه المصنعه المفروض يحصل كالاتى :
ان عند تصنيع اى نوع من السيارات بيرشح زيت معين من كل شركة تصنيع زيوت او بمعنى اخر الزيوت المكافئه لبعضها من كل شركة زيوت مثلا mobil one = 5w40 top tec و هكذا و العميل حر فى استخدام النوع المناسب ليه .

ولمزيد من الاستفسارات برجاء الاتصال على الرقم التالى 01224961111

سيبك من الخناقة اللى ممكن تحصل بين العميل والتوكيل وقت تغيير الزيت ...
انا زى ما قولت لحضرتك عايزكم تعرضوا الزيوت اللى عندكم والدراسات اللى اتعملت عليها ... مع توضيح لماذا الافضلية للزيوت بتاعتكم ...
اعتقد انها ها تكون افضل طريقة ...
ولو انى متأكد انهم ماعندهمش استعداد انهم يغيرو او يهتموا بالعميل او بثقافة الزيوت ... والدليل على كدة كلام استاذ عماد ... ان التوكيل من حقة انه ما يديش ضمان على الماتور او كل ما يختص بة فى حالت ان العميل يبدل زيت موبيل بزيت اخر ... طيب ده كلام ؟؟؟
وكأن العميل مش بيخاف على عربيتة ... او ها يحطلها زيت أكل ... "عباد الشمس مثلا " .
وكأن التوكيل بيخاف على العربية اكتر من العميل ... علشان كدة بيحظرة من تغيير زيت موبيل ... كلام مش منطقى خالص ..
يا ريت يا استاذة ريهام تقوموا انتم بالخطوة دى وتعرضوا الزيوت بتاعتكم على مراكز الصيانة ... لعل وعسى