معلومات تهمك الزيوت واراء في الزيوت الحديثة
بسم الله الرحمن الرحيم
سؤال منتشر حاليا وخاصة بعد زيادة شركات الزيوت و شعور البعض ان الزيت اللي معاهم اداؤو اقل او بيزيد استهلاك البنزين
دخلت دورت في كذا موقع وقبل ما اتكلم في انواع الزيوت لازم نجاوب سؤال ازاي تختار الزيت الناسب ليك
اول حاجة لازم يكون عندنا علم ب 3 مفاهيم اللي هي
1-الاضافات :"additives" ----
2-اللزوجة
2-التصنيف الكودي
نبدا بالاضافات
ودي فايدتها انها تساعد في المحاظفة على برودة المحرك ونضافته وتمنع التااكل
ودي تكلفتها ربع تكلفة الزيت
--اللزوجة--
معنى اللزوجة هي القابلية للتدفق
في نوعين من الزيوت حسب اللزوجة
single-viscosity oil
multi-viscosity oil
النوع التاني هو اللي شائع الاستخدام وليه رقمين بيحددو قابلية لزوجتو حسب الحرارة يعني مثلا عندنا زيت الرقمين بتوعو 10w40 ده معناه ان الزيت في الشتا بيكون افضل حالات لزوجتو لحد 10 وفي الصيف افضل حالات لزوجتو اقل من او يساوي 40
--التصنيف الكودي--
http://media.wiley.com/Lux/16/131016.image0.jpg
وده بيكون عبارة عن ليبول موجود على الزيت ودي ارقام معانها ان الزيت متوافق مع اتفاقيات حماية المحرك و انو متوافق مع المتطلبات الاقتصادية للاستهلاك وفقا للجنة الدولية
International Lubricant Standardization and Approval Committee
طبعا التصنيف الكودي حكاية كبيرة جدا وعاوز موضوع لوحدو ومش حقدر اجاوب حد فيه عشان مفتيش بس كل الزيوت حاليا بتعمل الموضوع ده زي موضوع ال iso9000 اللي هي شهادة السلامة البيئية للاسف في مصانع بتاخدو كده وهي لا فيها سلامة بيئية ولا حاجة عندك ابسط مثال مصانع الاسمنت في مصر :grin21:
--------------------------------------
في مفهوم حديث اللي هو الزيت التخليقي Synthetic oil
طبعا بيفرق في زيادة فترة تغيير الزيت وده بيفرق في انو بيقلل تااكل القطع في المحرك
ده غير انو بيعمل في درجات حرارة عالية
-------------------
نسال نفسنا شوية اسالة عشان نتاكد ان احنا عاوزين نغير الزيت
س1-ايه نوع الزيت اللي لازم استخدمو المرة الجاية
ج1-اذا كان المحرك بيتشغل كويس مفيش اي داعي لتغيير ماركة الزيت
----------------
س2-نوع الزيت المنصح بيه من شركة السيارة
ج2-يستحسن استخدام الزيت النصح بيه زي رينو بتنصح بتوتال و كيا بموبيل ولكن اذا كان لا محال يبقى تغيير الزيت افضل
------------------
س3-عمر السيارة
ج3-طبعا في ناس كتير كانت بتستخدم النوع السينجل زمان ويستحسن تغير للدوبل وغالبا مفيش في السوق غير الدوبل
السيارة لما تعدي 100 الف كيلو لازم تتاكد ان الزيت حيستحمل ومش حيرشح او تجيب زيت اعلى لزوجة وهكذا وده بيكون بسؤال المختصين
.................................................. ..............................*
ندخل في الموضوع اللي يهم الكل انواع الزيوت
عندنا في انواع كتير جدا ظهرت منها
liqui moly
valvoline
amsoil
royalpurple
وانواع كتير اخرى بس دول اشهرهم وافضلهم وان كان اخر نوعين كتير شكرو فيهم
وححاول اديكم بعض التصنيفات في بعض المواقع
في موقع Top Lists in Many Categories - User Contributed Rankings - ShareRanks.com
-----------------------------
وكان مصنف فالفولين ومديلو رقم 1 اهم تعليقات القراء على الزيت
--زيت فالفولين يضمن لك السير لمدة 300 الف ميل بدون اي مشاكل
--افضل حماية ومئة عام من الحماية المضمونة
--استخدمنا زيت فالفولين في سيارة chevy 98 لمدة 200 الف ميل وهو يعتبره افضل ما استخدمه
--افضل بديل لموبيل
---------------------
كاسترول وكان واخد التصنيف رقم 3
تعليق الموقع عليه --زيت ممتاز جدا وينصح به من صناع السيارات
تعليق المستخدمين
--افضل اداء لمحركي مع زيت كاسترول
التعليقات الباقية مجرد نقاشات في الاسعار
.................................................. ..*
طبعا مش حقول تقييمات للموبيل و الشيل لان احنا مجربينهم
بس دول اللي لقيتهم في الموقع من الزيوت الجديدة
&&&&&&
رايي الشخصي ان زيت فالفولين يكسب خاصة انو هولندي وياريت حد يتاكد من بلد المنشاء
اعذروني لاني تعبت في البحث عن الاراء واغلبها كانو بيتكلمو في النوعين التانيين للاسف انا حزين لانهم منزلوش مصر
وشكل فالفلولين ده بقالو 100 سنة واحنا مش حاسين بيه
يارب الموضوع يفيدكو ولو في سؤال في الجزئية الاولى وعرفت اجاوبو انا حاضر
