مواصفات زيوت و سوائل الصني 2011 من المصنع

**FBIAhmed** · 10-09-2011 05:31 PM

جبتلكو انهارده المواصفات النموذجيه للزيوت و سوائل الصني كلها من كتالوج المصنع و الحاجات دي بتلاقيها مكتوبه على علبة السائل

دي من كتالوج المصنع بتوضح كمية الزيت و لزوجته طبقا لمواصفات الزيت للصني 1.6

و دي كمية سائل التبريد المفروض تتحط لما يكون مفيهاش نقطة ميه طبعا للمانيوال و الاوتوماتيك

بعد كده دي مواصفات كل السوائل بتاعة الصني 1.6 من زيت فرامل-باور-فتيس-دبرياج-ميه تبريد و احنا كلنا QG engine ال YD ديزل

بعد كده درجة الزوجه المقابله لدرجة الحراره و هما بيفضلوا 20-40 او 20-50 للمناطق الحاره انا مش عارف شل كام على كام بس وده معناه ان الزيت بيحافظ على لزوجته ما بين درجتين الحراره دول و انتوا عارفين في الصيف ساعات درجة الحراره بتبقى فوق ال 40 فيفضل 20-50

انا عارف ان الموضوع معقد شويه بس الحاجات دي بتلاقهوها مكتوبه على علب الزيت و سوائل التبريد و محدش بيعرف بتدل على ايه و المفروض ان الحاجه الي اشتريها تكون متطابقه مع مواصفات صناعة العربيه فحبيت اوضح ان كل حاجه و ليها معنى مربوط بمواصفة العربيه و بالتالي العربيه تعيش و تديك احسن اداء و ده الي على طول بتمناه من عربيتي

**Ali_Abo_Amr** · 11-09-2011 03:23 PM

احييك على جهدك صراحة ... الف شكر
انت بتذاكر الكتالوج مش بتقراه :)))) ودى حاجة فعلا جميلة اتمنى الناس تعمل كده عموما فى اي شئ مش بس العربيات ...
جزاكم الله خيرا

**FBIAhmed** · 11-09-2011 10:47 PM

بص ده لينك عملت منه داونلود لكتالوج الاستخدام يعني زي الي حضرتك بتستلمه مع العربيه

http://www.courtesyparts.com/pdf/2002-Nissan-Sentra.pdf

و ده لينك كتالوج المصنع بتاع تجميع العربيه نفسها و كل طرق صيانتها و اصلاحها و المحافظه عليها طبعا

http://www.b15u.com/downloads/fsm/2002_Sentra.zip

,متقلقش سينترا في امريكا هي الصني في مصر