اقتباس:
ows212 كتب:
شكرا معاذ ... مافيش اخبار عن مركز الصيانة بتاع اسكندرية اللى بيتعمل
و الله انا مسألتش, بس هناك كانوا بيدربوا ناس علشان مركز ابو رواش, و اللى سمعته ان مهندس احمد عبدالوهاب هينقل هناك لما بفتحوا
و انا موجود كمان واحد جه و ملا application, بس واضح ان ابو رواش هو اللى له الاولوية حاليا
اقتباس:
goodwave كتب
مبرووك يا معاذ
عقبال صيانة ال 50 ألف :)
الله يبارك فيك يا احمد باشا
اقتباس:
Karim_monir كتب:
مبروك يا معاذ وعقبال صيانة ال 500 الف
طب انا ممكن اروح استعمل الانترنت وايرلس وامشي من غير مايكون معايا عربية
:D:D:D:D
الله يخليك يا كيمو
يا باشا ده مركز دايهاتسو كله تحت امرك, هو فى كام كريم منير يعنى
اقتباس:
m10_10 كتب:
انا حاجز صيانه من يوم الاحد اللي فات وقالولي مفيش مواعيد غير الاحد القادم...
انا فعلا كنت ناوي اقولهم عالونه اللي بسمعها دي...
اكتر حاجه مضايقاني بصراحه ان العربيه دي بجيب بيها 120-130 بالعافيه..
انما البيكانتو بتاعه اخويا بجيب بيها 140 مستريح جدا (رغم انها 1100 سي سي و65 حصان)...
بس الفرق ان البيكانتو دريكسيونها خفيف جدا عالسرعات انما السيريون بيكون جميل مابحسش انه هايفلت مني زي البيكانتو...
وفعلا انا حاسس شويه ان صوت الموتور علي شويه وانا لسه يادوب 3500 كم..
بس هاقولهم علي اني فعلا حاسس ان التكييف مش قوي...
ربنا يكرم ان شاء الله..
ومبروك يا معاذ عالصيانه...
الله يبارك فيك يا محمد
الونة دى يا سيدى سببها ان فى جلبة بتوصل حاجات فى بعض فى الفتيس (المصطلحات اللى فاكرها: عمود الدريك, الحدافة (fly wheel)) الجلبة دى فى السريون اكبر من الطبيعى, فلما بتلف بتعمل الونة دى, لكن على كلام المهندس ملهاش اضرار خالص
العربية قبل الصيانة حاجة و بعدها حاجة تانية خالص, خاصة لما قربت من ال 5 الاف, سحب العربية كان وحش بجد, يعنى مرة مرضيتش تعدى ال 120 خالص
استنى كده و جرب بعد الصيانة, و قول لنا الاخبار, اصل العربية تجيب 160-170 مستريح, و ده على كلام صاحب السيارة المانيوال اللى قابلته هناك
اقتباس:
ابوعبدالله كتب:
ومبروك يا معاذ وربنا يباركلك في العربيه ان شاء الله
ربنا يخليك يا ابوعبدالله, و يباركلك و يجازيك خير عننا
اقتباس:
SAbuhashem كتب:
مبروك يا معاذ
الديهاتسو من العربيات إلي أنا بقدرها لأنها بتلعبها صح في المكان الصح ومع الوكيل الصح .
شفت يا معلم الغطا الجديد ملحقتش أتهنى بيه يومين على بعض .
Thanks
Eng.Sherif Shaker
الله يبارك فيك يا باشمهندس
هى فعلا عربية جميلة, بس انا مستنى رأيك لما تجربها ( و متطيبش خاطرى بكلمتين زى ما عملت مع هشام الفقى مع السيفيك)
انا زعلت جدا على اللى حصل للعربية, الحمد لله على كل شىء, ربنا يأجرك فى مصيبتك و يخلفك خيرا منها