الموضوع دا للناس اللي جربت ستائر الكبس لمعرفة مدي نفعها من عدمه
عرض للطباعة
الموضوع دا للناس اللي جربت ستائر الكبس لمعرفة مدي نفعها من عدمه
متابع
عملية جدا
اولا سهلة الخلع ومش هتسببلك اي مشاكل مع المرور لان اخرها هتخلعها قدامة وبعد متمشي تركبها تانى
مكنتش بشوف منهازمان بس ركبتها بقالي شهر تقريبا واتعودت عليها خلاص
بس متهيألي لو حد شافها مش هيفرق بين الستاير والفيمية ووممكن نلبس مخالفات..ولا ايه
بحس انها بتعوق الرؤية اكتر من الفاميه ... ماشي بيها سنة لحد دلوقتي من غير مشاكل بس متهيألي لو حد عايز يخالف حيخالف عليها عادي يعني ...
مشكلتها التانية لما حد بيقعد معايا ورة في العربية لا بيبقى شايف من الازاز ولا عارف يفتحه يرمي حاجة او يطلع ايده .. ليها عيوبها برضه ...
عملية جدا وبالذات الطبقات القليلة
اشترتهم علشان الاولاد فى السفر للمصيف وبعد مارجعت من السفر شلتهم لانى مابحبش حاجه تعوق الرؤيه عندى
لكن اللى متعود على الفاميه هايبقوا كويسين معاه
بحطهم دايما وانا ركن او مسافر
1- بتقلل سخونة الصالون
2-بتحسن اداء التكييف لان الصالون بيكون مافيهوش حرارة الشمس
3-لو حد ضرب العالى وراك مش هتحس باى حاجة ولا مختاج تقلب مراية الصالون
4- لو حبيت تنام فى العربية ودى بعملها كتير بركبهم وافرد الكرسي وانام
5- لو حبيت تغير فى العربية ودى قليل من الناس بيعملوها لكن انا بعملها ومافيش اى مشاكل
6- اتعودت عليها لدرجة انى اى عربية راكبها لازم اشترى طقم كامل ومش بعرف امشى من غيرهم
7- مش فاكر بس مرة واحدة المرور حب يغلس خلانى اشيلهم وركبتهم تانى بعد اللجنة
حلوةاوووي
العيوب
لازم تشغل التكييف لانك لو فتحت الازاز ممكن يقعو ( يدوب توارب الازاز)
لو حد بيكلمك لازم تفتح باب العربية عشان تعرف تاخد وتدي معاة
لاكن طبعا احسن من الفمية 100 مرة