الموضوع: حى على الاستثمار الحقيقى (دعوة للتفكير خارج الصندوق)

اضم صوتي لصوتك نفسي في حاجة بتعتي ليا انا و لولادي كفاية بقي مجهودي يبقي لغيري

أنا اشاركك نفس الشعور... ولكن التوقيت للاسف يمكن دلوأتي مش مظبوط .. في مخاطرة كبيرة على راس المال إلي هو زي محاضرتك عارف جبان. لكن مثلاً لو عاوز تعمل شركة في أي نشاط يبئة لازم على الاقل يكون ليها مقر أو شقة مثلاً ممكنٍ حضرتك تفكر تشتريها مبدئياً و بعدين تحوش عشان تمول مشروعك. أنا مثلاً عن نفسي مدرس فممكن يكون مشروعي مثلاً مستقبلاً سنتر تقوية... أو حضانة للاطفال ... بالنسبة لحضرتك فمجال تخصصك إيه و ليك خبرات في إيه ؟ و إيه هي رؤيتك للمشروع بتاعك؟ الواحد ماينفعش يعد طول عمرو يخلي غيرو ناس أغنيا و هو يعني حالو ماشي و خلاص! يعني هما أصحاب الشركات دي كلهم مليونيرات من أجدادهم ؟ أأكدلك إن نسبة محترمة منهم - self made millionaires - عموماً جمع كل التفاصيل لمشروعك بعد تحديدو و شوف إيه هي خطوات البداية. لكن متبتديش المشروع دلوأتي عشان السوق نايم و د ممكن يخسرك القرشين إلي حلتك، و ساعتها حتبئى خسرت وظيفتك و فلوسك و يمكن مش هيكون سهل كمان انك ترجع لوظيفة في نفس المستوى! ممكن مثلاً تستغل إن سوق العقارات نايم دلوأتي و تشتري مقر لشركتك بسعر مميز. على أي
حال ربنا يوفقك للاحسن - أخوك أحمد سامي

متابع طبعا ، ده ممكن يكون موضوع العمر لناس كتير

انا بس كنت عاوز الاخ تامر يعدل الثلاثة اللي مش استثمار حقيقي ويخليهم المضاربة في البورصة / المضاربة على العملة / التسويق الشبكي او الهرمي
دول بيسموهم الاستثمار الوهمي لان مالهمش عائد اقتصادي حقيقي على المجتمع

انما العقارات استثمار حقيقي وربنا خلق الانسان علشان عمارة الارض وهو من وجهة نظر تانية هي صناعة لانك بتضع قيمة مضافة على الارض البور وتجعلها عقار
اما الاستيراد والتصدير فده تجارة وتسع اعشار الرزق في التجارة زي ما قال الحديث الشريف ومتنساش ان رسول الله كان تاجر وتقدر تقول انه وكل القريشيين بيستورد من اليمن ويصدر للشام والعكس

انما انا فاهم انت عاوز ايه
انت عاوز استثمار صناعي او زراعي او خدمي ويمكن سياحي ، صح والا نشيل الخدمي والسياحي ؟

الاخ ابو روقه تحيه طيبه
شاكر مشركتك بس انا مصر على انعقارات لا تمثل قيمة مضافه الى الاقتصاد وفى بحث وادله كثيرة على هذا الموضوع
ليس هذا مجال الكلام عنه
بخصوص االتجارة احبها جدا ولكن من جانب الاتصدير وليس الاستيراد الذى اصبح مهنة ما ليس له مهنة يروح الصين ويجب كونتر اى حاجة ويبيع وخلاص

الاخ ايجبشن درايف كلامك منطقى جدا بس لاتنسى ان الازمات تصنع المليونيرات

باقى الاخوة شكرا للحماس بس مفيش مشاركات كتير ليه