السلام عليكم
الموضوع بأختصار
كنت متجمع انا واصحابي وفجأه قامت في دمغنا نطلع اسكندريه نقضي يوم ونرجع تمام تمام لحد هنا كويس
المهم طريقنا هيكون دائري - محور - اسكندريه الصحراوي
طلعنا الدائري من الزراعي في اتجاه المحور (5 اشخاص في العربيه اوزان 60 و70 80 كيلو )
انا كنت مرهق شويه قلت لزميلي سوق انت يا بطل (هو بيسوق قبلي بحوالي اربع سنين وهو اساسا مندوب مبيعات يعني بيفروك في شوارع وطرق الجمهوريه طوال النهار)
المهم بدأنا نتحرك وقبل كمين الوراق بحوالي 900 متر زميلي عدا على حفره من الحفر اللي موجوده ع الدائري (ربنا يسامحه ) والسرعه كانت حوالي 80 لأن اصلا هو سواقته هاديه المهم سمعنا صوت تك تك تك تك (الطاسات اليمين بتعمل صوت رفه وتكتكه)
ركنا ونزلت ابص وألاقي (---مفاجأه قاتله لم اكن اتوقعها نهأيا من اللوجان-----(الرينو اساسا اثناء الحرب العالميه كان بيصنع دبابات و مدافع يعني من الاخر مصنع حربي))
ايه هيه المفاجأه
1-العجله اللي قدام يمين الجنط الحديد اتنى لفوق في اتجا ه اكس الدوران حوالي 1 سم(انا ثقتي في رينو وبالذات لوجان كبيره جدا جدا علشان كده زي مابقول كانت المفاجأه قاتله)
2-وبناء عليه العجله التيوبلس نامت فورا اول لما وقفنا بالعربيه
3-العجله اللي ورا يمين الجنط الحديد اتنى لفوق في اتجا ه اكس الدوران حوالي 4 مم
4-والحمد لله العجله مانمتش (كانت هتبقى مشكله - مفيش غير استبن واحد)
غيرت العجله اللي قدام بالأستبن وكملنا الرحله ورجعنا بالسلامه والحمد لله وده لثقتي في لوجي انها تقدر تكمل (500 كيلو رايح جاي)
جه وقت الاسئله يا وحوش
1- اعمل ايه عشان استعدل الجنوط ويرجعوا زيرو تاني اروح التوكيل (عبور ولا مقطم)
2-هيتعملوا في الضمان ولا لأ (عيب صناعه مثلا كنا محافظين على قواعد السير الصحيحه وزن مظبوط سرعه مظبوطه)
3-لو لأ مش في الضمان يبقى هيتكلفوا كام في التوكيل
4-لو بره التوكيل يبقى هيتكلفوا كام واعملهم فين (انا من القاهره)

افيدوني ياوحوش -- اسف ع الاطاله -- شكرا
للأمانه انا حاسس ن لوجي خددت عين محترمه في اليوم ده والحمد لله انها جت على قد كده