كمية الزيت السليمة للنيسان صنى؟؟!!

السلام عليكم و رحمة الله و بركاته,

اعضاء المنتدى المحترمين...
انا عندى مشكلة فى كمية الزيت المناسبة للنيسان صنى خاصة بعد اثارة هذه النقطة فى احد الموضوعات السابقة, فى صيانة ال1000 كم حطيت موبيل 10000كم فى يونايتد الدراسة و تم و ضع كمية 3.6 لتر بالفلتر و بعد قرائتى للموضوع بصيت على مقياس الزيت لا قيته معدى الشرطة اللى مكتوب عليها hو قبل الجزء المموج, كلمت مهندس يونايتد الدراسة اساله على الكمية الصحيحة قالى 3.6 لتربالفلتر و على مسؤليتى الشخصية, كلمت مهندس السبع اللى فى المعادى قالى 3 لتر برده على مسئوليته و اللى مش مشكلة لو عدت الH المهم متعديش الجزء المموج اللى بعد ال H ,
انا مش عارف ازاى يبقى فى تضارب فى مراكز الخدمة المعتمدة لنفس الماركة فى معلومة بسيطة و هامة زى دى و مش عارف اسال مين دلوقتى !!!( انا و اللهى خايف امشى بالعربية من ساعة مسمعت ان الزيت الزيادة غلط و خطر على الموتور لحد لما اتاكد من المفروض اعمله,العربية لسه عامله 8000كم)
ارجو الافادة لاهمية الموضوع و حتى يستريح قلبى و شكرا

كتالوج سيادتك مكتوب فيه الكميه المناسبه

و هي 2.75 بالفلتر و 2.50 من غير فلتر وده مكتوب في دليل المستخدم الي متسلم لحضرتك مع العربيه

و ده كمان من دليل الصيانه بتاع المصنع

http://img196.imageshack.us/img196/3927/unledcok.jpg

شكرا للاستاذ احمد على الرد
يعنى بتوع التوكيل بيفتوا, انا والله مستغرب ان الكتالوج مكتوب فيه و انهم مش عارفين الموضوع ده و بيحطوا كمية زيادة,
طب ايه العمل بالنسبالى د لوقتى؟؟؟

اطلع عليهم تانى .. ووريهم المانيول بتاع العربية .. وهددهم فى يونايتد انك حتقدم شكوى .. والافضل روح لاستاذ احمد صبرى
قوله انك من النايل موتورز وحصل كذا كذا معاك

تحياتى

ان شاء الله اول لما ارجع القاهرة هاروحلوهم, بس دلوقتى فى خطر انى امشى بالعربية كده و هل ده اثر على الموتور الفترة اللى فاتت اللى مشيتها بالزيت الزائد و افضل حل للموتور حاليا ايه (اكمل بالزيت كده و لا انزله) و شكرا

اقتباس:

---

المشاركة الأصلية كتبت بواسطة afaali

انشاء الله اول لما ارجع القاهرة هاروحلوهم, بس دلوقتى فى خطر انى امشى بالعربية كده و هل ده اثر على الموتور الفترة اللى فاتت اللى مشيتها بالزيت الزائد و افضل حل للموتور حاليا ايه (اكمل بالزيت كده و لا انزله) و شكرا

---

خطر لان الزيت الزياده بيوصل لعمود الكرنك و مع السرعه عمود الكرنك بيخلطه زي الخلاط و يعمل عملية foaming زي الصابون و لزوجته تقل و يبوظ الزيت و يبوظ المكنه حاول تنزله عند اي حد بتاع زيت و تحط الكميه المزبوطه بمكيال يعني تاخد 2 لتر و نص لانك مش هاتشيل الفلتر

تصدق أنا مشفتش ناس بتفتي اد الصنايعية اللي بتفتي في ال صني
أنا مفيش صنايعي سألته الا و قالي 3.5
"ومتخافش"
"و على ضمانتي"
ارجوووووك لو ماتعرفش ماتفتيش ارجوووووووووووك
ودي موضوعي أنا http://www.nilemotors.net/Nile/243358-a.html
وواضح إن الموضوع منتشر فعلا يعني أنا لسة داخل منتدى ال نيسان في بتاع 5 مواضيع عن الزيت في أول صفحة

واحد صاحب محل وعنده صني وبيقولي انا بحطلها الجيركن ال4لتر... ومصمم
اقوله المفروض 2.5 من غير الفلتر و2.75 بالفلتر... يقولي عيييب انت بتكلم صاحب محل
سيبناه ومشيناه... هاتقنعه ازاي

اقتباس:

---

المشاركة الأصلية كتبت بواسطة sonasteel

واحد صاحب محل وعنده صني وبيقولي انا بحطلها الجيركن ال4لتر... ومصمم
اقوله المفروض 2.5 من غير الفلتر و2.75 بالفلتر... يقولي عيييب انت بتكلم صاحب محل
سيبناه ومشيناه... هاتقنعه ازاي

---

قوله عيب انت بتكلم صاحب عربيه انا المضرور مش المحل المحل كسبان انه بيبع ال 4 لتر و انت ماشي وريله الكتالوج و اديله بالكتالوج في دماغه و اعمله فتحه فيها 2.5 سم عشان مينساش تاني و جزاة العربيات الي حط فيها 4 وخربها قبل كده

اقتباس:

---

المشاركة الأصلية كتبت بواسطة fbiahmed

قوله عيب انت بتكلم صاحب عربيه انا المضرور مش المحل المحل كسبان انه بيبع ال 4 لتر و انت ماشي وريله الكتالوج و اديله بالكتالوج في دماغه و اعمله فتحه فيها 2.5 سم عشان مينساش تاني و جزاة العربيات الي حط فيها 4 وخربها قبل كده

---

صح كده.... ويخرم جيب ام الثقه ديه
جابها منيييين ;)))

اقتباس:

---

المشاركة الأصلية كتبت بواسطة sonasteel

صح كده.... ويخرم جيب ام الثقه ديه
جابها منيييين ;)))

---

مش عارف قوله شاكلك فاهم يا نصه

لو على الصنايعية و الميكانيكية نقول ماشى ممكن يكون مابيعرفش يقرا و لا يكتب لكن مهنسى التوكيل كمان مش عارفين و بيفتوا ده بقى اللى يجنن و يغيظ طب الواحد يروح فين تانى بعد التوكيل!!!!

من قال لا أعلم فقد أفتى.. للأسف الشعب المصري كله بقى فتاي

فى كلمة من الفنيين ديما بتجنننى "على مسئوليتى" وشبيهتها هل لو العربية تلفت فيها اى جزء نتيجة الفتوة هيتحملها

اقتباس:

---

المشاركة الأصلية كتبت بواسطة FBIAhmed

قوله عيب انت بتكلم صاحب عربيه انا المضرور مش المحل المحل كسبان انه بيبع ال 4 لتر و انت ماشي وريله الكتالوج و اديله بالكتالوج في دماغه و اعمله فتحه فيها 2.5 سم عشان مينساش تاني و جزاة العربيات الي حط فيها 4 وخربها قبل كده

---

فعلاكلامكصحيح100%3لتربالفلت� �منكتالوجالسيارةومنمهندسا� �صيانة